0801, 2009

Curso creación contidos multimedia

[D-659] Moitos de vos preguntades a miúdo por programas e ferramentas de autor que faciliten a creación de actividades de traballo para os vosos alumnos e fillos, pois para os mestres a partires do próximo mes de febreiro poñeranse en marcha dous novos cursos de formación a distancia en PLATEGa. Os cursos están relacionados coas ferramentas de autor LIM e Ardora. Para inscribirse nas actividades hai que ir ao sistema de formación do profesorado (fprof) e buscar as seguintes referencias: X0804047 – LIM e o proxecto Xogamos? Aplicación didáctica X0804048 – Creación de actividades en liña con Ardora. Uso didáctico Data límite de inscrición nas actividades ata o próximo día 9 de xaneiro. Ambos cursos están deseñados para 50 alumnos e constan dun total de 30 horas . A temporalización do mesmo é do 02/02/2009 ao 15/05/2009. E para os que non sexades mestres ou non vos concedan o curso, tendes moito para ir empezando a practicar en LIM cos tutoriais e o “curso autodidacta” na rede. As interesadas e interesados podedes ir probando, e as dúbidas que vos vaian xurdindo as anotades aqui nos comentarios e lle imos dando resposta, si? Animadevos! Ligazóns que se citan Páxina Web do Sistema de Xestion da Formación do Profesorado. Páxina Web de Ardora. Páxina Web de LIM. Recursos de iniciacion a LIM. Curso autodidacta de LIM na rede. Créditos Ardora é un programa totalmente gratuito, sempre e cando sexa empregado de xeito personal, sin caracter lucrativo e con fins estrictamente educativos. Autor: José Manuel Bouzán Matanza LIM e EdiLim son de uso e distribución libre, sempre que se respete a súa gratuidade e autoría. Autor: Fran Macías

1512, 2008

Guía discapacidade neuromuscular

[D-622] Nace a primeira Guía de las Enfermedades Neuromusculares: información y apoyo a las familias, presentada o pasado 14 de novembro en Barcelona no XXV Congreso da Federación Española de Enfermidades Neuromusculares (ASEM) grazas á iniciativa  da Federación Española de Enfermidades Neuromusculares e á Fundación Solidaridade Carrefour. A guía ofrece unha ampla información sobre as enfermidades neuromusculares tanto ás persoas que as padecen, como as súas familias e aos especialistas que a tratan. Con esta fin, a publicación divídese en tres áreas: sanitaria, psicolóxica e social. Nelas recóllense as particularidades que viven as persoas afectadas por enfermedades neuromusculares nos diferentes ámbitos da súa vida. Do mesmo xeito, a guía contén diferentes apartados onde se inclúen teléfonos e direccións de organismos oficiais de interese, e aporta testimonios, un glosario, datos das entidades que forman parte da ASEM e páxinas web de utilidade. Para o director xeral da Fundación Solidaridade Carrefour, Guillermo de Rueda, a edición desta guía supón “dar respuesta a una de las demandas más importantes tanto de las personas que padecen enfermedades neuromusuclares como de sus familias”, e espera que “esta publicación sea una herramienta útil y que sea de gran utilidad para las personas que sufren este tipo de dolencias, sus familiares y el cuerpo sanitario”. Actualmente, a guía está editada por Formación Alcalá e poderá atoparse nas entidades que forman a ASEM, en hospitais e en entidades privadas ligadas ao campo da saúde e da discapacidade. Enlaces de interese Enlace á Guía na páxina Web de ASEM Galicia www.asemgalicia.com

2510, 2008

Pregúntame sobre accesibilidade e axudas técnicas.

[D-573] Esta Guía pretende dar resposta á demanda de información técnica e de orientación sobre como facer accesibles determinadas situacións, espazos, servizos e actividades dentro do campo da discapacidade e as persoas maiores; a Guía contou co apoio do IMSERSO , da Obra Social Caixa Madrid e de Telefónica, contando para a súa elaboración cos profesionais de “Alianzas para el Desarrollo Económico y Social” (ALIDES), do Centro Estatal de Autonomía Persoal e Axudas Técnicas (CEAPAT-IMSERSO) e do Instituto de Biomecánica de Valencia. Enlaces de interese Ligazón á referencia do libro: www.seg-social.es Ligazón á páxina web do IMSERSO: www.seg-social.es/imserso

