0809, 2007

Para que no se olviden

[D-164] ParaQueNoSeOlviden.com é unha web que manten un arquivo de alguns antiquísimos libros de Plesa/SM que toda unha xeración (anos 60-70) recordará, porque marcaron unha época. Estas xoias da educación infanto-xuvenil están fora de cátalogo e non se poden mercar nin se van a reeditar. Na galería pódense ver todos eles. Persoalmente, a colección “Cómo hacer…” foi a miña favorita, herdanza do meu irmán maior 🙂 , o libro de como facer xoguetes que funcionan marcou, sen dúbida, a miña andaina de remexer neles. E os vosos???

3108, 2007

Coid-arte

Leo na folla parroquial da Coruña que a Vicepresidencia da Xunta convocou o concurso Coid-arte, que premiará a creatividade dos traballos fotográficos das persoas dependentes e as boas prácticas de entidades públicas e privadas que promovan a autonomía persoal e a atención á dependencia. A convocatoria, publicada hoxe no Diario Oficial de Galicia (DOG), indica que Coid-arte estará dividido en dúas modalidades, o concurso de fotografía e o de boas prácticas. A finalidade deste concurso é, segundo a publicación do DOG, é fomentar a participación das persoas en situación de dependencia «posibilitando un marco de exposición das súas inquietudes artísticas» e divulgar as iniciativas de entidades que promoven a autonomía e a atención ás situacións de dependencia. coid-arte

2108, 2007

Vagabundo Dixital

[D-159] Pois si, de roteiros polo mediterráneo, de aquí para acolá decateime de que non podo vivir sen conectarme, alomenos un pouquiño cada día, asi que alí onde estaba facía un barrido da zona e “bingo“, algun “fonero” caritativo deixábame “chucharlle” o seu ancho de banda; caridade en forma de bits!!! 🙂 Wifi en todas as partes, no coche, na rúa, nun bar, na praia,…contáronme que nun barco tamén existía, así que en caso de afundir sempre poderías mandar unha mensaxe aínda que non sexa nunha botella. Se queredes vola canto: [kml_flashembed movie=”http://static.boomp3.com/player.swf?id=6c748cf20285″ width=”200″ height=”20″ wmode=”transparent” /] Ata onde chegaremos!!!. Aínda que o máis sorprendente non é iso, falando, falando nesas noites longas estivais decatábame de que aínda así estamos “enganchados” por “cordóns umbilicais” eléctricos, “aínda dependemos de cables para nutrir os nosos aparatos?”, dixen. “Pois coido que xa non”, respondéronme, a electricidade sen cables xa chegou !!!! Increíble!!!

0408, 2007

Formación TIC para lesionados medulares no Hospital

[D] E-Hospital é un proxecto financiado pola Comisión Europea no marco o programa Socrates/Grundtvig1, no que participan institucións educativas de Austria, Francia, Alemaña, Polonia, España e Suíza, baixo coordinación da institución austríaca Die Berater. Por parte española participan o Grupo de Innovación e Tecnoloxía Educativa da Universidade de Santiago de Compostela e a área de e-learning do Centro de Supercomputación de Galicia, ademais da colaboración do Complexo Hospitalario Universitario Juan Canalejo da Coruña, onde levouse a cabo a experiencia. Este proxecto ten como un dos seus principais obxectivos analizar o papel do e-learning (aprendizaxe electrónico) na formación a adultos hospitalizados de longa duración. Tras as experiencias de e-learning, elaborarase unha guía de boas prácticas con recomendacións para educadores que queiran traballar neste campo. Esta é unha experiencia educativa pioneira, posto que non existe ningunha investigación similar a nivel mundial no ámbito da formación de adultos en institucións hospitalarias, posta en práctica de modo simultáneo entre setembro de 2006 e maio de 2007 nos seis países que participan no proxecto con características diferenciais entre eles. No caso de España, impartiuse un curso de 5,5 créditos, recoñecidos pola USC, centrado en aspectos básicos de informática e ofimática (“Curso básico de Tecnoloxías da Información e das Comunicacións para a alfabetización digial”). No marco desta experiencia, no caso español, durante a realización do curso piloto, formáronse a 13 pacientes da Unidade de lesionados Medulares do Hospital Juan Canalejo da Coruña. O próximo mes de setembro a Universidade de Santiago de Comopostela outorgará os correspondentes certificados a todos os alumnos participantes nesta iniciativa. Froito da experiencia educativa exitosa levada a termo tanto a partir do punto de vista dos alumnos como das profesionais médicos e pedagogos, as institucións españolas participantes no mesmo contemplan a ampliación ampliar do marco da experiencia máis alá do proxecto europeu. Para máis información, envíen un correo electrónico a e-learning@cesga.es ou visiten a páxina Web do proxecto: http://www.ehospital-project.net

2307, 2007

ISSNizados…TADEGa publica!!

