0806, 2009

Unha posibilidade entre mil

O pasado sábado día 30 de maio tivo lugar no Salón do Cómic de Barcelona, a presentación dun cómic moi especial: Una posibilidad entre mil. O acto foi presentado polas editoriais de Sins Entido: Jesús Moreno e Héloïse Guerrier, e contou coa presenza dos autores. Cristina Durán e Miguel A. Giner Bou contan a historia dunha andadura personal que comeza o día en que nace a súa filla Laia e sofre unha doenza que lle causa dano cerebral. Isto desencadea todo un proceso de angustia, loita, sufrimento, solidariedade, aceptación e de avances e retrocesos que miles de pais coñecen. E malia todo, Cristina e Miguel conseguen plasmar a súa experiencia sen sensacionalismos, dunha forma moi natural, sinxela e sincera. Emotiva e obxectiva, cunha actitude reflexiva e directa. En contra do que puideramos pensar, tampouco é un cómic con pretensións didácticas. É un cómic ben narrado que recolle todas as situacións que se desenvolven ao redor de Laia e os seus pais dun xeito esperanzador e cunha actitude positiva. Un cómic que non deberíades perder. Podedes ter máis información no blog Jiro Taniguchi e na páxina oficial do cómic: www.unaposibilidadentremil.com.

2805, 2009

Préstamo tecnolóxico TADEGA (Actualización)

Comezamos un novo servizo de “préstamo tecnolóxico” na Educación Galega, os primeiros en beneficiarse del foron os compañeiros do CEIP Santo Paio de Abaixo. Eiquí a crónica que nos deixaron: “Tivemos durante uns días unha nova ferramenta de traballo, un ordenador con pantalla táctil, grazas a isto , tod@s podemos manexar o ordenador sen problema e sen lios co rato. Como ferramenta que é, serviunos para traballar moitas cousas, a pesar do pouco tempo que tivémolo ( xa nos gustaría ter un propio) intentamos probar todas as potencialidades que ten e o que nos pode achegar. O resultado foi moi bo, a un fácil manexo, se únelle a posibilidade de utilizalo en parellas sen ter que pasarse o rato ( co enredo que iso supón), a motivación para esta nova ferramenta é moi grande, ademais, cun mínimo de adestramento ata os máis pícaros do cole úsano sen problema. Lucas e Conchi (Vincis) resolveron unhas actividades de LIM sen problema.” Eres socia ou socio de TADEGA? Queres acceder ao servizo de préstamo tecnolóxico? Envía o documento de colaboracion ao enderezo colaboracions (arroba) tadega.net e atenderemos o teu caso canto antes. Actualización Elementos actuais de TADEGa en préstamo:

2102, 2009

A cadeira “perfecta” para Brais.

Alumnos do instituto Calvo Sotelo facilitan a inclusión no ensino Autor: Irene Tomei Data de publicación: 21/2/2009 (La Voz de Galicia) [D-705] Os alumnos do instituto de Calvo Sotelo entregaron na mañá de onte unha cadeira escolar adaptada a un neno con discapacidade motora no colexio de educación especial Nosa Señora do Rosario, en Monelos. O que podería ser un acto anodino, estivo bañado por un elemento sorpresa: a cadeira fabricárona eles mesmos. A esta entrega non quixo faltar o delegado provincial de Educación, José Manuel Mouriz; e o xefe de Rehabilitación do hospital Teresa Herrera, Javier Cairo; así como a directora do colexio da nosa Señora do Rosario e os alumnos que fixeron posible o «agasallo» de Brais. A cadeira, que a primeira vista é normal -o que para os pedagogos é un valor engadido-, consta dun cinto, un repousa pés e un respaldo adaptable ás necesidades do pequeno. Miguel Campuzano, especialista en discapacidades motoras, explicaba que «lograr un bo produto final, é un traballo moi complicado», xa que «cada neno é moi distinto». Os alumnos dos ciclos medios de formación profesional de mecanizado e fabricación do instituto de Calvo Sotelo foron os que lle puxeron forma» ao asento de Brais, quen estaba encantado coa súa cadeira. «O asento adaptado», comenta Campuzano, «trátase dunha colaboración interdisciplinar e interinstitucional entre os profesionais da educación e da sanidade». Estes colaboran conxuntamente co obxectivo de elaborar o mobiliario adaptado para o alumnado coruñés con algunha discapacidade motriz. Os coordinadores do proxecto forman parte dun equipo de Orientación Específica da Coruña, no que participan profesores do instituto de Calvo Sotelo xunto a varios especialistas da Unidade de Axudas Técnicas á Comunicación, á vez que colaboran terapeutas da Unidade de Rehabilitación e Atención Temperá do Hospital Teresa Herrera dá Coruña. A iniciativa nace pola necesidade que teñen moitos alumnos con mobilidade reducida de dispor de cadeiras e mesas adaptadas para permanecer nas aulas en igualdade de condicións que os seus compañeiros. Este proxecto supón «unha dimensión moi nova», para os involucrados, quen ven fundamental «promocionar valores como a solidariedade ou a inclusión educativa». Esta experiencia representa, para moitos profesores, unha «gran transcendencia para a vida do alumno ou a alumna que recibe o mobiliario adaptado». «E non só para eles -engaden os precursores-, senón tamén para os alumnos que participaron no acto, quen esta mañá se foron moi compracidos logo de ver a reacción de Brais». «Isto débese repetir», explicaba Christian Romeu, como representante dos alumnos do Calvo Sotelo. O alumno e os profesores do centro de educación especial A nosa Señora do Rosario mostrábanse «moi

