1403, 2008

Notas para a accesibilidade web (I)

As cousas non son o que parecen, aínda que deberían Andaba eu matinando en como darlle continuidade aos obradoiros de accesibilidade web que tivemos estes días atrás e ocorréuseme a idea, ademais dun servizo virtual que estamos a preparar, de publicar nesta bitácora con periodicidade fixa (por exemplo todos os venres) e baixo o mesmo título: Notas para a accesibilidade unha colección de artigos sobre accesibilidade web que puideran ser entendidos por todo o mundo (ata para quen parte do nivel cero) e que se puideran ir apañando como se dun coleccionabre se tratase. -Pero que podería usar como primeiro artigo de estrea?- preguntábame. E velaquí que xa din con el. En qué quedamos? a 20 ou a 50? [D-393] Esta foto queda perfecta. Cun título parecido foi tomada dunha das páxinas de José Antonio Alonso Martín (1). Dúas sinais sacuden a nosa vista cunha curiosa confusión por mor do gran parecido entre o nome da aldea e unha posible limitación de velocidade de tráfico. Ao mellor non caemos na conta pero, algo parecido acontece moitas veces cos textos dos artigos das nosas bitácoras se non lles prestamos a atención que merecen; o noso idioma, e todos os idiomas do mundo: Están cheos de expresións ambiguas. Frases de dobre significado. Textos que só se poden entender correctamente se os lemos no seu contexto. Material que, para comprendelo, precisa certa formación técnica. Agora engadamos: Que as nosas páxinas web poden ser lidas por xente sen dominio do idioma (inmigración e lectores doutros países e idiomas). Que carecen desa formación específica. Que teñen os minutos contados cando nos len. Ou que están afectados por discapacidades que dificultan a comprensión escrita (persoas con xordeira, con certos tipos de dislexia, etc.) Que cómpre facer? Non son eles quen deben adaptarse á nosa mensaxe senón ao revés, nós adaptarmos para poder chegar a todas e todos e, polo tanto, cómpre redactar de novo e sen equívocos para que poidan leernos sen esforzos fóra de proporción (hai xente co tempo moi xusto para pararse a ler as nosas rifas). Un decálogo para deixar todo claro Aquí poderiamos deixar unha síntese de liñas básicas a seguir: Evita as frases e expresións con dobre sentido ou con sentido figurado. Se non puideses, explica o seu significado no propio artigo. Revisa a ortografía e os signos de puntuación antes de publicar. Unha mala escritura ou unha mala colocación provocan significados nulos ou mesmo contrarios ao que pretendes. Pechada a redacción do borrador, revísao unha e varias veces. Sempre hai algo que se pode mellorar. Vixía non caer en parágrafos ou en

Ler máis

1003, 2008

Cambiemos os estándares da UNESCO

[D-392] Un documento atrevido, importante e incompleto Recentemente chegou ás nosas mans un substancioso documento en formato PDF titulado Estándares de competencia en TIC para docentes cuxa autoría é da UNESCO. Trátase dun documento consensuado con data recente (Londres, 8 de xaneiro de 2008) e nel se recollen os deseños de estándares / directrices / orientacións de competencias TIC destinadas aos docentes e máis aínda aos programas formativos dos docentes. Que a UNESCO se atrevese a tanto xa é digno de eloxio, sobre todo se pensamos que de xeito automático se convirte nun referente universal para toda formación do profesorado sexa do país que sexa. O problema ven de que, ao noso xuízo, iste documento di moitas verdades, certo, pero cala outras e isto é grave. E de aí nace a nosa proposta para que sexa reformado de xeito que nel se recollan todos os elementos que, ao noso xuízo deben figurar nel. A esencia do que falta En síntese, que non se menciona en ningún sitio: A atención á diversidade A esencia da accesibilidade web como parte crucial de todo deseño para que no sexa excluínte para as persoas con discapacidade. A esencia do deseñado para todos como etiqueta de toda construción dixital para que ninguén quede excluído do seu acceso. A necesaria formación do alumnado nestes conceptos como parte da súa formación tanto ética como técnica. ¿Cambiamos isto? Ben. Agora se trata de ampliar, afondar, mellorar, arranxar ises puntos para rematar construíndo unha proposta ben vertebrada de mellora deste documento ¿Quen se anima? Admítense suxestións. Documentos que se citan Documento da UNESCO: documento en formato PDF procedente de eduteka.org Enlace na web de ‘internetaula.ning.com’ na que temos aberta esta discusión ao nivel de todo o estado español e no que vos invitamos encarecidamente a participar: internetaula.ning.com/group/atencionaladiversidad.

