Congreso Internacional de Orientación

Durante os días 21, 22 e 23 de novembro de 2007 tivo lugar na Universitat Jaume I de Castellón (España) o Congreso Internacional de Orientación Educativa e Profesional. O congreso organizouse coa intención de dar a coñecer experiencias renovadoras e innovadoras en materia educativa e de permitir aos estudiantes e aos profesionais que traballan en educación e orientación compartir coñecementos e intercambiar experiencias. Na súa páxina ides atopar os relatorios do ano 2006 e 2007, e quero resaltar nesta última o artigo BARREIRAS E AXUDAS Á INCLUSIÓN: A HISTORIA DE VIDA DE GEMA desenvolto por Carmen Gallego Vega e Anabel Moriña Díez. Abrangue unha investigación realizada co propósito de describir, analizar e valorar as fases e impacto do proceso de exclusión en colectivos de mozos en situación de desigualdade (pertencentes a culturas minoritarias, desigualdades de xénero ou mozos con discapacidade. O traballo recolle parte da vida dun destos xoves e reflexiona sobre as barreiras e axudas que puideron obstaculizar ou facilitar a vida persoal, educativa e profesional de Gema. Para máis información, enlace á revista QuadernsDigitals.

Obradoiros de accesibilidade web

[D-314] Porqué e para que ¿Obradoiros de accesibilidade básica de contidos web? Nestes tempos asistimos —afortunadamente é moito máis que unha moda— a que moitas asociacións, docentes, pais e alumnos, teñan os seus propios cadernos de bitácora nos que publican case a diario os seus debates, opinións e descubrimentos. É a explosión da parte máis visible da web 2.0 da que tanto se fala. O caso é que a accesibilidade web destes espazos deixa moito que desexar dende o momento en que os temas ou esqueletos destas bitácoras non siguen totalmente os estándares da accesibilidade da W3C-WAI (www.w3.org) (moitos deles nin de lonxe) e, ademais, a maior parte dos seus autores descoñecen estes estándares e, polo tanto, non os trasladan aos contidos que publican (artigos e comentarios). Conscientes desta carencia, TADEGa ven de organizar unha serie de obradoiros de accesibilidade básica de contidos web pensados (non para re-deseñar os temas, que é asunto moito máis complexo que xa abordaremos máis adiante dende outra perspectiva), senón algo máis básico e sinxelo, para que quen suba e redacte contidos para as súas bitácoras, que estes contidos sexan plenamente accesibles. Nesta preparación dos obradoiros, atopámonos coa sorpresa de que en poucos días moita xente nos pediu poder participar neles e houbo que desdobrar convocatorias, lugares e datas. Así que, por se alguén quedou atrás, aquí vai o programa provisional. Cando e onde Talleres de accesibilidade básica de contidos web Nota: os enderezos electrónicos que se amosan nesta listaxe están descompostos engadindo espazos en branco a fin de evitar o correo lixo. Taller Nº 1 Lugar: Santiago de Compostela (CRA de Teo). Coordina: Susana Viqueira Cobas (SuViCo @ edu.xunta.es). Datas: sábado, 16 de febreiro (9 a 14 horas). Asistentes: Susana Viqueira Cobas. Belén Gómez Flores. Uxía Acuña Abalde. Ramón Xosé Rodríguez Orol. Rosa María Garrido Feijoo. María Begoña Salgado Bispo. Manuel Ángel Masaguer Rodríguez. Taller Nº 2 MATRÍCULA PECHADA POR SOBREPASAR OS LÍMITES DO AFORO. Lugar: Pontevedra (CFR de Pontevedra) – Centro de Formación e Recursos de Pontevedra (Rúa Celso Emilio Ferreiro). Coordina: María Belén Junquera Méndez (BelenJunquera @ gmail.com). Datas: sábado, 23 de febreiro (9 a 14 horas). Asistentes: Ana Belén Domínguez Besada. María Belén Junquera Méndez. Abraham Ignacio Domínguez Cuña. Ánxeles Rivela Machado. María Luz Besada Pérez. Nuria Fernández Fariñas. Inés Casal Barreiro. Cristina Campos Pérez. Xose Antón Vicente. Silvia Iglesias Lago. José Antonio Otero Piñeiro. Alexandre Cortés Ayaso. Begoña Otero. Mª Carmen Rodríguez Montegrifo. Natividad Bouzas Carneiro. Francisco César Díaz. Iago José Corral López. María Areán Fernández David Romero Queiruga. Silvia Fernández Kraemer. Laura Montenegro Fernández. Carmen Paz López. Vicente Sánchez Martín. Elda