Ler máis

3001, 2009

Xornada Autismo Galicia

Universidade de Filosofía, Santiago de Compostela, 4:30 da tarde do sábado 13 de Decembro de 2008, día de Santa Lucía. No salón de actos da Facultade tres taguedian@s ante un auditorio convoGcado por Autismo alicia, apáganse as luces e xorden as palabras, seguras e claras, de Juan para cortar o aire con simplicidade poñendo sobre a mesa accesibilidade, usabilidade, colaboración, inclusión… desde a perspectiva de TADEGa como sitio para todas e para todos ónde compartir recursos e ferramentas… onde a única diferenza que nos separa é o nome de acceso e o contrasinal..[D-650-1] Logo Susana, tirando de recursos ante a lei de Murphy, deunos un paseo penso que maxistral, sobre a implicación dunha profesional do ensino , mestra de infantil, no traballo del día a día na aula onde conviven, e aprenden a aprender 11 nenos e nenas diversos/as e diferentes, onde interactúan entre eles para ser e estar compartindo saberes … onde a introdución das TIC na aula, como recurso, amósanos o profundo potencial que teñen na motivación do alumnado na tarefa … Susana deixounos na retina unha pequena mostra dun gran traballo…[D-650-2] Inés, amosounos o outro lado da comunidade de aprendizaxe, meteunos a plan na súa casa, para compartir con nós a dedicación, a implicación e a constancia dunha nai na educación dos seus fillos, cunha traxectoria de traballo por compartir e facer participe ao auditorio a realidade, a visión do mundo aos ollos de Iago, do seu blog, das posibilidades que estes ofrecen, a importancia de non quedar sos na loita, senón de abrir o seu mundo aos demais e facelos participes duna realidade, de loitar pola supresión de barreiras legais en torno ao dereito de uso dos pictogramas, da importancia de poñer a disposición dos nosos fillos e alumnado todas as ferramentas dispoñibles sen deterse polos costos ou, o que é máis triste polas barreiras da burocracia e o copyright… graciñas Inés por compartilo con nós. [D-650-3] Ao final, un amigo, un vello amigo, preguntoume… e ti, que fas aquí? Eu simplemente contestei con orgullo… Eu tamén son de TADEGa. Graciñas aos tres, por ser e estar. Manuel Ligazóns Páxina de Autismo Galicia Páxina de Documentación das Xornadas Autismo Galicia

2901, 2009

Non hai billetes!

¡NON HAI BILLETES! ¡Matrícula pechada por fin de prazas no aforo! Pois iso. Que non hai billetes, que non quedan prazas no aforo do salón de actos e que tivemos que pechar a matrícula nas xornadas porque se esgotaron todas as dispoñíbeis cunha anticipación coa que non contabamos. Por unha banda sentimos moito ter que pechar as matrículas para os que, a última hora, estiveran máis interesados en matricularse; aínda que pola outra, estamos sorpendidos de obter un éxito semellante. Grazas a todas e todos polo voso interese, faremos canto esté na nosa man para estar a altura das espectativas e máis aínda. XII Xornadas AGPETAL e III Xornadas TADEGa 2009 [D-667] Os días 13 e 14 de febreiro de 2009, terá lugar na facultade de Ciencias da Educación da Universidade da Coruña (campus de Elviña) as XII Xornadas AGPETAL e as III Xornadas TADEGa 2009, organizadas por ambas asociacións e o Departamento de Pedagoxía e Didáctica da Facultade de Ciencias da Educación, da Universidade da Coruña. Dende esta asociación temos posto moito interese e ilusión pola posta en marcha destas xornadas con contidos de calidade e coa intención de que teñan ademais, un forte carácter práctico para todo o profesorado inmerso na problemática dos problemas da comunicación dentro do mundo da diversidade funcional