2102, 2008

10 razóns para unha web accesible

[D-353-1] Dez razóns para deseñar unha web accesible Este é o título do relatorio que impartirá Emmanuelle Gutiérrez Restrepo [1] da Fundación Sidar [2], na que repasarán as dez razóns para deseñar de xeito accesible, dez razóns de índole técnica, económica e social. Abordará conceptos tales como usabilidade, estándares, web semántica, interoperabilidade, aplicacións enriquecidas, comunicacións móbiles, posicionamento en buscadores, etc. E ademais retransmitida polos nosos compañeiros do CESGA [3]! Hoxe ás 18:00 a través de Internet accedendo á súa web no enlace que xuntamos ao final deste artigo e incluso participar mediante chat, rexistrándose como «anónimo», dende a web da iso-es.org [4] Outra opción tamén é a de seguirse na sede presencial do CESGA [3] en Santiago de Compostela, A Coruña, España. Relación de enlaces web que se citan en orde de mención Bitácora de Enmanuelle Gutiérrez Restrepo: www.bitacoras.sidar.org/emmanuelle Fundación Sidar: www.sidar.org Retransmisión dende o CESGA: mms://windowsmedia.cesga.es/isoc-es Chat para participar dende a Isoc: www.isoc-es.org/chat [D-353-2]

2002, 2008

A fenda dixital medra

[D-345] Veño de visitar algunhas bitácoras, costume diario, para ver que é o que se está a cocer nos foros docentes máis relevantes de fala tanto galega como castelán. Lamentablemente, o panorama resulta bastante empobrecedor: hoxe en día, asistimos con certa emoción á explosión da coñecida como web 2.0: hai unha efervescencia explosiva de comunidades educativas (pais, centros, alumnos e profesores) que se lanzan á construción de webs baixo diversos formatos de nova acuñación (bitácoras, wikis, webquest, etc.) incluso hai algún manifesto (declaración de Roa) para ser asinado sobre o uso de toda esta tecnoloxía nas aulas e de como vertebralas axeitadamente. En cambio, ninguén fala da accesibilidade que todos istes contidos deben cumprir (máximo a partires da publicación do Real Decreto 1494/2007 de 12 de decembro) pero xa sabemos que, a nós, nin os reais decretos nos moven. O caso e que temos milleiros de novas webs creadas dende as escolas e os institutos, case ningunha accesible a persoas con discapacidade, case todas sen saber qué é a accesibilidade web e, polo tanto, despreocupados 100% de tal asunto. Incluso algunhas ata manifestan que asistimos ao peche da fenda dixital, cando eu, nestas visitas, ao que asisto é ao seu axigantamento. Nota: non quero ferir por ferir, o meu obxectivo non é o sangue. Sei da moi boa vontade de moitos redactores destas e doutras milleiras de páxinas máis, pero, se as nosas actitudes provocan discriminacións, non cabe outro recurso que facelo saber, sen panos quentes, máximo cando os danados, son danados sen voz.

3001, 2008

Obradoiros de accesibilidade web

[D-314] Porqué e para que ¿Obradoiros de accesibilidade básica de contidos web? Nestes tempos asistimos —afortunadamente é moito máis que unha moda— a que moitas asociacións, docentes, pais e alumnos, teñan os seus propios cadernos de bitácora nos que publican case a diario os seus debates, opinións e descubrimentos. É a explosión da parte máis visible da web 2.0 da que tanto se fala. O caso é que a accesibilidade web destes espazos deixa moito que desexar dende o momento en que os temas ou esqueletos destas bitácoras non siguen totalmente os estándares da accesibilidade da W3C-WAI (www.w3.org) (moitos deles nin de lonxe) e, ademais, a maior parte dos seus autores descoñecen estes estándares e, polo tanto, non os trasladan aos contidos que publican (artigos e comentarios). Conscientes desta carencia, TADEGa ven de organizar unha serie de obradoiros de accesibilidade básica de contidos web pensados (non para re-deseñar os temas, que é asunto moito máis complexo que xa abordaremos máis adiante dende outra perspectiva), senón algo máis básico e sinxelo, para que quen suba e redacte contidos para as súas bitácoras, que estes contidos sexan plenamente accesibles. Nesta preparación dos obradoiros, atopámonos coa sorpresa de que en poucos días moita xente nos pediu poder participar neles e houbo que desdobrar convocatorias, lugares e datas. Así que, por se alguén quedou atrás, aquí vai o programa provisional. Cando e onde Talleres de accesibilidade básica de contidos web Nota: os enderezos electrónicos que se amosan nesta listaxe están descompostos engadindo espazos en branco a fin de evitar o correo lixo. Taller Nº 1 Lugar: Santiago de Compostela (CRA de Teo). Coordina: Susana Viqueira Cobas (SuViCo @ edu.xunta.es). Datas: sábado, 16 de febreiro (9 a 14 horas). Asistentes: Susana Viqueira Cobas. Belén Gómez Flores. Uxía Acuña Abalde. Ramón Xosé Rodríguez Orol. Rosa María Garrido Feijoo. María Begoña Salgado Bispo. Manuel Ángel Masaguer Rodríguez. Taller Nº 2 MATRÍCULA PECHADA POR SOBREPASAR OS LÍMITES DO AFORO. Lugar: Pontevedra (CFR de Pontevedra) – Centro de Formación e Recursos de Pontevedra (Rúa Celso Emilio Ferreiro). Coordina: María Belén Junquera Méndez (BelenJunquera @ gmail.com). Datas: sábado, 23 de febreiro (9 a 14 horas). Asistentes: Ana Belén Domínguez Besada. María Belén Junquera Méndez. Abraham Ignacio Domínguez Cuña. Ánxeles Rivela Machado. María Luz Besada Pérez. Nuria Fernández Fariñas. Inés Casal Barreiro. Cristina Campos Pérez. Xose Antón Vicente. Silvia Iglesias Lago. José Antonio Otero Piñeiro. Alexandre Cortés Ayaso. Begoña Otero. Mª Carmen Rodríguez Montegrifo. Natividad Bouzas Carneiro. Francisco César Díaz. Iago José Corral López. María Areán Fernández David Romero Queiruga. Silvia Fernández Kraemer. Laura Montenegro Fernández. Carmen Paz López. Vicente Sánchez Martín. Elda

