2603, 2012

Aplicacións iPad

Todos coñecemos aplicacións específicas que se empregan como soporte para a comunicación. A maioría son en inglés e a uns prezos que impiden que cheguen a todos os usuarios. Pero nos últimos anos foron aparecendo novos dispositivos táctiles (iPhone, iPod Touch, iPad ou outros baseados en Android) que nos proporcionan novas oportunidades. Esta tecnoloxía existe e pode estar á nosa disposición. En moitos fogares con nenas e nenos de curta idade estanse empezando a introducir, o que pode ser aproveitado coma unha axuda técnica invisible e socializadora. E debemos valorar tamén o feito de que a formación no manexo destas ferramentas soe estar presente no entorno familiar do neno, polo que é facilmente exportable e xeralizable. Da man destes dispositivos, apareceron decenas de aplicacións, tamén basicamente en inglés, pero a uns prezos que poden oscilar entre 0 e menos de 50 €. Moitas delas tamén son gratuítas ou teñen unha versión gratuíta. Do mesmo xeito hai xa milleiros de aplicacións educativas e de lecer non específicas para persoas con necesidades na súa aprendizaxe pero que igualmente poden sernos moi útiles. Xa que globalmente a oferta é tan grande, presentámosvos unha pequena lista orientativa, referida exclusivamente ao emprego de galego e/ou castelán. Nela atoparedes o logo da aplicación, nome da aplicación (facendo clic accedese á páxina web de iTunes correspondente) e prezos en euros. Aportase a páxina web onde hai máis información sobre a aplicación proporcionada polo fabricante ou distribuidor. Tamén hai unha descrición breve da aplicación: non é un informe da mesma, senón unha frase que nos axude a definir a súa funcionalidade. Obviamente aquí entra en xogo a nosa propia creatividade e a nosa capacidade para proporcionar novos significados. Ligazóns Documento pdf coa lista das aplicacions para iPad Novo iPad 3 en España Web Store de Apple

2303, 2012

Curso PECS

Dende a Asociación ACEESCA nos trasladan a informacion de que organizan un curso de PECS básico para profesionais ou familias por se alguén está interesado en facelo. Mediante PECS (Sistema de Comunicación por Intercambio de Imaxes) a persona con grandes dificultades no emprego da linguaxe expresiva aprende a comunicarse espontáneamente con símbolos de obxectos ou actividades desexadas. Para comezar o acto comunicativo, a persona só ten que coller o símbolo do obxecto / actividade deseaxda e ofrecerlla ao interlocutor para que se produza o intercambio. Estas tarxetas arquívanse de xeito personalizado nun libro ou taboleiro, co cal o usuario de PECS comunicarase alá onde vaia. Ligazóns CARTEL CURSO Documento word para a preinscricion Informacion de la Sociedad Española de SAAC sobre el PECS Paxina de Pecs España, Consultora Educativa Pyramid

2103, 2012

Unha historia con nomes

Noites sen días O pasado 10 de Marzo no segundo obradoiro organizado polo Concello de Soutomaior, MªLuz López e Susana Fernandez abordaron dende unha perspectiva de a pé, a configuración de taboleiros de comunicación asi como experiencias de usuario de emprego de comunicadores e demais aspectos relacionados coa recompilación de imaxes pictográficas para a comunicación: Open publication – Free publishing – More comunicacion EU QUERO CONTAR View more PowerPoint from zuzi1983 Outras ligazóns http://www.slideshare.net/zuzi1983/saac-12083799

1511, 2011

Arranca ACCEGAL

A nosa noraboa a esta iniciativa que ven de arrancar das mans da colaboración do Centro de Educación Especial Manuel López Navalón de Santiago e o Grupo de Tecnoloxías da Información da Escola de Inxeniería de Telecomunicación (Universidade de Vigo), ou o que é o mesmo: Das mans da nosa colaboradora Fátima García e Enrique Costa, para la elaboración de solucións de accesibilidade baseadas en dispositivos móbiles. Coñeciamos VirtualTEC e MessageTTS grazas á lista de correo de TADEGA, dúas aplicacións que consisten nun teclado virtual como axuda á comunicación oral e un sintetizador de voz coa entrada por teclado respectivamente. Ambalas aplicacions disponibles no Market para dispositivos Android. Pero agora temos que destacar un Comunicador Dixital con imaxes para este tipo de aparellos, o PictoDroid, tanto na súa version Lite (mais sinxela), como a que permite expresar diferentes accións e crear oracións complexas; sempre a través de pictogramas ou outras imaxes. Na actualidade podemos realizar oracións coas accions: vamos a… quiero jugar… quiero ir al baño quiero beber… quiero comer…. estoy… Ao completar a selección de pictos o sistema procederá á lectura da frase formada. Todas as imaxes poden modificarse ou eliminarse e é posible engadir os que sexan precisos. Os nosos parabéns por ista interesante iniciativa e dende TADEGA animarvos a seguir por ista liña de traballo que apoiamos e colaboramos dende xa. Ligazóns Web de ACCEGAL Informacion sobre a lista de correo

