Segundo día del Curso de Verano “TIC y Discapacidad”, a destacar Iriscom que nuestra compañera Ermi se encargó de probar con mucho éxito: – Ebeam, Pizarra digital interactiva PORTATIL. Jose Juan Nimo (nsComercial). – IRISCOM.org. Control y Comunicación a través de ordenador controlado por el movimiento de los ojos para personas con discapacidad motora. Pedro Palomo – Taller práctico: Plataforma Jclic. Francesc Busquets (Creador de las plataformas Clic y JClic).
Tecnoloxías, discapacidade e empresa, a debate en Lugo. As Tecnoloxías da Información e a Comunicación desempeñan, a día de hoxe, un papel fundamental no proceso de integración laboral de calquera persoa; case sen excepcións, nos tempos que corren, o que máis e o que menos debe demostrar coñecementos mínimos e formación en novas tecnoloxías para acceder a un posto de traballo calquera e isto agrávase cando as persoas demandantes de emprego sofren algún tipo de discapacidade, pois as esixencias, tanto na empresa ordinaria como a través da fórmula do autoemprego, son as mesmas, mentres que a posibilidade de acceso ás TIC (debido moitas veces aos propios servidores) dificúltanse por mor da falta de funcionalidade das webs e das ferramentas tecnolóxicas ofertadas. É por isto que a Sala de Innovación Tecnolóxica Empresarial da Fundación CEL (SITE) quixo incluir no programa do Proxecto ETIC, a xornada Novas tecnoloxías e discapacidade, que organiza en colaboración coa Confederación Galega de Persoas con Discapacidade (COGAMI). A devandita xornada estruturarase en dúas partes. Por unha banda, haberá catro relatorios nos que se falará das axudas ás empresas en materia de accesibilidade e se exporán varios casos de acceso ao mercado de traballo de persoas con discapacidade; ao seu fin terá lugar o sorteo entre os asistentes dun netbook Toshiba con software adaptado. Por outra banda, ao longo da mañá realizaranse noutra sala, nunha xornada de portas abertas, demostracións do funcionamento de equipos informáticos adaptados na súa totalidade e mais de equipos con hardware ordinario e software adaptado. O acto terá lugar mañá xoves día 25 na Facultade de Humanidades do campus de Lugo das 9:30 ás 14:00 horas, e nel participarán, entre outras personalidades, o alcalde de Lugo, José López Orozco, a deputada provincial Regina Polín Rodríguez e o representante da Obra Social de Caixa Galicia en Lugo, Sinesio Pérez Rodríguez.
O portal www.miradasdeapoyo.org a partir do 01 de Xullo pon en marcha o rexistro para activar a ferramenta e crear un grupo de apoio baseado na planificación centrada na persoa. Ese día haberá unha presentación da ferramenta que terá lugar no salón de actos do CEAPAT de Madrid o próximo 1 de xullo ás 10,00 horas.
O portal www.miradasdeapoyo.org, a partir do 01 de Xullo pon en marcha o rexistro para activar a ferramenta e crear un grupo de apoio baseado na planificación centrada na persoa. Houbo unha presentación da ferramenta que tivo lugar no salón de actos de CEAPAT de Madrid o 01 de Xullo de 2009.