[D] Pois xa se comentaba na lista de correo, despois de moito insistir a BN (Biblioteca Nacional) e reformular algunhas “cousiñas”, as nosas contribucións (Documentos de interese) xa son recoñecidas co devandito ISSN (International Standard Serial Number). ISSN: 1988 – 3137 Pero…¿para que sirve? O número e unha referencia de identificación de publicacións normativizado, que facilita o control por parte de axentes e institucións para a súa comercialización (leáse edición e distribución) ou baremación (leáse méritos, concursos oposicións,…). Ao mesmo tempo dalle un sentido corporativo a plataforma ao ser recoñecida “no fondo e nas formas” nas súas contribucións, por estamentos validadores, como é o caso da devandita BN. ¿Queres colaborar? Pasate por (Documentos de interese). Experiencias, reflexións, iniciativas, innovacións, escolmas de recursos…teñen cabida. Grazas a todos polo esforzo adicado!!! Nota: Alguén nun correo preguntou, ¿para cando a versión impresa?…amodiño, amodiño todo se andara 😉 . Nestes momentos, xa estamos traballando nunha base de datos que xestione todas as contribucións con diferentes criterios.

1907, 2007

Antonio Sacco e marcador…en Galego!!!

Seguimos colaborando con persoeiros relevantes do mundo das novas tecnoloxías e a atención á diversidade, esta vez co compañerio Antonio Sacco é a súa nova ferramenta, “Marcador”. Quen mellor que o seu “pai” para falarnos do seu “fillo”; así pois , convidámoslle a facernos un “speech“ao máis puro estilo 2.0: [D] Grazas Antonio.

2206, 2007

EDIGa…Encerado Dixital Interactivo de Galicia

Hoxe pola mañá chegoume isto ao correo: [D] Estimados compañeir@s Acaba de ver a luz unha nova experiencia que un grupo de docentes de diferentes lugares de Galicia intentamos levar adiante sobre o traballo que realizamos cos Encerados Dixitais Interactivos. Trátase de EDIGA (http://www.ediga.net/ ). Pretendemos que este sexa un punto de encontro, un lugar onde poidas atopar información, ver o que fan compañeiros e compañeiras doutros centros, onde intercambiar opinións, actividades, tarefas, formación,… esperamos dar resposta a todas as dúbidas que teñas. Pero o máis importante é que esperamos que participes, colabores, aportes cousas, opines… todo o que ti queiras. Podes inscribirte dende o propio blog ou ben colaborar dende o apartado Colabora con nós. Gracias por deixarnos entrar un anaquiño no teu ordenador e esperamos volvera verte. EDiga (grupo de usuarios de Encerado Dixital Interactivo de Galicia) Coido que é unha proposta moi interesante, aínda que vaia teima ten a xente en asociarse…¿non creedes? 🙂 Nota: Alguén sabe algo máis disto???? 🙂

2006, 2007

Autobombo!!! TADEGA en C&P

[D] No último número de “Comunicación y Pedagogía” Nº 219, monográfico adicado as necesidades educativas especiais, temos unha presencia máis que digna: – Juan Jose Fernández García falanos de TADEGa.net. – Antonio Ovidio e Jose Luis Barreiro da formación en, por e para a accesibilidade web. – Feliciano Jose Couto amosanos a súa premiada bitácora “A Clase Blanca”. Todos eles, membros de TADEGa, contribúen cientifica e experiencialmente no desenvolvemento de novos paradigmas e enfoques na maneira de entender a diversidade. Parabéns compañeiros!!!

1806, 2007

“Calcwav”. A calculadora que fala… Galego!!!

[D] Xa temos en liña outra colaboración de TADEga, o Calcwav, un dos moitos materiais educativos que podemos atopar en http://www.xtec.es/~jfonoll/index.htm. Pero agora na súa versión en GALEGO. En palabras do seu autor, J. Fonoll: “Calcwav es una calculadora que habla. Por su presentación y versatilidad puede adaptarse a discapacidad visual y motora. Se puede enfocar su empleo con un teclado con relieve para personas con ceguera. Si se maximiza la pantalla pueden verse teclas muy grandes y se facilita su uso con una pantalla táctil o pizarrón interactivo (Enciclomedia) para personas con disminución visual. Por otra parte, posee opciones de barrido automático para ser usado por personas con discapacidad motora a través del uso del teclado o un pulsador.” Nota 1. Agrádecese que atopemos erros na devandita ferramenta. Nota 2. (19/06/07) Seica agora ata a imaxe e 100% galega ¿non si?. Máis información sobre recursos para as necesidades educativas especiais http://www.xtec.es/dnee/index.htm