Ler máis

Congreso TecnoNEEt 2008

[D-312] Unha magnífica noticia Como xa recollen nos seus respectivos cadernos de bitácora de Javier Soto, Domingo Méndez ou Celestino Arteta, TADEGa súmase cargada de ilusión ao lanzamento do V Congreso Nacional de Tecnoloxía Educativa e Atención á Diversidade (TecnoNEEt) e que este ano conflúe coas III Xornadas Nacionais de Logopedia Dixital. Baixo o lema A igualdade de oportunidades no mundo dixital, o Congreso celebrarase no Campus da Muralla do Mar da Universidade Politécnica de Cartaxena (Cartaxena, Murcia, España), os días 18, 19 e 20 de setembro de 2008. Trátase, sen ningunha dúbida, dunha cita imprescindible para todos aqueles que traballan no ámbito das TIC e a diversidade, do obradoiro de encontro e discusión para profesionais, usuarios e familias e que, xa na súa anterior edición (2006), congregou a máis de 600 profesionais de España e América Latina. E permitídenos un apunte final algo doce: foi precisamente o congreso que facilitou as vimbias para o nacemento de TADEGa, pois os galegos que alí estabamos, sentimos que xa era hora de que a nosa terra tamén tivese o seu referente no mundo das TIC para a Atención á Diversidade. É unha cita obrigada como ben din estes compañeiros. Alí estaremos e alí esperámosvos. Áreas temáticas Vede aquí unha escolma das súas áreas temáticas para facervos unha idea das calidades postas en marcha desde este magnífico congreso: Contorna educativa Tecnoloxías para o desenvolvemento das competencias básicas. Tecnoloxías para a estimulación multisensorial. Tecnoloxías para a rehabilitación/habilitación da linguaxe. Tecnoloxías para a Comunicación Aumentativa. Tecnoloxías para as necesidades educativas especiais. Tecnoloxías para o alumnado con altas capacidades intelectuais. Contorna asistencial, laboral e de lecer Tecnoloxías para a vida independente: domótica, robótica e teleasistencia. Tecnoloxías para a inserción laboral. Tecnoloxías para o lecer e o tempo libre. Contorna profesional Interacción da persoa coa tecnoloxía. Tecnoloxías e protocolos para a avaliación funcional da persoa. Integración curricular das TIC. Investigación, innovación e formación en tecnoloxías de apoio. Contornas virtuais de ensino e aprendizaxe. Redes sociais en internet sobre tecnoloxías de apoio. Marco teórico e institucional Accesibilidade universal, deseño para todos, e igualdade de oportunidades. Políticas educativas sobre tecnoloxía e atención á diversidade. Novos paradigmas e tecnoloxías emerxentes. Non vos esquezades; é unha cita imprescindible: http://congreso.tecnoneet.org/