2310, 2008

A Istoria de vida de Ángel

[D-569] A autora deste libro, Lourdes, ten moito interese en amosarnos e informarnos de que, ¡por fin!, saíu publicado o libro da Istoria de Vida de Ángel. Parálise cerebral, normalidade e comunicación (produto dunha parte da súa tese). Esta publicación é importante para Lourdes e para P. Ángel (protagonista da Istoria). Non só polo que supón a nivel persoal, senón porque, cando empezaron con este proxecto, un dos seus desexos (que se converteu en compromiso) era facer todo o que fose posible para que a Istoria de Vida fose publicada. Porque é un texto máis (sabemos que aínda son insuficientes) que pretende axudar a ter unha mirada máis normalizadora ante as persoas con discapacidade – diversidade funcional (en particular, a derivada da parálise cerebral). Por iso, porque queremos que se divulguen as súas vidas desde as súas propias miradas, deixou atrás o pudor e aquí nos comenta o libro. De seguro que hai mais casos como o voso de familias que ao mellor non escriben libros, pero que teñen o compromiso de loitar ata as últimas consecuencias pola dignidade da súa filla, ou de seu fillo. Parabéns. Enlaces de interese Ligazón á referencia do libro: www.arcomuralla.com

2110, 2008

Curso de dislexia

[D-567] Pois ahí vai o prometido, finalmente asistín ao I curso de verán: “Dislexia: novos retos na súa intervención interdisciplinar”, que se celebrou en Vilagarcía do 15 ó 19 de setembro e do que vos fago un pequeno resumo. Definición de dislexia e tipos Avaliación psicopedagóxica da dislexia Pautas de intervención na dislexia Conclusións finais e referencias bibliográficas Definición de dislexia e tipos En termos xerais, dislexia pode definirse como un trastorno específico e persistente da linguaxe escrita, caracterizado principalmente por dificultades na exactitude e automatización lectora e escritora. É, unha dificultade conxénita, hereditaria, cunha base neurolóxica, non pode ser explicada por deficiencias visuais ou auditivas, por trastornos emocionais ou condutuais, por retraso mental, nin por situacións educativas “anormais” (ausencias prolongadas ou repetidas a clase, metodoloxía de ensinanza inapropiada, cambios frecuentes de profesores ou centros,…). Dislexia non ten nada que ver coa intelixencia, non se relaciona so con dificultades para ler e escribir con fluidez, é unha forma de tratar a información. De seguido unhas alternativas terminolóxicas para que nos fagan reflexionar da importancia de usar unhas expresións ou outras: Neurodiversidade versus Dislexia É disléxico vs Ten dislexia Foi identificado como disléxico vs Foi diagnóstico como disléxico Adaptacións para disléxicos vs tratamento para disléxicos Diferenzas específicas de aprendizaxe vs dificultades específicas de aprendizaxe Traballo mellor se uso vs teño medo de precisar unha gravadora/papel pautado,… Existen varios tipos de dislexia: Dislexia evolutiva ou madurativa: cando aparecen dificultades no alumnado que inician a aprendizaxe, e que persisten mais alá dos primeiros anos de instrución. Dislexia adquirida: trátase dunha perda das funcións lectoras que inician a aprendizaxe producida por unha lesión cerebral. Existen 3 tipos: fonolóxica, superficial ou mixta. Atraso lector: a diferenza da dislexia evolutiva, aquí xa existe unha causa concreta. A dificultade lectora pode ter unha orixe intelectual unha falta de motivación ou unha precaria escolarización. Avaliación psicopedagóxica da dislexia Antes dos 5 anos de idade, resulta moi arriscado a identificación. A partir de esta idade pódese identificar “sinais de risco para a aprendizaxe da lectoescritura” e iniciar un traballo de estimulación da linguaxe. Recollerase información sobre: datos da linguaxe escrita (falta de exactitude lectora e escritora, velocidade lectora, unión e fragmentación de palabras, dificultades de comprensión lectora,…), datos da linguaxe oral ( retraso na adquisición da fala, linguaxe espontáneo confuso, dificultade no etiquetado verbal ou capacidade para nomear automáticamente obxectos coñecidos, …), e outros indicadores ( dificultades para seguir instrucións, confusión co vocabulario que ten que ver a orientación espacial, dificultades para aprender a ler o reloxo e usar o diñeiro,…). Instrumentos de avaliación: WISC , Raven , Bady-G , TALE