Ler máis

2801, 2008

TIC para la igualdad

(Aviso: Artigo en castelán – Artículo en castellano) [es] [D-311] Presentación Vivimos en una sociedad democrática, plural y multidimensional; en la era del conocimiento. Esta es una realidad que no podemos negar y que no nos deja indiferentes. Que la atención a la diversidad es un derecho es otra realidad innegable al igual que el hecho de que cualquier persona con discapacidad debe contar con las mismas oportunidades de acceso a la información. Dicha atención a la diversidad no puede quedarse en una declaración de intenciones, por tanto, las Tecnologías de la Información y la Comunicación (TIC) no deben convertirse en un elemento más de marginación y discriminación a nivel educativo, laboral y social. Desde esta perspectiva, los autores consideran que las TIC constituyen un recurso importante, a veces imprescindible, para el desarrollo integral y profesional de las personas con discapacidad. De igual forma, el uso didáctico de los medios tecnológicos para atender la diversidad posibilita ofrecer una respuesta real y más acorde con las exigencias y demandas actuales para todos los alumnos. Este libro realiza un análisis acerca de las Tecnologías de la Información y Comunicación que están a disposición de las personas con determinados tipos de discapacidad en el contexto educativo. Contenido Capítulo 1. Las tic como elementos en la atención a la diversidad.La atención a la diversidad a través de las tic. Capítulo 2. Las tic y la diversidad auditiva. Capítulo 3. Las tic y la diversidad motórica. Capítulo 4. Las tic y la diversidad visual. La tiflotecnología. Capítulo 5. Las tic y la diversidad cognitiva. Capítulo 6. Las tic y las necesidades derivadas de los problemasde conducta. Capítulo 7. Las tic en el marco de la educación compensatoria. Capítulo 8. La accesibilidad de las tic Capítulo 9. Las tic y la inserción laboral de los discapacitados. Más información Autores: Julio Cabero, Margarita Córdoba y José María Fernández ISBN(10): 8466574867 Editorial : Trillas-Eduforma

2612, 2007

SMS accesible

[D-265] O SMS Accesible foi avalado polo CIDAT (Centro de Investigación, Desenvolvemento e Aplicación Tiflotécnica) da ONCE. Sisco Sapena, Director Executivo de Lleida.net: por primera vez los ciegos son capaces de leer los SMS. Carmen Ferández da ONCE–CIDAT: Ahora podemos acceder a los SMS por medio de esta web como lo podría hacer cualquier ciudadano” Madrid, 8 de novembro de 2007. Lleida.net, A primeira operadora de SMS de España, presentou en rolda de prensa no SIMO, unha páxina web que permite aos invidentes enviar e recibir SMS. Esta web accesible foi avalada pola ONCE, a través do seu Centro de Investigación, Desenvolvemento e Aplicación Tiflotécnica, o CIDAT. O SMS accesible é unha versión accesible desenvolta polo departamento de I+D de Lleida.net, que está adaptada ao JAWS (software utilizado polos invidentes que da voz á información aparecida na pantalla), e que permite aos invidentes enviar SMS e poder ler as mensaxes de texto entrantes na web. A representante da ONCE–CIDAT subliñou: Este es un servicio que ellos han puesto en marcha y que puede usar cualquier ciudadano y que además nosotros (invidentes) también podemos porque en Lleida.net han seguido unas pautas de accesibilidad que existen y que hacen que las webs sean accesibles y puedan ser utilizadas por cualquiera. Para nosotros es de vital importancia porque hay todavía muchas páginas webs que no cumplen esas pautas. E o Director Executivo de Lleida.net, Sisco Sapena: Hoy es un día muy significativo para Lleida.net, porque podemos enseñar en público un proyecto que lleva más de un año de trabajo y que se ha traducido en que todos nuestros servicios tengan una cobertura y una accesibilidad lo más universal posible y por lo tanto la ilusión de que sean útiles para todos y sobre todo para los colectivos que más lo necesiten, como es en este caso el colectivo de invidentes y de sordo-ceguera.