2501, 2009

Sarakanda

[D-678-1] A dislexia é unha dificultade que non sempre sabemos como atallala nos educandos, e como sempre todo recurso e benvido neste eido. Tras o nome de Sarakanda temos unha tipografía -ou tipo de letra- que parece que vai a facilitar o aprendizaxe dentro do mundo da dislexia. O seu plantexamento ven dado por diferentes características: Suave inclinación marcando o sentido da lectura. Facer máis significativos os rasgos propios e característicos de cada unha das letras. Por exemplo, ollade as confusións típicas das letras: [D-678-2] Como di o propio autor, a súa aplicación e desenvolvemento están a nacer. Invítovos a visitalo, ler a súa presentación, e na medida do posible aplicar a tipografía. Ligazóns Páxina de Alejandro Valdez sobre tipografías, deseño…

2101, 2009

YoGoTe

Comunicación paralela con Xestos Internacionais [D-675] O noso obxectivo: A comunicación internacional. No mundo hai cinco mil linguas diferentes. Un problema: Se todas as persoas usamos a mesma lingua, moitos idiomas desaparecerán. Unha solución: Uso de xestos universais ao mesmo tempo que falamos. Unha vantaxe Podemos aprender novas linguas. Como podes usalos signos? Primeiro: Aprende os xestos na túa lingua, Despois: Usa os mesmos xestos para aprender outros idiomas, mira un exemplo. [D-675-vídeo] A: Información gramatical B: Voz nativa. C: Tradución experta. D: Tradución automática. E: Tradución parcial. Ligazóns Páxina de YoGoTe.

2001, 2009

Xornadas accesibilidade web

Xornadas organizadas pola Asociación Gallega de Empresas de Tecnologías de Información y Comunicación (AGESTIC) Celebraranse no Centro de Novas Tecnoloxías de Galicia dependente da Conselleria de Traballo, en Santiago de Compostela os próximos 21,28 e 29 de xaneiro. [D-674] Como empresas, universidades e administracións públicas debemos ser os primeiros en contribuír a facilitar o acceso a Internet a todos os cidadáns, especialmente daqueles que teñen algún tipo de minusvalidez. A web da túa empresa ou Institución “accesible” contribúe a iso, ademais de estar a inverter en Responsabilidade Social Empresarial (En España existen máis de 4 millóns de persoas que sofren algún tipo de minusvalidez, e en Europa a cifra se incrementa ata os 42 millóns. Inverter en accesibilidade terá unha repercusión positiva nun grande número de persoas), mellorar a usabilidade do teu web e incrementar a súa audiencia (A audiencia potencial increméntase porque as pautas de accesibilidade se adaptan aos estándares doutros dispositivos de acceso (móbiles, PDA, televisión dixital, etc) e cumprir coa Lei que debe cumprir a túa empresa e/ou os teus clientes actuais e potenciais. A partir de XA, as páxinas de internet das administracións públicas ou con financiamento público deberán incorporar os niveis de accesibilidade que cumpran os criterios e condicións establecidas no RD 1494/2007 de accesibilidade. A partir de XA, as páxinas de Internet de entidades e empresas que se encarguen, xa sexa por vía concesional ou a través doutra vía contractual, de xestionar servizos públicos, en especial, dos que teñan carácter educativo sanitario e servizos sociais deberán incorporar os niveis de accesibilidade que cumpran os criterios e condicións establecidas no RD 1494/2007 de accesibilidade. Todas as convocatorias da Xunta de Galicia, Ministerio de Industria-Plan Avanza que inclúan web esixen o cumprimento do citado RD. A nova Lei de Medidas de Impulso da Sociedade da Información obriga as compañías consideradas ‘grandes’ a contar, como mínimo, cun nivel medio de accesibilidade nos seus sitios web. A nova Lei de Medidas de Impulso da Sociedade da Información afecta tanto á Administración Pública, coma a entidades e empresas encargadas de xestionar servizos públicos ou empresas privadas que reciben financiamento público, ademais de empresas de “especial transcendencia económica”, como as entidades bancarias, aseguradoras, axencias de viaxes, empresas de transporte ou subministradoras de gas, auga e electricidade. Para saber mais Páxina co Tríptico e Inscrición.

