Entradas etiquetadas con tadega

Convocatoria Asamblea de persoas socias de TADEGA

0
CONVOCATORIA DE PERSOAS SOCIAS DE TADEGA
Polo presente correo, e conforme ao establecido nos estatutos desta asociación, alédanos anunciarvos e convocarvos a todas as persoas socias á asemblea xeral de TADEGa que terá lugar o vindeiro sábado 27 de outubro ás 10:10 horas en primeira convocatoria e, no seu caso, ás 10:30 horas en segunda convocatoria na Biblioteca Pública da Coruña Miguel González Garcés; e coa seguinte orde do día:
  • Lectura e aprobación da acta da sesión anterior.
  • Estado de contas 2018 e presuposto para o ano 2019
  • Diversos asuntos.
  • Programacion de Actividades
  • Rogos e preguntas.
Trataremos en todo momento de respectar ao máximo os horarios da institución que amablemente nos acolle. Sabendo isto e contando coa vosa axuda, tede en conta que:
-Tal e como se recolle nos estatutos (dos que se xunta enlace de acceso neste correo), só poderán exercer voto na asemblea as persoas socias.
-Debemos facer o posible para finalizar no horario de mañá e rematar non máis tarde das 13’30 horas
-Finalizada a sesión de mañá, teremos un xantar festivo e de convivencia nalgún dos restaurantes da zona.
-A fin de saber con canta xente podemos contar para os distintos actos programados e o aforo que imos ocupar, precisamos que remitades as persoas interesadas en participar un correo electrónico de confirmación ao enderezo eventostadega@gmail.com non máis tarde do 25 deste mes indicando as persoas que, no seu caso, asistirían e aquelas e aqueles que quedades a xantar.
-Agradecendo de antemán o esforzo, atención e compromiso, recibide un cordial e afectuoso saúdo.
-Se non eres socia ou socio de TADEGA tamén convidámosche a que veñas, nos coñezas e propoñas todo aquelo no que teñas inquedanzas
Juan J. Fdez. García
Pte. de TADEGa
Referencias que se citan:
– Ubicación xeográfica da Biblioteca Pública da Coruña Miguel González Garcés segundo Google Maps: [Enlace á ubicación xeográfica].
– Enlace a copia íntegra dos estatutos: [Enlace á copia en formato PDF dos estatutos].

OBRADOIRO DE GAMIFICACIÓN

0

O sábado 28 tivo lugar o obradoiro #TADEGAMIFICA no CEIP de Figueroa da Estrada.

Foi unha mañá de xogo, aprendizaxe, debates e emocións.

Cinco reinos perseguían unha alianza para loitar contra o dragón da desmotivación que os atemorizaba. Debían resolver as probas que se lle presentaban para conseguir facer efectiva esa unión.

Así foi a búsqueda da alianza:

 

Aquí podedes ver máis fotos do evento: #TADEGAMIFICA

Grazas ao traballo colaborativo de todos os asistentes, a alianza fíxose efectiva e o dragón da desmotivación foi derrotado!

Despois de vivenciar unha dinámica gamificada chegou o momento de introducirnos na teoría para poder levala á práctica nas aulas. Neste video podedes ver a presentación que se empregou no taller:

“SEN EMOCIÓN NON HAI APRENDIZAXE” Francisco Mora Teruel

Pictograma de asemblea.

Obradoiros TADEGA 2018: Gamificación

0

Comezan os Obradoiros en TADEGA, o Sabado 28 con Eri Ordoñez no CEIP de Figueroa esperámosche con moitas sorpresas.

Ver informacion sobre Gamificadores en Galicia

 

Formulario de inscrición

Aplicación de mensaxería TADEGa

0

En TADEGa temos unha aplicación de mensaxería para mellorar a comunicación interna e a productividade entre grupos de interese. Deste xeito recibirás a invitación para formar parte, e para o que deberás seguir os pasos que nela se indican.

Tamén podes facer a túa solicitude cubrindo o seguinte formulario:

https://goo.gl/ak7J0e


 

Slack

Unha vez dentro do sistema:

Participar en diversas salas de debate en grupos de traballo conforme aos teus intereses.
Poder contactar con calquera persoa mantendo as vosas conversas privadas.
Compartir toda clase de documentos e incluso de axendas e outras aplicacións compartidas.
Participar, de ser o caso, en grupos de traballo restrinxidos dentro do sistema.

Non terá para ti repercusión económica algunha e poderás participar nesta rede dende o teu ordenador, móbil ou tablet (iOS, Windows, Linux e Android), quedando así conectada/o permanentemente. Basta con que instales a aplicación Slack en todas as plataformas que utilices.

Agradecendo unha vez máis o teu interese e colaboración, recibe un cordial e afectuoso saúdo.

Ir arriba