1803, 2015

Obradoiro “Os sentimentos e a aprendizaxe da lectoescritura con dispositivos móbiles”

Non hai entradas! Con Susana Lamela e Ana Mariño A verdade é que non contabamos cun éxito así; en apenas 3 días tivemos que pechar o formulario de solicitudes por encher o aforo deste centro que nos acolle. Sentimos as molestias que lle podamos causar as persoas interesadas en participar e que non se anotaran antes. Comprometémonos a deseñar estratexias operativas para repetir este obradoiro noutra ocasión antes de rematar o ano, previsiblemente para o vindeiro congreso TADEGa a se celebrar no derradeiro trimestre de 2015 e do que non tardaremos en darvos magníficas novas. Algúns traballos compartidos Queremos agradecer especialmente a Susana Lamela e a Ana Mariño, a súa xentileza por tan magnífico obradoiro e tamén por compartir o seu traballo. Deixamos aquí tamén a magnífica presentación que nos serviu de guía para o traballo do obradoiro. Dispositivos móbiles na aula from Mestra Primaria   From Obradoiro “Os sentimentos e a aprendizaxe da lectoescritura con d. Posted by Tadega Net on 4/14/2015 (10 items) Generated by Facebook Photo Fetcher 2 Susana Lamela @sonhosdeandel http://sonmago.blogspot.com.es/ Ana Mariño @MestraPrimaria http://mestraprimariablog.blogspot.com.es/ Susana Lamela Fai agora un ano, no mes de marzo de 2014, nas xornadas Escol@tic.2014, tivemos a ocasión de coñecela. Presentaba unha experiencia coñecida como O mago unha experiencia de traballo colaborativo con tablets. Naquela ocasión gustounos e moito. Unha compañeira de infantil desenvolvendo experiencias creativas, innovadoras, de calidade. Agora quixemos que nos viñese a contar as súas experiencias, que son numerosas, plurais e enriquecedoras. Temos con nós, unha profe de a pé que traballa a cotío cos cativos de infantil, unha incansable entusiasta da tecnoloxía dixital como ferramenta a usar no seu desempeño diario, unha bloguera incasable que non cesa no seu empeño, e unha autora de libros recoñecidos por todos e todas. E ademais aquí, na súa terra natal de Pontevedra. E nós que andamos na procura de ferramentais dixitais que nos axuden no noso día a día educativo, ben que haberemos de atopar auga para esta sede. Só por abrir boca, vaian aquí unhas palabras que a crítica fai sobre un dos seus libros: Andeis baleiros aliméntase do mesmo territorio imaxinativo no que enraizara a súa anterior entrega: protagonismo infantil e marabilloso didáctico nunha trama na que os propios libros, as bibliotecas e o exercicio da lectura fían unha rede de relacións sorprendentes e moi entretidas. O obradoiro Temática: “Obradoiro para traballar os sentimentos e a aprendizaxe da lectoescritura con dispositivos móbiles” Cando: 11 de abril (sábado) en horario de 10:00 a 14:00 horas. Onde: CEIP de Vilaverde – Mourente en Vilaverde, 9 – Mourente – (36164) Pontevedra.  Google Maps Inscrición: Cumprimentar o formulario que se