1301, 2009

Xornadas AGPETAL-TADEGa

XII Xornadas AGPETAL e III Xornadas TADEGa 2009 [D-667] Os días 13 e 14 de febreiro de 2009, terá lugar na facultade de Ciencias da Educación da Universidade da Coruña (campus de Elviña) as XII Xornadas AGPETAL e as III Xornadas TADEGa 2009, organizadas por ambas asociacións e o Departamento de Pedagoxía e Didáctica da Facultade de Ciencias da Educación, da Universidade da Coruña. Dende esta asociación temos posto moito interese e ilusión pola posta en marcha destas xornadas con contidos de calidade e coa intención de que teñan ademais, un forte carácter práctico para todo o profesorado inmerso na problemática dos problemas da comunicación dentro do mundo da diversidade funcional Los temas a tratar en esencia son: Audición e linguaxe. TIC (Tecnoloxías da Información e da Comunicación). SAAC (Sistemas Alternativos e Aumentativos de Comunicación). Atención a alumnado con implante coclear. Foros activos de experiencias TIC. Nota: As prazas son limitadas e adxudicaranse por rigorosa orde de chegada das solicitudes. Despois do 1 de febreiro, as cotas incrementaranse en 12 euros. A matrícula dá dereito á: Asistencia ás XII Xornadas. Carpeta de documentación e traballo. Certificado de asistencia expedido pola Universidade de A Coruña coa colaboración de AGPETAL e TADEGa. (Certificación oficial de 15 horas e 1 crédito de libre elección pola Universidade de A Coruña). No enlace que vos amosamos a continuación podedes acceder ao tríptico informativo que contén tanto o programa (aínda provisional) como as indicacións a seguir para quen esteades interesados ou interesadas en matricularvos e participar nestas xornadas. Tríptico informativo das xorndadas co programa e condicións de matrícula (formato PDF de Adobe Acrobat): [Enlace].

1001, 2009

Rato para ensinar a ler a invidentes

[D-661] A 200 anos do nacemento do seu inventor, o alfabeto de Louis Braille pasa a era electrónica grazas a ‘Mouskie’, un sistema informático do suízo Philippe Racine, que fai da aprendizaxe do ‘braille’ case un xogo de neno. O nacemento de Mouskie é, en principio, a historia dunha amizade. A que vincula a Jean-Marc Meyrat, presidente da antena francesa da FSA (Federación Suíza de Invidentes e persoas con deficiencias visuais) a Philippe Racine, decorador e colaborador, desde fai unha década, da Escola de Enxeñeiros do Cantón do Valais. “Observamos todas as novidades para os cegos -desde a máquina para café ata o reloxo ou os fornos-, desde o punto de vista da accesibilidade ou os métodos de emprego”, narra Philippe Racine. “Jean-Marc tómame tamén como asesor para a estética. É importante. O feito de que se trate dun obxecto para cegos non quere dicir que sexa feo”. Durante os seus debates, os dous homes evocan a miúdo a cuestión do braille. Jean-Marc Meyrat observara que cada vez é máis difícil motivar ás persoas para aprendelo, cando é tan fácil “ler” un texto escoitando unha síntese vocal na computadora. “Nos principios da informática para cegos, pensouse que substituiría ao braille, explica a Philippe Racine. Pero a síntese vocal non permite aprender a ler nin a escribir. A única solución é o braille.” O “reflexo ordenador” Só que, en dous séculos, os métodos de ensino deste alfabeto de seis puntos apenas evolucionaron. Estamos aínda en tablillas con clavijas en madeira que o profesor debe desprazar a cada letra antes de polas baixo os dedos do alumno. “Para os mozos da xeración Nintendo, que teñen practicamente o “reflexo ordenador” no sangue, era necesario imprimir un novo dinamismo a todo iso”, anota Philippe Racine. Mouskie está dirixido a aqueles cuxa vista é deficiente, aos que a están perdendo e aos que non ven nada. Se un teclea unha letra no computador, esta aparece en grande na pantalla, xunto á súa transcrición en braille, a síntese vocal pronúnciaa e o usuario sente baixo o seu dedo, os puntos que compón a letra. Para iso, colocaría o seu índice sobre unha pequena tableta situada diante do rato, onde os puntos soben e descenden en función da letra pedida. Rápido e doado “Ademais do seu lado lúdico, a gran vantaxe deste sistema é a velocidade”, explica o seu inventor. Pódese pasar dunha letra a outra case instantaneamente. A memorización do tacto é moi dependente da velocidade de execución.” Resultado: Mouskie permitiría reducir de xeito importante o tempo necesario para a aprendizaxe do braille. “A xente equivócase a miúdo,

Ler máis