1403, 2007

Novo libro de Pilar Irimia

[D] SUPERANDO LA SOLEDAD, La educación de la persona con discapacidad intelectual” de Pilar Irimia. Este libro afronta unha avaliación crítica das posibilidades da integración das persoas con discapacidade intelectual, a partir dos diferentes proxectos desenvoltos nos derradeiros anos, en vez de dar por suposta a validez de certos ideais apriorísticos. O esforzo realizado por distintas institucións e polo estado, para lograr unha educación satisfactoria e unhas mellores posibilidades laborais, converteuse nunha apaixonante aventura. Se o conxunto de experiencias é sen dúbida positivo, pola maior toma de conciencia da sociedade; os resultados en cambio, non foron moitas veces os esperados. Esta investigación analiza en detalle casos concretos seguidos en longos procesos temporais. Constitúe ademais un diálogo intenso cun elevado número de persoas, representantes dos diferentes grupos sociais implicados directamente neste empeño colectivo. O traballo recibiu o III Premio Nacional de Investigación Educativa do ano 2003. O rigor dunha investigación científica conxúgase cunha presentación entrañablemente humana de realidades cotiás e de experiencias vividas polos diferentes protagonistas. Humanismo e solidez argumental brindan suxestións para a reflexión e discusión. M.ª Alicerce Irimia Fernández é doutora en Antropología Social, é na actualidade orientadora nun centro de Educación Secundaria e ao longo da súa carreira profesional desempeñou postos técnicos e de responsabilidade directamente relacionados coa educación e integración de alumnos con discapacidad intelectual. Entre as súas publicacións relacionadas co tema figuran: “Linguistic Correction and Semantic Skills in the Spanish Children”, “Identités et culture dans I´experience “Foyer” pour élèves espagnols”, “Vivir las categorías étnicas: “Hispanic” en una escuela de Chicago”, “Estrategias ambiguas e identidades dinámicas en las escuelas plurales”.

1303, 2007

Axiña Aumentativa.net en galego

[D] Nestes días, unha equipa de 4 docentes galegos están a facer a traducción de Aumentativa.net ao galego. Trátase dun servizo web moi útil para a atención á diversidade, e máis en concreto, naqueles entornos nos que a comunicación convencional da fala e da escrita non é posible: Este servizo é un espazo de recursos para a comunicación aumentativa. Aquí ponse á disposición do usuario materiais para descargar, de base pictográfica e fotográfica, unidades didácticas multimedia, animacións, xeración automática de materiais multimedia on-line, xeración automática de materiais curriculares impresos, actualización semanal de pictogramas e imaxes, solicitude de pictogramas á carta, etc. Máis información a temos na mesma web www.aumentativa.net E cando falamos dunha base de datos de imaxes pictográficas estamos a falar, nada máis e nada menos que de 3260 pictogramas asociados a 15468 palabras a día de hoxe, xa que esta base de datos está a medrar constantemente grazas ao traballo dos integrantes deste proxecto. Non están aínda fixadas as datas de cando estará todo este traballo en galego, pero os traballos están moi avanzados.

0903, 2007

Pizarra Dixital Interactiva e NEE

O uso das PDI (Pizarra Dixital Interactiva) ou Tablet PCs na aula de apoio teñen repercursións altamente positivas, as primeiras debido aos seus compoñentes (PC-Canón-PDI) teñen máis handicaps técnicos, pero aínda así os beneficios suplen como moito os seus inconvintes; particularmente useina con discapacitados motrices para traballar a preescritura con resultados “motivantes”. A plásticidade das aplicacións/xogos desenvolvidos na rede, favorecen esa “manipulación” con soportes tipo PDI. Para exemplo esta aplicación (vía pictaps) con múltiples aplicacións pedagóxicas: [D] ¿Alguén se atreve a valorar a figura co Test de Goodenough?