Ler máis

1902, 2008

Novo libro sobre discapacidade motórica

‘Guía para la evaluación orientación y atención a los alumnos discapacitados motóricos en centros ordinarios’. [D-338] Fai poucos días, recibimos nos foros da nosa web unha anotación da publicación deste libro e, uns días máis tarde, nas colaboracións da bitácora, unha entrañable nota que nos remitiu o autor deste libro. Queremos expresarlle o noso agradecemento por tanta atención, e agardamos con impaciencia a lectura deste libro que parece moi interesante. Grazas Javier. Ista foi a mensaxe que nos remitiu o seu autor, Javier Martín: No primeiro lugar felicitarvos a todos os que formades parte de Tadega e aos que colaborades neste proxecto; por dúas cousas: polo ben que o facedes, e porque facía falta. Despois de facer eu un comentario no foro de TADEGa (no apartado de bibliografía) Juan animoume a que o fixera aquí. Pois só dicirvos que traballo no IES “Rafael Dieste” de A Coruña (é un centro de escolarización preferente de discapacitados motóricos) e que estou á vosa disposición para todo o relacionado con este tema ou calquera outro. O comentario do foro era iste: “Publicouse a finais de 2007 na Editorial EOS o libro Guía para la evaluación, orientación y atención a los alumnos discapacitados motóricos en centros ordinarios de Javier Martín Betanzos (servidor)”. O obxectivo desta obra é axudar aos centros educativos e profesores a planificar, axustar e desenvolver unha resposta educativa o mais idónea posíbel aos problemas que suscita a integración de alumnos discapacitados motóricos nos centros ordinarios. Espero que lle valla a alguén. Saúdos, Javier martín. Enlace á bitácora do autor, Javier Martín na web martinbetanzos.spaces.live.com

0202, 2008

Congreso Internacional de Orientación

Durante os días 21, 22 e 23 de novembro de 2007 tivo lugar na Universitat Jaume I de Castellón (España) o Congreso Internacional de Orientación Educativa e Profesional. O congreso organizouse coa intención de dar a coñecer experiencias renovadoras e innovadoras en materia educativa e de permitir aos estudiantes e aos profesionais que traballan en educación e orientación compartir coñecementos e intercambiar experiencias. Na súa páxina ides atopar os relatorios do ano 2006 e 2007, e quero resaltar nesta última o artigo BARREIRAS E AXUDAS Á INCLUSIÓN: A HISTORIA DE VIDA DE GEMA desenvolto por Carmen Gallego Vega e Anabel Moriña Díez. Abrangue unha investigación realizada co propósito de describir, analizar e valorar as fases e impacto do proceso de exclusión en colectivos de mozos en situación de desigualdade (pertencentes a culturas minoritarias, desigualdades de xénero ou mozos con discapacidade. O traballo recolle parte da vida dun destos xoves e reflexiona sobre as barreiras e axudas que puideron obstaculizar ou facilitar a vida persoal, educativa e profesional de Gema. Para máis información, enlace á revista QuadernsDigitals.

2801, 2008

TIC para la igualdad

(Aviso: Artigo en castelán – Artículo en castellano) [es] [D-311] Presentación Vivimos en una sociedad democrática, plural y multidimensional; en la era del conocimiento. Esta es una realidad que no podemos negar y que no nos deja indiferentes. Que la atención a la diversidad es un derecho es otra realidad innegable al igual que el hecho de que cualquier persona con discapacidad debe contar con las mismas oportunidades de acceso a la información. Dicha atención a la diversidad no puede quedarse en una declaración de intenciones, por tanto, las Tecnologías de la Información y la Comunicación (TIC) no deben convertirse en un elemento más de marginación y discriminación a nivel educativo, laboral y social. Desde esta perspectiva, los autores consideran que las TIC constituyen un recurso importante, a veces imprescindible, para el desarrollo integral y profesional de las personas con discapacidad. De igual forma, el uso didáctico de los medios tecnológicos para atender la diversidad posibilita ofrecer una respuesta real y más acorde con las exigencias y demandas actuales para todos los alumnos. Este libro realiza un análisis acerca de las Tecnologías de la Información y Comunicación que están a disposición de las personas con determinados tipos de discapacidad en el contexto educativo. Contenido Capítulo 1. Las tic como elementos en la atención a la diversidad.La atención a la diversidad a través de las tic. Capítulo 2. Las tic y la diversidad auditiva. Capítulo 3. Las tic y la diversidad motórica. Capítulo 4. Las tic y la diversidad visual. La tiflotecnología. Capítulo 5. Las tic y la diversidad cognitiva. Capítulo 6. Las tic y las necesidades derivadas de los problemasde conducta. Capítulo 7. Las tic en el marco de la educación compensatoria. Capítulo 8. La accesibilidad de las tic Capítulo 9. Las tic y la inserción laboral de los discapacitados. Más información Autores: Julio Cabero, Margarita Córdoba y José María Fernández ISBN(10): 8466574867 Editorial : Trillas-Eduforma

