Nota: Esta páxina está deseñada para ser vista en modo braille mediante un tipo de letra especial.
Se ten a letra BrailleRelive instalada no seu sistema poderá ver toda a páxina con este
tipo de letra a excepción deste recadro que permanecerá con letra convencional. De no ser así,
siga o enlace que se amosa para instalala no seu sistema:
Enlace para descargar o tipo de letra BrailleRelieve.
Enlace a Discapnet.es con máis información.
Teña en conta que isto é unha simulación para que poida facerse unha idea da situación xa que para
ler esta letra unha persoa cega precisa ter estes mesmos carateres en relevo para percorrelos cos
seus dedos. Póñase no seu lugar e faga deseños accesibles.
[D-1]Dende esta organización prácenos anunciar as vindeiras IV Xornadas TADEGa que baixo o título Competencia dixital na
atención á diversidade
terán lugar os días 26 e 27 de febreiro de 2010 no salón de actos do Pazo da Cultura de
Pontevedra.
Por outra banda, debemos suliñar, que no noso deseño quixemos separar nítidamente a celebración dos congresos TADEGa (con traballos estatais e internacionais cun carácter máis científico e de investigación), fronte ao das xornadas TADEGa como a que agora vos presentamos aquí (cun carácter diferente pois o abano de traballos e experiencias que se presentan son todos eles de orixe galego e de carácter sumamente práctico).
URXE que as seguintes persoas contacten con nós no enderezo Contact@TADEGa.net a fin de clarificar a súa participación nas Xornadas:
Relación de persoas admitidas (En formato PDF).
[D-2]Trátase dun conto interactivo para nenos e nenas de 3 a 8 anos (aínda que pensamos que tamén é moi extensible a máis idades) e que se vos presenta en diferentes sistemas comunicativos e soportes: texto en galego e castelán, pictogramas WIDGIT (marca comercial moi estendida de signos e pictogramas) como sistema de comunicación aumentativa á lingua escrita, o sistema Braille, e a lingua de signos española e tamén na súa variante galega así como as respectivas lecturas en audio. Como podedes ver trátase dun conto escrito coa ansia de que sexa para todos e todas sen importar a discapacidade que se poda ter e de xeito que todos e todas podamos xogar, gozar e gañar.
Desculpade este trato familiar pero xa sabedes que pais e nais miramos ao berce con outros ollos.
O que se pretende con este conto é:
Podedes fedellar no conto entrando na bitácora que temos preparada para esta e para outras moitas actividades que queremos desenvolver sobre este conto e outros que iremos engadindo. So tedes que pinchar no enlace da pestaña superior desta páxina, ou ir ao enlace: www.ContosDeXandre.net
Entrando na sección principal do conxunto interactivo, tendes acceso ao conto Xandre, o elefante sen sombra
, pero tamén
ás actividades interactivas e á guía didáctica de todo o material.
Se vos interesa coñecer máis sobre este recurso, ou tedes interese en adquirila para poder manexala ao voso antollo sen necesidade de depender de internet, poñédevos en contacto con Xandre a través da conta de correo xandre @ tadega.net
Estaremos encantados de escoitarvos e de mellorar este recurso.
[D-3]Baixo o título Inclusión dixital nas aulas: audición, linguaxe e comunicación, os días 13 e 14 de febreiro de 2009, tiveron lugar na facultade de Ciencias da Educación da Universidade da Coruña (campus de Elviña) as XII Xornadas AGPETAL e as III Xornadas TADEGa 2009, organizadas por ambas asociacións e o Departamento de Pedagoxía e Didáctica da Facultade de Ciencias da Educación, da Universidade da Coruña.
Dende esta asociación púxose moito interese e ilusión pola posta en marcha destas xornadas con contidos de calidade e coa intención de que tiveran ademais, un forte carácter práctico para todo o profesorado inmerso na problemática dos problemas da comunicación dentro do mundo da diversidade funcioal
Los temas a tratar en esencia son:
[D-4]Os días 18, 19 e 20 de setembro de 2008, terá lugar no Campus da Muralla do Mar da Universidade Politécnica de Cartaxena (Cartaxena, Murcia, España) o V Congreso Nacional de Tecnoloxía Educativa e Atención á Diversidade (TecnoNEEt) e que, este ano, conflúe coas III Xornadas Nacionais de Logopedia Dixital para conformar así o Congreso Tecnoneet-Logopedia Dixital 2008 baixo o lema A igualdade de oportunidades no mundo dixital.
Os congresos Tecnoneet son un foro de carácter bianual, onde se intercambian experiencias, metodoloxías e coñecementos sobre os avances tecnolóxicos e estratexias de intervención que no eido das tecnoloxías e da atención á diversidade se xeraron nos últimos anos.
Infórmannos de quedan abertos os formularios por Internet para os envíos de traballos (comunicacións, pósteres e obradoiros) para este congreso. Así pois, vos animamos encarecidamente a participar no mellor evento internacional de fala hispana sobre tecnoloxías e atención á diversidade. Moi probablemente, TADEGa estará presente de diversos xeitos:
Tedes toda a información necesaria na súa web: http://congreso.tecnoneet.org/
[D-5]Os días 23 e 24 de maio de 2008, tivo lugar nas instalacións do Museo Pedagóxico Galego (MUPEGA) de Santiago de Compostela, A Coruña; o Primeiro Congreso de Tecnoloxías de Atención á Diversidade na Educación Galega (TADEGa) 2008.
TADEGa se sinte orgullosa de poder presentar o Primeiro Congreso de Tecnoloxías de Atención á Diversidade na Educación Galega (TADEGa) 2008. Chegar ata aquí non foi doado, o traballo preparatorio foi intenso, pero paga a pena intentalo en vista do servizo que podemos prestar á comunidade educativa galega.
Tedes toda a información necesaria na nosa web: 1º Congreso TADEGa 2008
Dunha parte, temos o Real Decreto 1494/2007, de 12 de novembro, polo que se aproba o Reglamento sobre as condicións básicas para o acceso das persoas con discapacidade ás tecnoloxías, produtos e servizos relacionados coa sociedade da información e medios de comunicación social (BOE do 21 de novembro de 2007). Esta norma é de obrigado cumprimento para todos os organismos e administracións públicas así como para todos os sostidos con fondos públicos, subliñándose ademais, que son de especial preferencia, os relativos á Educación, Saúde e Servizos sociais.
Doutra banda asistimos nestes tempos —afortunadamente é moito máis que unha moda— a que moitas asociacións, profesorado, pais e alumnos, teñan os seus propios cadernos de bitácora nos que publican case a diario os seus debates, opinións e descubrimentos. É a explosión da parte máis visible da web 2.0 da que tanto se fala. O caso é que a accesibilidade web destes espazos queda moi lonxe, polo de agora, dos estándares da norma que antes citabamos, especialmente dende o momento en que os temas ou esqueletos destas bitácoras non seguen totalmente os estándares da accesibilidade da W3C-WAI (www.w3.org) (moitos deles nin de lonxe) e, ademais, a maior parte dos seus autores descoñecen estes estándares e, polo tanto, non os trasladan aos contidos que publican (artigos e comentarios).
Conscientes da confluencia destes dous sucesos e da carencia que se evidencia, TADEGa ven de organizar unha serie de obradoiros de accesibilidade básica de contidos web pensados (non para re-deseñar os temas, que é asunto moito máis complexo que xa será abordada máis adiante dende outra perspectiva), senón algo máis básico e sinxelo, para que quen suba e redacte contidos para as súas bitácoras, que estes contidos sexan plenamente accesibles. Nesta preparación dos obradoiros, atopámonos coa sorpresa de que en poucos días moita xente nos pediu participar neles e houbo que desdobrar convocatorias, lugares e datas. Así pois, asistimos a un renovado interese na Educación pola accesibilidade web que aplaudimos e á que lle queremos dar unha ampla resposta con estes cursos que, no mes de febreiro celebraremos en A Coruña, Arteixo, Lugo, Pontevedra e Santiago de Compostela.