0903, 2007

A polémica está servida

[D] Recentemente un correo electrónico anda a circular por algúns centros docentes denunciando unha situación que, os asinantes, consideran inxusta. Aínda que non moi ben redactado, o texto di exactamente o seguinte: Calidade educativa? Segundo a LOE a Administración Educativa disporá de profesionais cualificados para a atención ao alumnado con necesidades específicas. Até o momento tiñan que demostrar os seus coñecementos a través de cursos de habilitación ou probas de oposición. O Real Decreto 276/2007 de acceso á función docente continúa a contemplar, para o ingreso no corpo docente, a obriga de superar unha proba de oposición. O mesmo acontece cos funcionarios cando pretenden adquirir unha nova especialidade. A partires do próximo curso, nos Centros educativos de Galicia atoparemos mestres que van ocupar prazas de Educación Especial sen teren coñecementos da citada especialidade, poisque a Administración váillelo permitir sempre que asinen, deixando en branco, o exame de oposición. Vosté sabe o que é a Síndrome de Asperger, Síndrome de West, Síndrome X-Fráxil, Síndrome de Cornelia de Lange,….? Sabería deseñar unha resposta educativa axustada a alumnos con estos trastornos? Sábeno os novos “especialistas”? Como profesionais de Educación Especial pensamos que esta medida repercute negativamente no alumnado e no prestixio da especialidade. E isto a que entende a Administración por calidade do ensino? Profesionais de Pedagoxía Terapéutica. A apariencia desta nota parece confusa: de todos modos e ata onde puidemos entender, parece referirse a que nas vindeiras eleccións de destinos provisionais, aqueles mestres interinos especialistas en materias ás que xa non se pode acceder por estar reservadas á ESO (matemáticas, socias, etc,) terían a obriga de presentarse este ano ás oposicións por outras especialidades que non teñen esta característica (audición e linguaxe, pedagoxía terapéutica, educación física, educación musical, inglés e francés) xa que non hai oposicións á especialidade de educación primaria. De non presentarse, perderían a condición de interinos, polo que aqueles que se presenten pero non superen o concurso oposición si que continuarían a ser interinos e a Administración os considerará como habilitados na especialidade pola que se presentaron. ¿Cál é a novidade, e a polémica, deste ano? Que este colectivo específico de interinos/substitutos antes non tiñan esta obriga de se presentar para manter a condición de interino/substituto (a obriga estaba condicionada a que se convocasen vacantes da súa especialidade para que participasen por esa especialidade e continuasen nesa especialidade, aínda que si tiñan dereito a presentarse a outras). Agora en cambio é obrigatorio que se presenten a outra especialidade distinta a aquela pola que obtiveron o título de mestres. Polo tanto ésta é a única diferencia entre anos anteriores a iste: que

Ler máis

0603, 2007

As TIC no CEE Ntra. Sra. de Lourdes

O CEE Ntra. Sra. de Lourdes (A Coruña) xa ven demostrando fai anos que saben integrar as TIC na aula, e non dun xeito pechado e delimitado, senón sempre abertos á mellora. O uso das PDI, bitácoras para interactuar cos pais, smartboard, pizarras dixitais, vídeos na web… non paran. Felicidades Felo! e felicidades a todo o centro. [D] [kml_flashembed movie=”http://www.youtube.com/v/PIXl2E_wzOg” width=”425″ height=”350″ wmode=”transparent” /] Posdata: podedes dar unha volta polo seu caderno de bitácora en http://www.claseblanca.tk/

1702, 2007

Selo a excelencia da Accesibilidade

Vía CODIGOCERO. [D] Dende agora, grazas a un acordo internacional (www.DiarioSigno.com) asinado pola Asociación Española de Normalización e Certificación (AENOR), o Centro Tecnolóxico da Información e a Comunicación (CTIC), e o Instituto Europeo de Software (ESI Tecnalia), as páxinas e portais existentes en Internet poderán optar a un certificado de calidade que acredite a súa accesibilidade establecida conforme ás normas. Combinando sistemas de revisión automática (véxase o exemplo de TAW) con metodoloxías de inspección manual para asegurar que cumpren en todo momento coas pautas de accesibilidade e (de ser así), achegar un selo de excelencia a súa presenza en Internet. Esta nova certificación servirá ademais como guía de apoio á hora de definir os requisitos de contratación e como distintivo de confianza para os usuarios.

1602, 2007

Melloras no banco de imaxes do CNICE

[D] O banco de imáxes do CNICE acábase de renovar. Incorporaron unha interfaz máis intuitiva ampliando as súas posibilidades de búsqueda por categorías (niveis, áreas, seccións…) e tamén por palabras clave. O cheiro a web 2.0 queda en iso, posto que os cambios tampouco son tan espectaculares; de todas formas, son moitos os recursos que teñen catalogados nos diferentes formatos para o seu uso na aula: fotografías, ilustracions, vídeos, animacions e sons. O interesante de todo isto e que incorporaron a licenza Creative Commons ó banco, xa era hora. ¡Noraboa!