Ler máis

1503, 2015

Fotografía e danza de xeito inclusivo

Unha axenda inclusiva para Vigo e máis cidades galegas Toma nota dos seguintes datos: Laboratorio de fotografía Di-versión-arte Sábados 11, 18, 25 de abril e 9 de maio. Horario de 10 a 14 horas. Sede Afundación Vigo (Rúa Policarpo Sanz, 24-26. Un obradoiro pouco convencional, poderás retratar a túa persoal visión do mundo, co foco na realidade que máis che interesa, libre de prexuizos e apriorismos. Persoas con diversidade funcional ou calquera persoa con interese na fotografía, ou no uso das artes como ferramenta de inclusión social. Cada participante deberá traer cámara de fotos dixital (compacta ou réflex). Máximo 15 asistentes. Exposición fotográfica + Performance de danza Igualarte Do 11 ao 27 de xuño. Entre as 17:30 e as 20:30 horas. Sede Afundación Vigo. Rúa Velázquez Moreno 18 (Sala de Exposicións II) Por que? Boa pregunta: lendo na información que se nos achega, e á vista dos resultados desta mesma actividade desenvolta noutros lugares galegos, atopámonos con singularidades que moito nos gustaría foxen xeralidades: unha actividade dirixida a todo tipo de poboación e con especial sensibilidade ás persoas con diversidade funcional sen entrar a valorar se tal o cual discapacidade. Unha escolma ben feita de actividades aptas para todos e todas sen exclusións, accesibles, sen máis. O dito, unha actividade singular que moito nos gustaría que deixase de selo para converterse en xeralizada, tan inclusiva que nin se anuncia como tal. //Afundación Así é o nome da entidade que promove as iniciativas que aquí se amosan, a se celebrar en Vigo nos vindeiros meses e que poderían ser de interese. Esta institución defínese así mesma na súa web como: A Fundación Galicia Obra Social (Afundación) (…) A nosa misión é a realización dunha acción educativa, social e cultural que, de xeito sostido, eficiente e relevante, contribúa a mellorar a sociedade galega, dentro e fóra de Galicia, e posibilite así o desenvolvemento integral das persoas que forman parte dela. (…) O noso máximo órgano de decisión é o Padroado no que están representados ABANCA, o noso único mecenas, as sete principais cidades galegas, o Parlamento de Galicia, as deputacións provinciais, a Xunta de Galicia e os traballadores… Información adicional Nestes anexos que xuntamos en formato PDF poderedes ter información adicional incluíndo o xeito de vos inscribir se vos interesa: Díptico informativo achegado por Afundación [Enlace 1]. Formulario de inscrición con información adicional [Enlace 2].

XIV Xornadas AGPETAL
2411, 2014

XIV Xornadas AGPETAL

Cada dous anos, a asociación AGPETAL (Asociación Galega de Profesorado Especialista en Técnicas de Audición e Linguaxe) organiza as súas xornadas (a que aquí se anuncia será a Nº 14). A nosa asociación TADEGa (Tecnoloxías de Atención á Diversidade na Educación Galega) colabora unha vez máis. Así pois os días O contido amosa novos enfoques coa pretensión de facilitar recursos prácticos para o día a día das aulas. Animádevos que isto promete. Imos aló: Como: [Enlace ao tríptico do programa]. Cando: os días 12 e 13 de decembro. Onde:  nos locais da UNED da Coruña. Título: Trastornos do desenvolvemento en educación infantil. Estratexias e técnicas de intervención en comunicación e conduta. .

Obradoiro: HazAlgoDiferente.es
2810, 2014

Obradoiro: HazAlgoDiferente.es

Terapia Breve Centrada en solucións no entorno escolar Fai xa tempo que na xunta directiva andamos implicados en ofertar a persoas socias e amigas diferentes actos, actividades, obrdoiros, e eventos que entendemos podan ser de interese. Continuando con este propósito, hoxe vos traemos esta iniciativa que nos parece do máis interesante. Achegámosvos unha proposta realmente innovadora, un obradoiro que dará que pensar. Da man de HazAlgoDiferente.es ofertamos un obradoiro do máis interesante e cos seguintes datos: Como? Obradoiro de mañá de sábado de 4 horas dirixido a mestras e mestres. 30 prazas por rigorosa orde de inscrición. Cando? sábado 15 de novembro dende as 10:00 da mañá ata o mediodía que remataremos con xantar de desfrute. Onde? ETL Campa, C/ Simón Bolivar, 3 – baixo. A Coruña. Canto? 5 euros para sufragar gastos básicos de local. Máis información: descargando neste enlace ao programa en formato PDF. Animáste? Isto promete. E para inscribirte, só tes que enviarnos os seguintes datos por correo electrónico: Nome/s e apelidos completo. Número de teléfono de contacto. Indícanos (se o sabes) se vas quedar a comer ou non. O correo nolo podes mandar a calquera destes enderezos: Contactar@TADEGa.net HazAlgoDiferente@HazAlgoDiferente.es

III Xornadas Por Dereito 2014
1609, 2014

III Xornadas Por Dereito 2014

Novo curso, novos folgos Ben, xa abonda de vacacións e relaxing… toca porse as pilas. Reanudamos a nosa liña 2014 de obradoiros, xornadas e encontros. Desta volta para anunciarvos as III Xornadas Por Dereito 2014. E isto é o que nos conta a presidenta desta asociación e socia e amiga de TADEGa: A asociación de familias e amigos de persoas con trastorno do espectro austista, Por Dereito, temos organizadas unhas novas xornadas (e xa van tres!) que se celebrarán no Pazo da Cultura de Pontevedra o día 18 de outubro. Este ano leva por título “Pensando no adultos e nos pequechos con TEA”, coa intención de despexar dúas incógnitas: Que vai ser dos nosos fillos cando cheguen á idade adulta? Que aplicacións para tablets e ordenadores lles poden facilitar a aprendizaxe e mellorar o coñecemento e a relación co seu entorno? Para isto contaremos con poñentes que proceden de distintos puntos da península: Ávila, Burgos, Madrid, Oviedo e Barcelona, pero tamén contaremos con xente de Galicia. E que proveñen dende distinto tipo de organizacións: asociacións de autismo, fundacións, empresas… Tedes toda a información no tríptico e no cartaz que elaboramos para esta ocasión Somos cada vez unha familia mais grande, mais de 100 socios espallados por todo o territorio galego e que estamos unidos por uns obxectivos moi concretos e ambiciosos dentro do noso proxecto formativo: facer que se coñezan cada vez mais as particularidades das persoas con autismo, demostrar que a inclusión é posible e formar e informar a esta sociedade da que as persoas con TEA tamén forman parte. Ben pois dende TADEGa vos queremos animar a participar neste evento, sen dúbida do máis interesante. Documento 1: Tríptico III Xornadas Por Dereito Documento2: Cartaz das III Xornadas Por Dereito

TADEGa premio e-Inclusión do CPEIG
0605, 2014

TADEGa premio e-Inclusión do CPEIG

Premio e-Inclusión Estamos de noraboa, a revista Código Cero, o Cluster TIC Galicia, La Voz de Galicia… fanse eco dunha novidade de alto interese para todas e todos nós: o CPEIG (Colexio Profesional de Enxeñaría en Informática de Galicia), vén de facer público o recoñecemento a nosa asociación TADEGa (Tecnoloxías de Atención á Diversidade na Educación Galega) coa concesión do premio e-Inclusión. No seu comunicado do luns 5 de maio indícanos ademáis: A Xunta de Goberno valorou o traballo realizado para eliminar a fenda dixital e a prol do desenvolvemento das persoas con diversidade funcional. O Colexio Profesional de Enxeñaría en Informática de Galicia (CPEIG) vén de facer público o recoñecemento a TADEGa (Tecnoloxías de Atención á Diversidade na Educación Galega) coa concesión do premio e-Inclusión. (…) Este galardón representa unha novidade dentro dos premios anuais que o CPEIG entrega na Noite da Enxeñaría en Informática, que este ano se celebrará o día 13 do mes de xuño. O CPEIG recoñece mediante o premio o traballo desenvolvido por TADEGa a prol da eliminación da fenda dixital que frea o desenvolvemento das persoas con diversidade funcional. O colexio comparte coa asociación premiada o seu ideario, no sentido de que considera a accesibilidade das TIC vital e base para que os sectores máis febles da sociedade poidan acceder a todos os contidos, servizos e oportunidades coma o resto da cidadanía. Asemade, o CPEIG valora que a asociación promova a inserción e o aproveitamento das TIC no ensino galego e alí onde se prestan servizos de atención á diversidade, ademais da investigación, fomento e deseño das ferramentas e os métodos para obter o mellor proveito da tecnoloxía dixital e a súa inmersión nas aulas. Satisfacción e responsabilidade Para esta asociación é unha emoción contida de alegría e satisfacción recibir un galardón de tal calado e significación. Implica un recoñecemento que a sociedade fai a un número enorme de persoas implicadas nunha educación máis auténtica e acorde cos principios fundamentais dos dereitos das persoas á vez que tamén co novo milenio dixital que entre todas e todos nos estamos outorgando. A transición dunha escola afastada destas realidades a unha escola dixital e inclusiva non é doada nin sinxela, menos aínda desde dentro dela, e neso estamos e por iso apostamos. Agora ben, un premio non debe ser nunca nun balsámico recoñecemento a un traballo ben feito; é ante todo, un estímulo e un compromiso máis firme para que os obxectivos marcados, por utópicos que podan xulgarse, se acaden nunha liña de horizonte realista á vez que temperá. Nelo estamos. E como adoitamos dicir na propia asociación:

Ler máis

Programa obradoiros TADEGa 13/14
2901, 2014

Programa obradoiros TADEGa 13/14

Actualizado o 6/3/2014 Por favor lede con atención os datos referidos a marzo onde se fixeron importantes actualizacións. Pero… En que quedamos? Pois si, moitas veces enferruxados na tarefa diaria e acontece que de cando en vez precisamos axuda, que alguén nos aclare dúbidas, resolver historias sempre aprazadas no tinteiro pero que algún día precisaremos que queden claras. Para iso nada como uns obradoiros prácticos. Na esencia así é a idea coa que xermolaron estes obradoiros polos que se preguntou despois do noso III Congreso do pasado novembro. E aquí estamos amosándovos a programación que temos para todo o curso e para que vaiades reservando datas para todas as temáticas que vos interesen. Febreiro 2014 Temática: Ferramentas para a comunicación alternativa de persoas con diversidade. Cando: 22 de febreiro (sábado) en horario de 10:00 a 14:00 horas. Onde: Salón de actos de Exposalnés, Paseo de la Calzada,  s/n – 36630 – Cambados, Pontevedra. Inscrición: Cumprimentar o formulario que se xunta neste artigo. Prezos: 5 € para persoas socias e 10 para as non socias que se abonan o mesmo día ao retirar a documentación. Notas: ao rematar, comida sinxela de confraternización a escote para quen queira participar. Características: Juan J. Fdez. García (Presidente de TADEGA), Mª Cruz da Silva Rubio, (Mestra e presidenta de Por Dereito), Carmen Fernández Cacho (mestra), Mª Carmen Otero Vázquez (nai dun neno con diversidade), Susana Martínez Fieiro (nai dun neno con diversidade). Marzo 2014 Temática: Servizos, realidades e proxectos de Pictoaplicaciones.com Ver documento previo: Documento PDF. Cando: 15 de marzo (sábado) en horario de 10:00 a 14:00 horas. Onde: Travesía de Cacheiras, 62 (Estrada de Santiago a A Estrada, Km. 5) – Teo, A Coruña. Ver este enlace no Google Maps. Na foto vese á esquerda un chalet (o antigo local do FOLTRA, aí está o local) nesa mesma rúa está a Cafetería BETOS poderiamos quedar ali ás 9,45 do sábado para empezar ás 10,00 con todo listo e preparado. É importante comezar puntuais. Inscrición: Cumprimentar o formulario que se xunta neste artigo. Prezos: 5 € para persoas socias e 10 para as non socias que se abonan o mesmo día ao retirar a documentación. Notas: ao rematar, comida sinxela de confraternización a escote para quen queira participar. Características: A través de xente do GrupoPromedia.es e de Pictoaplicaciones.com faremos un percorrido amplo e completo polas aplicacións, ferramentas e servizos que ofertan dende a súa web así como tamén dos seus proxectos máis inmediatos e aínda en cociña. Notas adicionais de interese: haberá conexión wifi polo que resultará interesante vir cun portátil ou cun tablet para que o obradoiro sexa realmente práctico. Abril 2014 Temática: II Xornadas de tablets Aspronaga. As tablets na

Ler máis

III Congreso de Tecnoloxías de Atención á Diversidade na Educación Galega 2013
2509, 2013

III Congreso de Tecnoloxías de Atención á Diversidade na Educación Galega 2013

Presentación Dende diferentes ámbitos como a Cultura con CampUSCulturae, ou a Educación coa asociación TADEGa, síntese con apremio a necesidade de que Educación, Cultura e Sociedade fagan unha aproximación moito máis atinada e intensa ao mundo da diversidade co ánimo de facer efectiva unha inclusión que non acaba de saír dos libros para chegar aos fogares e ás escolas; que nos está tardando moito porque moitos dos seus esforzos non camiñan dende os enfoques axeitados ou non acadan unha conexión plena coa sociedade actual. A tecnoloxía dixital vén ademais a influenciar todo esta estrutura: dende ás oportunidades ata o acceso á cultura, dende a mellora comunicativa ata a interculturalidade que promove. Chega pois o momento deste congreso cunha converxencia nunca antes vista nesta procura que nos ocupa. Estilo Con tal motivo e nun traballo simbiótico e conxunto con CampUSCulturae, traemos esta oferta de congreso, pero non un congreso calquera. O protagonista non é a ferramenta (dixital ou non), é a persoa. A inclusión como obxectivo: o que non é para todos, non serve. A accesibilidade e usabilidade como condicións imprescindibles. O que non é accesible, impide a inclusión. A atención á diversidade é un reto, precisa axuda, e o obxectivo é brindala. Obxectivos Parten das 4 necesidades básicas detectadas: Formación no aproveitamento do dixital e na atención á diversidade. Encontros para o intercambio de experiencias e recursos. Promoción dos valores da inclusión, da accesibilidade e da usabilidade. Investigar no desenvolvemento de ferramentas e servizos de utilidade. III Congreso de Tecnoloxías de Atención á Diversidade na Educación Galega 2013. Inclusión e Cultura Dixital Cando 8 e 9 de novembro de 2013. Onde Facultade de CC da Comunicación. Santiago de Compostela. Organizan Asociación TADEGa CampUSCulturae Colaboran Universidade de Santiago (USC). Revista Educación 3.0 BJ-Adaptaciones.com Pictoaplicaciones.com Como Na xornada do venres, abrimos o apetito con reflexión e controversia: A irrupción das redes sociais, vantaxes e perigos (Mónica Arenas Ramiro). Mesa redonda: Fracasa a Atención á Diversidade? Mª Cruz Da Silva Rubio. Presidenta da asociación Por Dereito – pordereito.blogspot.com.es Irene García García. Coordinadora de CampUSCulturae – campusculturae.usc.es Francisco Javier Soto Pérez. Asociación Divertic – divertic.org Manolo Rey Fernández. Mestre e orientador e asesor na Consellería de Educación. Yolanda Barallobre Ferreño. Xefa do departamento de Organización escolar e Diversidade do CAFI (Centro Autonómico de Formación e Innovación) – www.edu.xunta.es/web/cafi Ana Franco Vázquez. Profesora de FOL (Formación e Orientación Laboral), no IES Sanxillao, Lugo. Juan José Fernández García. Presidente de TADEGa. – tadega.net Actividades de inclusión a través da danza INTEGRA2 – campusculturae.usc.es (Miguel Gendre) Na xornada do sábado teremos 3 sesións de obradoiros simultáneos para que as persoas asistentes

Ler máis

Obradoiro TADEGa: Tablets e dispositivos Android
0207, 2013

Obradoiro TADEGa: Tablets e dispositivos Android

Ao fin unha débeda agardada Dende fai tempo que viñamos anunciando obradoiros en congresos, sempre estabamos cerca e sempre retrasando o anuncio. Agora xa non, toca ir amosando o que será o vindeiro curso 2013/14 que arranca este venres (si, venres 5 de xullo) con este estupendo obradoiro dun tema sumamente demandado: o uso das tablets nas aulas, sobre todo dentro do ámbito da atención á diversidade. Aquí vos deixamos os datos de interese para vos apuntar. Bulide que se agotan as entradas. Título Obradoiro TADEGa. tablets e dispositivos portatiles con sistemas Android nas aulas. Autor Iago Corral, Lugo. Cando Venres 5 ás 16:30 horas para rematar sobre as 21 horas. Onde CEIP San Francisco Javier, (ao carón do Corte Inglés) na cidade da Coruña. Como Obradoiro aberto a todas as persoas interesadas socias ou non de TADEGa. Prezo 5 euros para persoas socias. 10 euros para as non socias. O prezo será cobrados alí mesmo na entrada. Condicións especiais Onde apuntarse: enviando un correo á asociación TADEGa: contactar@tadega.net indicando Nº de persoas que se anotan. Clausura: nun restaurante da zona, cea animosa opcional de vonvivencia a escote (TADEGa paga cafés e chupiños). Ao día seguinte: para os supervivintes que o desexen: chocolate con churros a escote e confraternización. Agardámosvos Para amenizar como música de fondo Alborada de noite e luz, de Juan Durán.

2111, 2012

Ferramentas TIC e multimedia nas aulas. CULTURGAL

Dende o 30 de novembro ao 2 de decembro, pónse en marcha Culturgal 2012, “Feira das Industrias Culturais” baixo o lema “A casa da cultura galega é a túa casa. Ti tes a chave” no Pazo da Cultura de Pontevedra. O programa e inmenso, a asistencia prevista tamén moi alta, e entre os seus contidos atopamos unha serie de experiencias co título “Ferramentas TIC e multimedia nas aulas. Experiencias” Alí estará TADEGa para falar de que a atención á diversidade tamén merece o seu espazo nestes encontros, para falar de “Xandre, o elefante sen sombra” e outros contidos de interese para facer ver que falar de cultura e falar de educación pódese facer sempre que as persoas con diversidade funcional estén presentes, pero incluíndo tamén as súas necesidades, a súa cultura e incluíndonos uns aos outros. Mais información: Enlace ás TIC do Culturgal: Culturgal_TIC Enlace á web do Culturgal: www.culturgal.com