Plantexámonos neste momento a creación do selo de calidade TADEGa para facer mención e destacar aquelas persoas e institucións públicas ou privadas que recibiron asesoramento e formación, desenvolveron procedementos axeitados para a atención á diversidade e/ou prestan un servizo público web plenamente accesible; ben sexa polos seus medios, como a través do asesoramento de TADEGa. Polo de agora é un proxecto en esbozo, aínda que non tardará en tomar corpo.
TADEGa (Tecnoloxías de Atención á Diversidade na Educación Galega) é un foro de profesionais maioritariamente galegos de distintos eidos profesionais implicados na Educación e, dun xeito especial, na Atención á Diversidade.
¿Diversidade? a discapacidade, a multiculturalidade, o mundo do maior, o mundo fondamente rural, as altas capacidades, a marxinalidade social... e todo un longo etc. que abrangue a tódalas persoas que, os que se creen normais chaman diferentes, (aínda que na realidade tal distinción é absurda e discriminatoria).
O caso é que as TIC (Tecnoloxías da Información e a Comunicación) veñen sendo unha nova ferramenta á vez que medios de comunicación múltiples e, no canto de axudar á integración de todos, aínda están a incrementar a segregación de quen non poden acceder a elas.
O noso obxectivo é dobre: por unha banda romper esta fenda dixital (así é como se chama a esta inxusta situación) e, pola outra: investigar, fomentar, compartir, debater, deseñar, adaptar e propor as ferramentas, os xeitos, e os métodos para obter o mellor proveito de estas tecnoloxías dixitais nos campos educativos nos que estamos a traballar.
Este é o noso compromiso, e este traballo sempre nos terá entretidos e ocupados; a labor sempre estará inacabada; a mellora sempre é posible.
E se es un visitante alleo a estas andanzas e aventuras, non penses que porque xa hai profesionais ocupados e preocupados por estes problemas, xa quedas exento de toda responsabilidade. Todo o contrario: a responsabilidade é de todos.
Igualmente pode seleccionar diferentes estilos visuais con diferentes tamaños de letra e graos de contraste de cor entre esta e o fondo. Como antes, seleccione tamén o da súa conveniencia na barra de navegación que atopará sempre á súa esquerda.
Esta web pretende ser plenamente accesible. Na páxina sobre accesibilidade atopará información máis precisa.
. 
. 
. 
. 
. 
. 
. Accesibilidade web: sitio deseñado conforme ao nivel triplo A das directrices de accesibilidade para o contido da Web 1.0 do W3C-AI. Se atopas algunha dificultade para acceder a calquera aspecto do seu contido, contacta co webmáster no enderezo de correo electrónico Contactar@TADEGa.net. Informamos igualmente que este nivel de accesibilidade web foi revisado por última vez o mércores 31 de decembro de 2008 (Puntos 3 e 5 do artigo 5º do Real Decreto 1494/2007, de 12 de novembro, polo que se aproba o Reglamento sobre as condicións básicas para o acceso das persoas con discapacidade ás tecnoloxías, produtos e servizos relacionados coa sociedade da información e medios de comunicación social, BOE do 21 de novembro de 2007).
Coa colaboración da Dirección Xeral de Promoción Industrial e da Sociedade da Información da Consellería de Innovación e Industria así como de diversas direccións xerais e Secretaría Xeral da Consellería de Educación e Ordenación Universitaria.
Co noso agradecemento a ZAC Browser navegador ZAC para persoas con autismo cos que nos une a traducción ao español e ao galego do seu navegador.
Asemade agradecemos tamén a colaboración brindada pola Asociación Divertic coa que colaboramos na realización de diversos acordos e de Disacnet Solutions Sociedade Limitada que nos brinda en todo momento un impecable apoio e asistencia técnica.