1502, 2007

Materiais para o Cálculo Mental

Coido que sempre é difícil comezar a poñer o primeiro post, afrontar a páxina e branco faite dubidar sobre o que tes ou debes dicir e se debe ser relevante ou non. [D] Pois comezamos con material práctico para o uso diario na aula. De sempre os problemas de razoamento e cálculo son unha constante en tódolos niveis da escolarización obrigatoria (e non obrigatoria; 🙂 o sentido común nestes tempos anda un pouco feble)… de sempre andamos a facer retallos con fotocopias de aquí e acolá, facendo os nosos Frankensteins de materiais. Así poís temos grazas a QUINZET un material precedido coa seguinte declaración de intencións: “Durante más de quince años muchas escuelas han experimentado el tratamiento del cálculo mental a partir de series graduadas propuestas por el Quinzet. Este proyecto consiste en una nueva metodología del tratamiento del cálculo global a partir de la propuesta sistemática de series de colecciones de cinco problemas de cálculo mental, que el educador/a propone a la clase dos veces por semana como mínimo, y de unas pruebas de diagnóstico que permiten evaluar el proceso de aprendizaje y maduración de los alumnos. En este libro encontraremos más de 3800 problemas graduados para utilizarlos desde los 3 años hasta el segundo ciclo de Educación Secundaria.“ Descargas: (deshabilitadas por petición expresa) Cálculo Mental Vol.1 (pdf. 467 KB) Cálculo Mental Vol.2 (pdf. 366 KB) Cálculo Mental Vol.3 (pdf. 391 KB) Cálculo Mental Vol.4 (pdf. 399KB) Nota: (05 de maio do 2007) para a súa descarga é necesario facer unha solicitude a QUINZET.

Un pouco de historia
1502, 2007

Un pouco de historia

  [D] A conta de que? Ben, como hai que empezar por algún lado, e como a historia de como naceu TADEGa débese gardar nalgures antes de esquecela (por se a fama se nos sube á cachola e despois precisamos de botar man dos datos para soltalos nunha rolda de prensa 😉 ) pois será bo tela aquí escrita. Vale, despois deste estrano e longo discurso, comezamos cos datos: 28 ao 30 de setembro de 2006. Un exquisito congreso TecnoNEEt (como son sempre istes congresos) e nel, todos os galegos que alí estabamos apoiados tamén polos matriculados para asistencia virtual, decidimos formar un grupo de profesionais da educación preocupados polo uso das TIC na Atención á diversidade. Todos estabamos de acordo en que xa ía sendo hora de que en Galicia se formase un grupo inquedo por esta temática e que puidese servir de referencia para os máis. Aínda que de aquela non tiñamos nome. 5 de outubro de 2006. Primeiros contactos por correo electrónico de todos os integrantes de TADEGa para formalizar a formación deste grupo, presentarnos, debater para darnos un nome e dotarnos dunha páxina web. 9 de outubro de 2006. Xa somos “TADEGa” (houbo votacións e todo), e dos 22 membros iniciais pasamos a 30. 22 de outubro de 2006. Tras un debate por correo electrónico, se pon en marcha a nosa web ( www.tadega.net ). Ao mesmo tempo, con lista de distribución de correo e foro de debate. 23 de outubro de 2006. Detectado un problema de acceso por parte dos ordenadores conectados á rede pública da Xunta (entre eles todos os dos centros educativos) á nosa páxina web e a outras de grande interese como a de TecnoNEEt, a do NEEDirectorio, Aumentativa.net, etc. Inícianse toda unha serie de contactos para subsanalo (a cousa levaría o seu tempo, non foi dado). 30 de novembro de 2006. Os problemas de acceso dos que falabamos antes arránxanse parcialmente grazas ás nosas xestións e ao bo facer de DisacnetSolutions. 8 de decembro de 2006. Mellórase a web completándose o seu contido e acadando, ao fin unha boa accesibilidade das páxinas (mira se que nós mesmo non damos exemplo do que supón a accesibilidade…) 15 de xaneiro de 2007. Os últimos problemas de acceso a páxinas web educatibas dos que falabamos antes quedan definitivamente arranxados. Os técnicos de DisacnetSolutions volven a amosar a súa profesionalidade. Colgamos na web as páxinas de “Os 40 principais” un novo servizo que pensamos pode ser moi aprezado polos educadores. 14 de febreiro de 2007. Nace este blog (¡Mira que coincidir co comercial día nos namorados… manda

Ler máis