0412, 2007

Biblioteca Virtual en Língua de Señas

[D-245] As tecnoloxías apórtannos novas ferramentas que, se cadra, resultan moi útiles á hora de traballar na educación de nenos con necesidades específicas de apoio educativo. Sen embargo, non sempre contamos co compromiso necesario dalgunhas institucións e/ou organismos para facilitar o achegamento da información a esta poboación grazas ao seu emprego. Este non é o caso do Instituto Cervantes que, dende o 2001, ven traballando en diversos proxectos que, por ambiciosos, medran paseniñamente, pero seguros. Nesta ocasión referirémonos unicamente a unha das obras postas en marcha pola Biblioteca Virtual Miguel de Cervantes, a Biblioteca Virtual de Señas (www.cervantesvirtual.com/seccion/signos), na que actualmente traballan diferentes profesionais e expertos no ámbito da lingüística e as linguas de señas, investigadores e intérpretes, así como técnicos informáticos e persoal de talleres dixitais e de imaxe da Universidade de Alacante.

0212, 2007

Lectura crítica do Real Decreto de accesibilidade

O Real Decreto [D-247-1] Real Decreto 1494/2007. do 12 de novembro, polo que se aproba o Regulamento sobre as condicións básicas para o acceso das persoas con discapacidade ás tecnoloxías, produtos e servizos relacionados coa sociedade da información e medios de comunicación social. (BOE, 21 de novembro 2007) Introdución Dende hai xa bastante tempo, as persoas implicadas dalgún xeito en todo o relativo ao mundo das necesidades educativas específicas e de apoio educativo estabamos agardando a publicación dunha lei que dunha vez por todas cubrise ou amparase as necesidades e os dereitos de acceso pleno aos servizos cidadáns, especialmente aos da información e comunicación (TIC) de todos os colectivos implicados, especialmente os vinculados ao mundo da discapacidade. Non fai moitos días que se publicou este Real Decreto (ampliamente agardado e do que xa tiñamos noticia de borradores previos dende fai case un ano). A continuación faremos unhas breves reflexións sobre os seus contidos avaliando dende un punto de vista crítico aqueles aspectos que consideramos de especial importancia na comunidade educativa.

2811, 2007

Crea webs accesibles

[D-238-1] Campaña Crea Webs Accesibles Esta é unha campaña creada por Eugenia na súa bitácora http://www.elrallador.info/campana/ que non ten outro obxectivo máis que difundir e concienciar a todos sobre a importancia de crear sitios accesibles. A pesar de que non teño por costume participar en campañas do tipo corre a voz neste caso paréceme unha excelente iniciativa que, de consolidarse mínimamente, podería ser un pequeno rebulsivo para moitos que seguen a ningunear a accesibilidade por tela como cousas de xente rara. Entereime dela por medio dunha bitácora de recomendable lectura: www.anieto2k.com/. Invito dende aquí a todos lectores, aos membros de TADEGa, e ás bitácoras amigas, a que se sumen participando nesta pequena ola de chamada de atención. O xeito de participar, ademais, é moi doado: Descarga o folleto Crea Webs Accesibles dende a web da autora e logo o imprimes, ou escribe nunha folla a man Crea Webs Accesibles Na súa web hai diversos tamaños e formas deste cartel en cor ou en branco e negro. Sácate unha foto moi feliz co carteliño 🙂 Agrega a túa foto ao teu espazo de Flickr co Tag webs accesibles (É importante que agregues as dúas palabras entre comiñas)! E se non tes conta nesa web, envía a túa foto a: eugenia@etnikastudio.com co teu nome e sitio web (se o tes). Envía os teus datos e o enlace da túa foto a websaccesibles@gmail.com co asunto “Crea Webs Accesibles” para que o 12 de decembro aparezas na listaxe de participantes. [D-238-2] Pois é así de doado, así que xa non tardei en facerme a foto e mandala. Así que bulide, bulide… a sacar todo o mundo fotos 🙂