Sobre dificultades instrumentales

(Aviso: Artigo en castelán – Artículo en castellano) [es] Intervención en el aula ante las dificultades de lecto-escritura El lunes 16 de enero comienza en el CEP Azuqueca el curso Intervención en el aula ante las dificultades de lecto-escritura, destinado al profesorado en general y a los orientadores, cuyos objetivos fundamentales son: Definir y conocer el concepto de dislexia y sus implicaciones. Facilitar estrategias que ayuden a identificar la dislexia. Determinar que adaptaciones metodológicas y materiales son necesarias ante las dificultades lecto-escritoras. Conocer las principales técnicas que sirven de apoyo y ayuda en su tratamiento. Con los mismos objetivos, dará comienzo en Febrero, un curso similar en el CAP de Vallecas, denominado Diagnóstico e Intervención de las dificultades en las áreas instrumentales. Los cursos, de 30 horas de duración, están homologados por el Ministerio de Educación y la Consejería de Educación, tanto de la Comunidad de Castilla-La Mancha, el primero, como por la Comunidad de Madrid el de Vallecas. Y estarán impartidos por especialistas de reconocido prestigio en cada una de las metodologías a impartir, y que colaboran de forma activa con nuestra Asociación. En los cursos se desarrollarán temas como qué es la Dislexia y las estrategias para su identificación; la Intervención Motriz en la dislexia; las adaptaciones metodológicas y de material didáctico, la utilización de las nuevas tecnologías. También se les informará sobre las dificultades psicológicas y secuelas emocionales que provoca la dislexia; diagnóstico y prevención de las dificultades en el área de lenguaje así como en las dificultades del aprendizaje de las matemáticas, ofreciendo a los docentes estrategias, recursos y materiales para el aula; utilizar las pistas que nos da la grafología para ayudar al alumnado con problemas a aprender a escribir bien y para siempre. Todo esto tratado como complemeto a la atención e intervención logopédica, así como las técnicas de inteligencia emocional y las técnicas de estudio. Todo ello, dotará de recursos a los docentes para poder afrontar en clase, la enseñanza al alumnado con dificultades de aprendizaje, fundamentalmente a los disléxicos y otros trastornos asociados.

I Premios EDIGa 2008

[D-304] A convocatoria Os premios EDIGa convócanse co obxectivo de incentivar o uso dos novos soportes dixitais interactivos, de difundir experiencias educativas e o de crear unha comunidade de aprendizaxe tendo como referente as TIC: As categorías CATEGORÍA A: Elaboración de Materiais Didácticos. CATEGORÍA B: Boas prácticas SMARTBoard / Experiencias innovadoras. Os premios 1º Premio SMART: un kit de 5 unidades SENTEO: Unha viaxe a BETT 2009. 2º Premio SMART: unha tableta dixitalizadora AIRLINER. 3º-5º Finalistas SMART: unha cámara de Fotos Dixital. 1º Premio P3D: unha licencia anual dos programas P3D P3D. Os centros que desexen participar deberán formalizar a súa solicitude na bitácora de EDIGa ediga.net/blog/premios-ediga e presentar as súas propostas de recursos e/ou experiencias antes do 30 de abril de 2008 coa folla de participación debidamente cuberta. A entrega de premios Convocarase a todos os candidatos á entrega dos premios onde exporán as súas materiais/experiencias o día 9 de maio do 2008 no Museo Pedagóxico Galego en Santiago de Compostela, lugar e data onde se pronunciarán os fallos do comité asesor. Finalmente aquí tedes o enlace ás Bases do I Premio EDIGa.