0103, 2011

Aumentativa renóvase

Como sabedes, todos os socios de TADEGa desfrutades do acceso completo aos materiais de Aumentativa.net. A nova versión reescribe a súa vocación de interactividade e crecemento progresivo. De interactividade, mentres as súas raíces están ben establecidas na escola, que se alimenta a través de investigación-acción e os seus resultados. Tamén pretende medrar segundo as necesidades dos usuarios, que sexa permanentemente aberta para a inclusión e desenvolvemento de novos contidos, así como unha renovación da súa presentación para o usuario. Esta nova versión mellorada da web tamén inclúe a incorporación de novos materiais e recursos multimedia así coma un novo modelo de interacción co usuario: Máis fácil a creación de materiais e actividades. Habilidade para compartir actividades e materiais con outros usuarios do sistema. Navegabilidade e axustes dos parámetros máis intuitiva e sinxela. Nova sección especial sobre a comunicación total – fala signada

1101, 2011

Picaa en galego na App Store (actualización)

Picaa: A Plataforma de Aprendizaxe Móbil Se hai un tempo informábamos da aplicacion Picaa no App Store para iPhone, iPod touch e iPad; dende o pasado 20 de decembro contamos cunha nova versión 1.4.1 con interesantes novedades: seleción do tipo de letra, incluindo fontes mais informais e de tipo “escolar” nova función para xerar os sons dos elementos mediante un sistema TTS (Text-To-Speech): na edición dos elementos das actividades é posible indicar que o son se xenere automáticamente a partires do texto ou dunha cadena persoalizada (require conexión 3G ou WiFi). Engadido soporte ao galego grazas a colaboracion de TADEGA. Para activalo hai que selecionar a rexión “gallego (España)” en Axustes > General > Internacional. Dende aquí agradecemos o esforzo do equipo Picaa para termos a aplicacion en Galego e os avances da mesma. Moitas gracias Picaa deseñouse para a creación de actividades didácticas adaptadas para alumnos con necesidades educativas especiais. Trátase dun proxecto do grupo de investigación GEDES da Universidade de Granada, creadores do sistema de comunicación aumentativa Sc@ut. Actualmente incorpora 4 tipos de exercicios: Asociación, Exploración (Comunicadores), Puzzle e Ordenación. O sistema deseñouse para atender á diversidade funcional de usuarios con necesidades especiais, principalmente nos niveis: cognitivo, visual e auditivo. A aplicación é gratuita, e comenzamos a testala nos centros. http://scaut.ugr.es/picaa/ http://itunes.apple.com/es/app/picaa/id373334470?mt=8#

1711, 2010

Mais pictogramas

Da man de SCLERA pictos, vimos de actualizar o Banco Multimedia de TADEGA con 7333 pictogramas nun novo album “Sclera Inglés”, conscientes do atranco que supon o idioma e que en breve agardamos ter solucionado, pero satisfeitos porque deste xeito damos solucion a moitas demandas de conceptos que ata o de agora non tiñamos. A disfrutalos Ligazóns Banco Multimedia de TADEGA Páxina de SCLERA Pictos

0411, 2010

Comunicadores SAAC

No mundo dos sistemas de comunicacion alternativa e/ou aumentativa (SAAC), cada día hai mais softwares, pictogramas e trebellos: Picaa, Sc@ut, Comunicador CPA, TapToTalk, iPhone, NDS, Android, Tablet PC, ARASAAC, Divertic, SPC, Widgit, Sclera… cada un coas súas vertentes gratuitas e de pago e tamén coas súas vantaxes e inconvintes. Por iso que unha boa opción tamén, e tirar pola banda da bricolaxe dixital e recursos gratuitos, libres e usables por todo o mundo, como istes exemplos feitos coa Ferramenta LIM: