Bitácora TADEGa.net

Na asociación aledámonos de presentarvos unhas novas xornadas para este 2010. Máis en concreto o venres 26 e sábado 27 de febreiro de 2010 no Salón de Actos do Pazo da Cultura de Pontevedra. O seu título Competencia dixital na atención á diversidade

Os datos

Pé de media (e descrición alternativa): cartaz anunciador das IV Xornadas TADEGa 2010. Nel pódese ler tamén o lema das xornadas: -Competencia dixital na atención á diversidade- así como os temas que se tratarán e que poden ser lidos no documento PDF que se xunta a este artigo.

Avisos

URXE que as seguintes persoas contacten con nós no enderezo Contact@TADEGa.net a fin de clarificar a súa participación nas Xornadas:

• MARÍA EUDOSIA SABUCEDO BALADO
• MARÍA PURIFICACIÓN FERNÁNDEZ PÉREZ (36061777P).
• JOSE LUIS ESTÉVEZ SOLLA.

Relación de persoas admitidas (En formato PDF).

Aclaracións ás vosas preguntas

• Prezos de matrícula: (Ata o 15 de febreiro inclusive). Persoas socias de TADEGa e/ou DIVERTIC: 25 €. Persoas non socias: 45 €.
• Número de prazas: As prazas son limitadas e adxudicaranse por rigorosa orde de chegada das solicitudes rematando o prazo de inscrición o 15 de febreiro de 2010. Posteriormente, e só no caso de quedar prazas libres, admitiríanse solicitudes novas cun incremento de 20 € sobre o prezo de matrícula.
• Certificacións:
  • Solicitada a certificación pola Consellería de Educación da Xunta de Galicia, válida para funcionarios, interinos e titulacións universitarias estén ou non en activo por un total de 10 horas.
  • O número de horas máximo sen asistencia con dereito a certificado é do 10%.
  • Coa lexislación vixente, a certificación obtida é válida para o baremo das oposicións, o que non resta que na vindeira convocatoria de oposicións se moficase algún aspecto da norma que puidera facer inviable o anterior, polo que a garantía absoluta de validez non é posible.
• Neste momento, e conforme se van producindo as inscricións estamos notificando por correo electrónico a conformidade correspondente de xeito individual e unha vez cumprimentados todos os pasos necesarios. No momento en que detectamos algunha anomalía tamén a advertimos por correo electrónico.

Enlaces e datos de referencia

E como o mellor que podemos facer é ir directos á substancia, aquí vos deixamos xa cos enlaces para acceder ao tríptico do programa, e para o proceso de inscrición:

• Enlace ao tríptico das xornadas: programa (En formato PDF) Actualizado o domingo 31 de xaneiro.
• Enlace ao formulario para inscribirse: inscrición.
• Relación de hoteis en Pontevedra (En formato PDF).
• Formularios adicionais (para o profesorado de ensino non universitario) nos que se poden pedir axudas económicas e permisos de asistencia (En formato PDF).
• Enlace de Google coa ubicación do Pazo da Cultura de Pontevedra.

A Universidade de Córdoba presenta o primeiro sistema operativo libre para iFreeTablet.

A rolda de prensa retransmitirase por Internet desde a nova Web do produto: www.ifreetablet.com

Hoxe xoves, 4 de febreiro, ás 11.30 horas na Sala de Prensa do Reitorado da Universidade de Córdoba terá lugar a presentación do sistema operativo SIESTA, deseñado para ifreetablet polo grupo EATCO da Universidade de Córdoba. O novo sistema de software libre é o resultado do proxecto de investigación IPTV Municipal que dirixe o grupo EATCO, financiado polo Programa Avanza do Ministerio de Innovación en colaboración co Concello de Córdoba, a Fundación Rede Especial España e as Deputacións de Córdoba e Granada.

iFreeTablet e maxe dun dedo actuando sobre iste dispositivo táctil

Ao acto asistirán o director do grupo EATCO, Carlos de Castro, a presidenta do Consello Social, Anabel Carrillo, e o director xeral de Graef, distribuidora do hardware, José Gurrea.

SIESTA pretende servir de ponte que rompa a brecha dixital existente entre os usuarios avanzados entusiastas da tecnoloxía e da Web 2.0 e aquelas persoas que xamais utilizaron un computador persoal. Para lograr este obxectivo conxúganse funcionalidades avanzadas cunha interfaz altamente intuitiva. SIESTA está baseado en software libre. Isto significa que poderá evolucionar coas achegas da comunidade de desarrolladores do software libre.

O proxecto Abalar – Escola 2.0, vai repartir ordenadores ou net-books entre o noso alumnado ¿Pero alguén pensou nas características que deberían ter? E para o alumnado con necesidades específicas xa que o ordenador lles suporá unha tecnoloxía de apoio: ¿Serán os mesmos? ¿E a accesibilidade?… Axúdanos a respostar a todas istas dúbidas e así facer unha proposta seria e partindo da realidade.

Ordenadores usados no Proxecto Magalhaes portugués.

Cumprimenta este formulario.

Graciñas

Steve Jobs na presentación do iPad mostrando un coas mans.

Ultraportátiles táctiles, e-books… a medio camiño entre ordenador e teléfono móbil ata Google saca o seu… o Nexus One

Imaxe dunha man suxetando un Movil Nexus One de Google

E estade atentos porque as distintas empresas xa teñen preparadas as súas propostas: Dell, Lenovo, MSI…. e tamén o Grupo EATCO da Universidade de Córdoba, a Fundación Rede Especial España (FREE) e a Asociación de Entidades de Tecnoloxía de Apoio para a Autonomía Persoal (AETAP) en colaboración con CPMTI S.L. e CIMA S.L. presentaron un produto na mesma liña, o iFreeTablet, baseado en software libre e apto para uso educativos profesional e lúdico por parte de calquera persoa, aínda que deseñado para que persoas con dependencia poidan utilizalo con certa facilidade.

iFreeTablet e maxe dun dedo actuando sobre iste dispositivo táctil

Este ordenador ultraportátil de baixo custo con formato de tablet ten unha pantalla táctil de 10,2 polgadas cunha resolución de 1.024 x 600 píxeles, opera cun procesador Atom N270 a 1,6 GHz, disco duro de 160 Gb, Ethernet, Wi-Fi, cámara de 1,3 Mpíxeles, 3 portos USB, saída VGA, lector de tarxetas de memoria, opción 3G, unhas medidas de 28 x 18 x 0,24 centímetros, un peso de 1,03 quilogramos e unha autonomía de 2,5 horas. O equipo xa pode reservarse, e agardan que o seu prezo estea entre os 300 e os 400 euros, aínda que non concretan a súa data de lanzamento.

Como din na súa web: “A alternativa en software libre ao tablet de Apple”

www.ifreetablet.es

PD.: Sí, xa está reservado E en galego?

Nestes días que andamos a patadas co idioma, e remexendo na rede na procura dun video para usar nas aulas para o día da paz (30 de xaneiro), atopei esta pequena xoia, unha pequena luz sobre un xeito de facer ben as cousas. Canción -Imagine- en lingua de señas da serie de televisión Glee.

O vídeo tomado de Youtube