O noso amigo é compañeiro (1) Domingo Méndez, ven de publicar no seu blog una artigo moi interesante sobre accesibilidade e lectores de pantalla, algo no que estamos a traballar nistes días. “Parece unha obviedad que, a estas alturas, todas as persoas sexa cal sexa a súa condición poidan acceder aos contidos e servizos da Web dunha maneira normalizada e digo que parece un obviedad pero en realidade non o é. Son moitas as persoas que con algún tipo de discapacidade física, intelectual ou técnica non poden gozar da Web e os seus servizos máis populares e coñecidas nos diferentes ámbitos e só porque non se deseñaron pensando en que todos os usuarios puidesen acceder na mesma en condicións de igualdade independentemente da súa condición. Os conceptos de accesibilidade e usabilidade, non sempre son tidos en conta á hora do deseño de Web e de software en xeral ,aínda que en España por lei han de ser accesibles. Para mostra un botón, o tamén amigo e compañeiro (2) Antonio Sacco mándanos desde A Prata (Argentina) , este vídeo sobre (3) lectores de pantalla que nos axuda a entender un pouco estes conceptos.” Ligazóns (1) Blog Educación y TIC de Domingo Méndez (2) Página de Antonio Sacco (3) Descarga do programa NonVisual Desktop Access (NVDA)
Do 29 de xuño ao 3 de xullo de 2009 celebrarase na Sede de A Coruña un curso titulado (1) “Impacto de las Tecnologías de la Información y las Comunicaciones en las personas con discapacidad. El camino a la autonomía personal. ” dirixido especialmente a alumnos da Universidade da Coruña coas titulacions de Informática, Terapia Ocupacional, Logopedia, Mestres, Fisioterapia e Enfermería. Tamén está especialmente destinado a profesionais de centros socio-sanitarios relacionados coa discapacidade como son los centros de día públicos, os equipos de valoración da Lei de dependencia, centros xerontológicos, asociacións e colectivos de persoas con discapacidade, etc. Este curso está organizado pola Universidade Internacional Menéndez Pelayo (UIMP) e dirixido por Javier Pereira Loureiro. Doutor en Informática. Profesor Titular de Escola Universitaria da Facultade de Ciencias da Saúde. Campus de Oza. U. de A Coruña TADEGa está presente para falar das últimas novidades e do proxecto “Contos Adaptados e Accesibles” recentemente elixido polo MEC para desenvolver contidos dixitais que melloren a comprension lectora desde esta perspectiva accesible e inclusiva. Pero o (2) programa vai moitísimo mais aló: Proxectos Orange, EO Prim, ONCE, B&J Adaptaciones, Iriscom, JCLIC, LIM, CEAPAT, Autismo Galicia, COGAMI, Aumentativa.net, Comunicador CPA, Grupo Adeuno, CETTICO, etc. etc. Vémonos?? (1) Mais información e inscricion TRIPTICO DO CURSO
O pasado sábado día 30 de maio tivo lugar no Salón do Cómic de Barcelona, a presentación dun cómic moi especial: Una posibilidad entre mil. O acto foi presentado polas editoriais de Sins Entido: Jesús Moreno e Héloïse Guerrier, e contou coa presenza dos autores. Cristina Durán e Miguel A. Giner Bou contan a historia dunha andadura personal que comeza o día en que nace a súa filla Laia e sofre unha doenza que lle causa dano cerebral. Isto desencadea todo un proceso de angustia, loita, sufrimento, solidariedade, aceptación e de avances e retrocesos que miles de pais coñecen. E malia todo, Cristina e Miguel conseguen plasmar a súa experiencia sen sensacionalismos, dunha forma moi natural, sinxela e sincera. Emotiva e obxectiva, cunha actitude reflexiva e directa. En contra do que puideramos pensar, tampouco é un cómic con pretensións didácticas. É un cómic ben narrado que recolle todas as situacións que se desenvolven ao redor de Laia e os seus pais dun xeito esperanzador e cunha actitude positiva. Un cómic que non deberíades perder. Podedes ter máis información no blog Jiro Taniguchi e na páxina oficial do cómic: www.unaposibilidadentremil.com.
