‘Global Picture Dictionary’

Imaxe do Dicionario de Imaxes Icoon.[D-258-1]

Reciclando, reciclando… podemos darlle outro bo uso a este libriño [1] inicialmente pensado para usar en lonxanas e exóticas viaxes, afastadas do English spoken. Pero como xa sabedes aquilo de que unha imaxe vale máis que mil palabras, pois aquí son 2000 imaxes e 400 fotos a cor xa que ICOON fala do mundo no idioma máis universal: as imaxes. É o exemplo perfecto de que cando algo está ben feito, accesible, e usable… é para TODOS.

Así reza a propaganda (traducida) do editor:

A comunicación é posible en todas partes con ICOON, tanto nunha viaxe de negocios en Asia, de mochilero na América do Sul ou de excursión por Europa. Vostede simplemente apunte nunha das máis de 2000 iconas repartidas en 12 categorías, como o vestido, a hixiene, as autoridades ou aloxamentos para facerse entender. Mais de 400 fotos a cor dos alimentos de todo o mundo garante que a comunicación vólvese moi apetecible. Tamén, detallados mapas do continente, botarán luz sobre o seu paradoiro actual.

Como mostra do valioso que nos pode resultar para o traballo no reforzo e complemento visual da linguaxe dos nosos alumnos, vaia unha paxina do libro:
Imaxes Icoon[D-258-2]

Eles pensaron nun libro para que o turista puidera facerse entender sen esforzos con calquera idioma e cultura (nós quedámonos con nenos sen linguaxe oral, con SAAC, autismo…). Eles, esforzándose para que sexa accesible e usable, repensaron ben que imaxes elixir que fosen universais, como organizalas por grupos, como acceder a elas intuitivamente (e nós vaia que celebramos e aplaudimos ese esforzo). Eles chegaron ao refinamento de usar páxinas de papel aluminio revestido para que ata as máis duras inclemencias meteorolóxicas non interrompisen a comunicación (eu acordeime dunha nai compatibilizándoo co almorzo, a leite ao lume, as papas da irmá ciscadas pola mesa…)

Por último, uns enlaces para ver o libro [1] e para poder mercalo a un prezo razoable [2]:

  • [1]: Enlace á web do libro icoon: icoon-book.com
  • [2]: Enlace á web para mercar o libro: icoon-book.de/shop
  • Nota: mentres non o arranxen, a tenda non funciona moi ben xa que o idioma español do noso navegador web fai falcatruadas. Ide ás opcións do voso navegador, cambiade español ou galego polo inglés, facede a compra, e logo xa teredes tempo de volver a deixalo como estaba. Xa sabedes, cousas da informática.
Share this Post

4 Comments

  1. Excelente recurso!!! aínda que o mellor é o xiro metodolóxico do mesmo…as veces o que falta e ter esa creatividade didáctica para utilizar os recursos que temos e explotalos a esgalla.

  2. Icoon esta diustribuido en España por mapiberia f&b SL y ya se puede comprar en librerías de todo el estado

    Para más información

    ruben@mapiberia.com

  3. Me parece muy interesante, hasta el punto que es posible que lo compre…

  4. Hola Mamiago

    Bien que me acordé de tí cuando se publicó este artículo. en el caso de Iago su manera de pensar más iconográfica y menos lingüística que la nuestra lo hace muy interesante. Debo advertirte, de todos modos, de que es una edición de bolsillo (como fue pensada para turistas que no quieren molestarse en aprender algo del idioma del país al que van, pues se le da mucha prioridad a los tamaños reducidos). El resultado final es un librito pequeño que cabe en la palma de una mano lo cuál puede dificultar su uso si la persona no tiene una buena vista.

    De todos modos me haría ilusión saber que Iago, perdóname si digo una tontería o es improcedente, puede ir a una de vuestras tiendas locales (aunque sea acompañado) y hacerse valer con el librito mostrando las cosas que quiere comprar; o que simplemente sirva para ir de excursión a una villa e ir viendo la correspondencia entre objetos reales y los iconográficos del libro… En fin, cincuentamil historias que tú conocerás cien mil veces mejor que yo.

    Con cariño
    Juan.

Leave a Comment

Este sitio emprega Akismet para reducir o spam. Aprende como se procesan os datos dos teus comentarios.