Xornadas de Sensibilización: A Discapacidade

[D-300] As actitudes ante a discapacidade son un dos pilares fundamentais para a inclusión educativa e social. Unha actitude positiva cara a discapacidade fai posible que a integración total sexa unha realidade. Mellorar a actitude das persoas sen discapacidade lógrase a partir do coñecemento das características das distintas discapacidades, dos dereitos, da interacción con persoas con discapacidade, etc. Este é motivo principal polo que o Departamento de Orientación e o Equipo Directivo do Colexio Divina Pastora decide levar a cabo un Programa Integral para a Mellora das Actitudes da Comunidade Educativa, no que se inclúe estas “ I Xornadas de Sensibilización: A Discapacidade”, que se celebrarán no Salón de Actos do Centro. Pretende así mellorar a inclusión non só do noso alumnado senón de todas as persoas con algunha discapacidade, por iso estas xornadas están abertas a toda a Comunidade Educativa, aos veciños, e a todas as persoas interesadas neste tema. Programa: MÉRCORES 6 FEBREIRO SÍNDROME DE DOWN 19:30 h. Acto de apertura das xornadas: José Luis Baltar Pumar. Excmo. Presidente da Deputación de Ourense Gonzalo Iglesias Sueiro. Delegado de Educación Ana Garrido Rodríguez. Concelleira de Educación Mª. Esther Martínez Quintas. Inspectora de Educación Álvaro Leis Martínez. Director do Colexio Divina Pastora 19: 45 h. Moderador: Juan Mazairas Xefe de Informativos da Cadena COPE Ponentes: Maia García Martínez. Coordinadora da Asociación Down Ourense. María Rodríguez Ramos. Antiga alumna de Divina Pastora. Jacobo Rey González. Antigo alumno de Divina Pastora. MÉRCORES 13 FEBREIRO DISCAPACIDAD FÍSICA 19:30 h. Moderador: Manuel Deaño Deaño Catedrático de Psicoloxía Evolutiva e da Educación. Presidente de AEDES. Ponentes: RECAREDO PAZ PRIETO. Presidente de AIXIÑA Ourense MÉRCORES 20 FEBREIRO DISCAPACIDAD VISUAL 19:30 h.Moderador: ANTONIO NESPEREIRA Director de Radio Voz e Subdelegado de La Voz de Galicia Ponentes: LUÍS DOMÍNGUEZ. Presidente da ONCE en Ourense. IMMACULADA MENDOZA RÍOS. Educadora da ONCE MÉRCORES 27 FEBREIRO TDAH 19:30 h.Moderadora: MAR GARCÍA SEÑORÁN. Prof. Dr. Psicología Evolutiva e da Educación. Ponentes: EQUIPO DE PSIQUIATRÍA INFANTIL DO CHOU CONSUELO NOGUEIRA ENCISO. Xefe da unidade de Psiquiatra Infantil. ROSA MOURE MOURE. Psiquiatra infantil ROSA MARNOTES FERNÁNDEZ. Psicóloga infantil Convidámosvos a asistir a estas xornadas tan interesantes e esperamos que acaden as vosas espectativas. Fonte: Juan Luis Rodríguez Rodríguez. Xefe do Departamento de Orientación do Colexio Divina Pastora de Ourense

Xa temos Congreso TecnoNEEt 2008

[D-256] Un acontecemento longamente agardado Xa temos aquí o congreso [1] por excelencia. O maior e mellor evento de toda Iberoamérica no que ao uso e aproveitamento das TIC na atención á diversidade se refire. De feito, TADEGa [2] débelle moito a TecnoNEEt [3], pois foi no seu congreso de 2006 [4], onde TADEGa cobrou forma a raíz da xuntanza que amablemente nos facilitou a organización do congreso de todos os galegos que alí estabamos e dos contactos que, posteriormente, se foron creando ao redor deste núcleo. Tanto é así que 3 dos nosos tadeguianos forman parte do comité organizador deste congreso (Antonio Ovidio, Belén González e un servidor). Sirva tamén indicar que outros 3 dos membros deste comité son os autores das bitácoras que temos como bitácoras amigas, ou que este mesmo grupo tamén é o autor do NEEDirectorio [5], ou do portal TecnoNEEt.org [3]. E iso sin paranos agora a explicar polo miúdo a calidade do propio congreso que xa vai pola súa 5ª edición bianual. A igualdade de oportunidades no mundo dixital [1] Así reza o lema do congreso deste ano, e nós, dende aquí facémosvos unha invitación a todas e todos os interesados nestes temas para que participedes neste congreso, ben fisicamente estando alí, ou ben mediante matrícula na forma non presencial. Dende a nosa experiencia, a calidade dos temas a desenvolver queda garantida. Enlaces que se citan Indicamos a continuación a relación de enlaces que se mencionan e que poden axudar a ampliar esta información: [1]: Web do congreso TecnoNEEt: congreso.tecnoneet.org [2]: Historia de TADEGa: www.tadega.net/queestadega.php [3]: Web do Foro TecnoNEEt: www.tecnoneet.org [4]: Bibliografía TecnoNEEt: www.tecnoneet.org/biblio.php [5]: Web do NEEDirectorio: www.needirectorio.com