1912, 2007

Anuario de ‘blogs’ en español

[D-268] Un agasallo para Abraham, o noso crac das bitácoras 😉 Onte (luns 18 de decembro) saíu á venda o libro La Gran Guía de los Blogs 2008 [1], de Rosa J. C. [2] e Francisco Polo [3], editado na Colección Planta 29 [4] de Ediciones El Cobre [5], que nace con vocación de anuario e que nas súas 531 páxinas a toda cor recolle reflexións sobre o acontecido en 2007 con respecto ó fenómeno dos blog acompañadas dun directorio con centos de bitácoras de Internet en español clasificadas por materias, fuxindo dun formato de guía telefónica e apostando por dedicarlle a cada blog un espazo importante (a metade de cada páxina, incluíndo imaxe, descrición e ficha técnica de cada caderno dixital). O texto tamén pretende promover e estimular a presenza do español na Rede, pois na actualidade só o 4% dos blogs no mundo están escritos en español fronte ó 36% en inglés. A obra ten un carácter internacional, tomando como nexo de unión o idioma español, polo que aparecen blogs de todo o mundo, para construír unha ferramenta de achegamento para os hispanofalantes que queiran saber máis da blogosfera. Enlaces que se citan [0]: Orixe deste artigo: www.codigocero.com [1]: Libro: La Gran Guía…: coleccionplanta29.com/guias… [2]: Coautora, Rosa J. C.: www.rosajc.com [3]: Coautor, Francisco Polo: www.franciscopolo.com [4]: Edita na Colección Planta 29: coleccionplanta29.com [5]: Edita Ediciones El Cobre: www.elcobre.es

1312, 2007

‘Global Picture Dictionary’

[D-258-1] Reciclando, reciclando… podemos darlle outro bo uso a este libriño [1] inicialmente pensado para usar en lonxanas e exóticas viaxes, afastadas do English spoken. Pero como xa sabedes aquilo de que unha imaxe vale máis que mil palabras, pois aquí son 2000 imaxes e 400 fotos a cor xa que ICOON fala do mundo no idioma máis universal: as imaxes. É o exemplo perfecto de que cando algo está ben feito, accesible, e usable… é para TODOS. Así reza a propaganda (traducida) do editor: A comunicación é posible en todas partes con ICOON, tanto nunha viaxe de negocios en Asia, de mochilero na América do Sul ou de excursión por Europa. Vostede simplemente apunte nunha das máis de 2000 iconas repartidas en 12 categorías, como o vestido, a hixiene, as autoridades ou aloxamentos para facerse entender. Mais de 400 fotos a cor dos alimentos de todo o mundo garante que a comunicación vólvese moi apetecible. Tamén, detallados mapas do continente, botarán luz sobre o seu paradoiro actual. Como mostra do valioso que nos pode resultar para o traballo no reforzo e complemento visual da linguaxe dos nosos alumnos, vaia unha paxina do libro: [D-258-2] Eles pensaron nun libro para que o turista puidera facerse entender sen esforzos con calquera idioma e cultura (nós quedámonos con nenos sen linguaxe oral, con SAAC, autismo…). Eles, esforzándose para que sexa accesible e usable, repensaron ben que imaxes elixir que fosen universais, como organizalas por grupos, como acceder a elas intuitivamente (e nós vaia que celebramos e aplaudimos ese esforzo). Eles chegaron ao refinamento de usar páxinas de papel aluminio revestido para que ata as máis duras inclemencias meteorolóxicas non interrompisen a comunicación (eu acordeime dunha nai compatibilizándoo co almorzo, a leite ao lume, as papas da irmá ciscadas pola mesa…) Por último, uns enlaces para ver o libro [1] e para poder mercalo a un prezo razoable [2]: [1]: Enlace á web do libro icoon: icoon-book.com [2]: Enlace á web para mercar o libro: icoon-book.de/shop Nota: mentres non o arranxen, a tenda non funciona moi ben xa que o idioma español do noso navegador web fai falcatruadas. Ide ás opcións do voso navegador, cambiade español ou galego polo inglés, facede a compra, e logo xa teredes tempo de volver a deixalo como estaba. Xa sabedes, cousas da informática.