Dende a Universidade de Santiago de Compostela enviannos información de interese sobre un curso de verán recoñecido pola Consellería de Educación e Ordenación Universitaria da Xunta de Galicia (véxase díptico en documento adxunto). O curso versa sobre a dislexia, unha dificultade da lectura e escritura que presenta un número considerable de alumnos e, pola contra, unha problemática bastante descoñecida por parte dos profesionais da educación. O evento terá lugar en Vilagarcía de Arousa dende o 14 ao 18 de setembro de 2009. Convidámosvos a darlle a maior difusión entre o profesorado. Mais informacion: Programa Curso de Dislexia 2009 www.ladislexia.es www.usc.es/cultura/ Convocatoria do I Curso Resumo do I Curso de Dislexia
Benson Schaeffer, experto en comunicación alternativa e autor do principal método de fala signada para alumnos non verbais, protagonizou unhas xornadas organizadas por FEAPS e A Salle en Madrid co fin de reflexionar sobre os 25 anos de aplicación deste programa de ensino en España. Deste método de ensino beneficiaronse miles de alumnos con discapacidade intelectual en todo o mundo, e foi empregado con éxito por algunhas das nosas entidades, que tiveron ocasión de explicar a súa experiencia na xornada A xornada tivo lugar o pasado 28 de abril no Campus de Madrid de A Salle e foi inaugurada polo director de FEAPS Paulino Azúa, e o presidente deste centro universitario, Luis Timón. Azúa enmarcou na súa intervención o tema da xornada, afirmando que “a posibilidade de comunicación supón para a persoa ser actora, e non mera espectadora, da propia existencia. Neste sentido, a comunicación –ademais dun dereito recoñecido como tal por Nacións Unidas–, é unha das pedras ngulares da autodeterminación, que a súa vez é determinante para a calidade de vida das persoas”. Trala inauguración, tomou a palabra a profesora de A Salle Candelaria Imbernón, que relatou como evolucionou a ensino dos sistemas alternativos de comunicación no ámbito universitario. E a seguir, interviñeron representantes de dúas entidades de FEAPS que incorporaron o o sistema de Comunicación Total ao seu ensino: a Fundación Gil Gayarre (Madrid) e a Fundación Madre de la Esperanza (Talavera de la Reina, Castela – A Mancha). Ambas asociacións desenvolveron un sistema denominado FISAAC. Ambas representantes explicaron como desenvolveron este sistema a través de traballo en grupos de familiares e tamén dunha aplicación informática. Esta intervención enmarcou a posterior conferencia, na que recolleu a testemuña o protagonista da xornada, Benson Schaeffer. O doutor en Psicoloxía pola Universidade de California – Os Anxos (UCLA) e profesor na University Pacific Oregón, o é principal autor do libro Fala signada para alumnos non verbais, no que describe o chamado método de “Comunicación Total”. Este método, ideado nos anos 80, permite que determinadas persoas con trastornos no desenvolvemento e que teñen mermada seu capacidade de comunicación, aprendan a relacionarse cos demais a través dun sistema que combina os signos coa linguaxe oral. Durante a súa intervención, Schaeffer describiu os pormenores deste sistema, e dirixiuse aos formadores e educadores para resaltar que “non hai ningún requisito previo” para o ensino do mesmo. “Se pode ensinar a todos os nenos e adultos non verbais sempre que teñan desexos de relacionarse”. Indicou que este ensino de signos e palabras ao mesmo tempo axuda a esas persoas a acceder, de maneira espontánea, á linguaxe oral. Un
O Congreso de Comunicación Aumentativa e Tecnoloxía vai dirixido a todas aquelas persoas relacionadas co uso da Comunicación Aumentativa (directa ou indirectamente) que estean interesadas en intercambiar e coñecer novas experiencias e recursos eneste ámbito, en relación coa Tecnoloxía. Por este motivo, resulta de gran interese para os usuarios de CA, para as súas familias, así como aos profesionais que traballan en contacto directo con persoas usuarias de Comunicación Aumentativa. De igual modo, a vertente tecnolóxica do Congreso confire unha vital implicación ao ámbito da enxeñería aplicada en sistemas relacionados coa saúde e o benestar, concretamente os especializados na investigación e desenvolvemento de tecnoloxía punta aplicada á adaptación de sistemas intelixentes integrada de maneira óptima no contorno. Finalmente outro colectivo amplamente implicado, será dos estudantes universitarios xa que a CA e as tecnoloxías de axuda forman parte do seu proceso formativo (área de educación, socio sanitario e tecnolóxico). 17, 18 e 19 setembro 2009 Universidade de Zaragoza, CPS, Edificio Betancourt Mais información: Ligazón á web do Congreso Comunicacion Aumentativa e TIC