II Xornadas TADEGa

II Xornadas TADEGa

  [D-244] Está visto que levamos uns días de contento a contento; estas novas xornadas que estamos a preparar, terán lugar o sábado día 15 de decembro en xornada de mañá (inclúe xantar con opción a prolongar o debate a parte da tarde) no edificio MUPEGA de Santiago que amablemente nos cede os seus locais. Entre outros asuntos a tratar, abordaremos: Constitución de TADEGa como asociación. Debate dos seus estatutos a partir do borrador. Sinatura de estatutos e acta fundacional. Elección da xunta directiva. Establecer as cotas anuais. Liñas básicas e proxectos a desenvolver no curso 2007-08. Aqueles que quixeran ser socios antes da constitución pero que non teñen opción a asistir ese día, deberán contactar previamente co seu coordinador, Antonio Carreira, no enderezo de correo electrónico ACarreira@edu.xunta.es Para máis información complementaria sobre outras xornadas xa celebradas, aquí tedes un resumo ás anteriores: Enlace ao resumo das I Xornadas TADEGa.

Xornadas técnicas de accesibilidade e usabilidade

[D-224] EGANET (asociación sen ánimo de lucro, formada por empresas e profesionais galegos do sector de Internet e as novas tecnoloxías) ven de informarnos na súa páxina web (www.eganet.org) de 2 eventos de suma importancia no ámbito galego. 26 e 27 de novembro de 2007, curso Accesibilidade Web organizado por EGANET cunha duración de 16 horas, destinado a profesionais con coñecementos intermedios de desenvolvemento de aplicacións web, a se celebrar tanto en Santiago como en Vigo. 3 de decembro en Santiago e 5 de decembro en Vigo, curso de Introdución a Usabilidade organizado por EGANET cunha duración de 8 horas, que busca a introdución ao mundo da usabilidade e o deseño centrado no usuario, dando unha visión clara de cal é a súa importancia no desenrolo de webs e outro software. Nota: Estes cursos contan cunha axuda Dirección Xeral de Promoción Industria e da Sociedade da Información da Consellería de Innovación e Industria e non terán ningún custe para os participantes. Máis información, na páxina web antes indicada da propia EGANET. A verdade é que en moi raras ocasións se organizaron xornadas técnicas de accesibilidade e usabilidade dende o eido público no entorno galego. Hai que felicitar esta iniciativa xa, máis que por novidosa, por urxente e, ata hoxe, desatendida.

Parálise cerebral e deficiencias afíns

[D-222] Por medio da bitácora amiga AEDIR (Asociación de Educación e Diversidade da Rioxa), tomamos nota das Xornadas Técnicas que ASPACE-A Rioxa (Asociación de atención ás persoas con Parálise Cerebral e afíns desta comunidade) vai celebrar na súa universidade. Trátase dunhas xornadas técnicas de ámbito universitario nas que un dos días adícanse a desenvolver a temática do uso e aproveitamento das Tecnoloxías da Información e da Comunicación (TIC) para este colectivo. As xornadas terán lugar os días 21, 22 e 23 de novembro deste ano. Para máis información podedes acceder a este enlace da universidade que inclúe o tríptico do programa.