3003, 2007

TADEGa.net, premio EGANET 2007

[D] Estamos de noraboa. TADEGa.net recibiu onte (29/3/2007) o premio EGANET 2007 na modalidade de tecnoloxía accesible. Das 163 candidaturas quedaron 27 finalistas, e de éstas, os 10 premios finais. Por cuarto ano consecutivo, a Asociación de Empresas Galegas Adicadas a Internet e as Novas Tecnoloxías convoca estes Premios EGANET (www.eganet.org – www.premioseganet.com), continuando deste xeito a premiar os proxectos de empresas e profesionais galegos que traballan en prol do desenvolvemento do sector TIC na nosa comunidade. Os nervos de Antonio e meus eran moitos aínda que o premio deixounos descolocados pois non contabamos con que os ollos dos grandes caeran sobre iste novo grupo tan cheo de ilusións por facer da simbiose entre as TIC e a atención á diversidade un mundo de ferramentas fecundas para todos. Sexa como fose, a responsabilidade que gañamos co premio tamén é importante e o reto que se nos achega tomámolo con novo pulo. Antes de rematar esta boa nova, quería dar os lóxicos agradecementos ás moitas persoas que están detrás de todos estes esforzos: A Abraham, o cacharreiro tecnolóxico maior desta bitácora e con quen comparto case que a diario o peso de ter a web ao día. A Antonio polos seus desvelos e suxestións, compañeiro de fatigas de TADEGa. Nos seus miolos estivo a idea primixenia deste grupo. Aos magníficos compañeiros e amigos do TecnoNEEt, inspiradores maiores da semente de TADEGa, e da urxencia da accesibilidade web, non como un ornamento artístico, senón como a única resposta posible á dignidade das persoas con discapacidade. E, dun xeito especial, aos grandes amigos con maiúsculas Javier, Manolo, Emilio… e sen deixar atrás a ningún dos grandes deste equipo: Domingo, Mª Dolores, Mª José… A todas e todos os membros de TADEGa para quen se constrúe todo isto. A Marisa e María arquitectas maiores dunha vida ilusionada e ilusionante por un mundo con máis vida para todos.

2603, 2007

Fontes, fontes, e máis fontes

Co gallo dun curso sobre “As TIC e o profesorado de apoio” celebrado a primeiros de mes (marzo de 2007) polo CFR da Coruña (coordinado por Javier Rouco) falamos de todo un pouco, pero unha das necesidades máis acusadas seica foi iso, fontes para o uso escolar e o desenvolvemento da grafía. Así poís visitamos bancadas de “types” como por exemplo: http://www.dafont.com http://www.fontreactor.com/ http://www.abstractfonts.com/ http://desktoppub.about.com/od/fonts/a/writefonts.htm Todas elas estupendas para experimentar con fontes ou Dingbats. Pero sen ir moi lonxe, no famoso CNICE, tiñamos xustamente o que necesitabamos, no seu observatorio podemos ver o proxecto, “Mis primeras fuentes“: [D] Introducción do proxecto Instalación Descarga Aínda que se decidimos que nolo den todo feito en plantillas para a aprendizaxe da grafía, poderíamos visitar un par de xoias: http://www.needirectorio.com/imprimibles.php http://www.learningpage.com ¿Algún aporte máis? 🙂 Nota: para aqueles e aquelas que estean a utilizar a PDI, que saiban que o OCR da suite do Smart Board na súa última versión (setembro do 2006) é bastante potente ao igual ca o do Office 2007, recursos interesantes para plantexar actividades de grafomotricidade/escritura na aula. Para mostra, este vídeo: [D] [kml_flashembed movie=”http://www.youtube.com/v/blpLIJ5HEZk” width=”425″ height=”350″ wmode=”transparent” /]

2303, 2007

Seica temos Blidget propio

O tema dos widgets revolucionou, revoluciona e revolucionará a blogosfera ( blog + widget = blidget ), xa non temos que facer filigranas co deseño e encher abondosas liñas de código para decorar, comunicar ou reformar a nosa web, aquí si que ten cabida o malogrado WYSIWYG que tanto se prodiga nas ferramentas da rede. Un TADEGa de peto para que estes á última das novas, para que o sindiques, para que o vexas no móbil, para que leves de viaxe 😉 . Xa non tes excusa para non estares informado!!!! [D]

1903, 2007

Non todo é cacharrear

[D] Non todo vai a ser falar de ordenadores, cables, programas; tamén é hora de reflexionar, de pensar, de calibrar e avaliar canto estamos a facer ou de ata onde queremos chegar, de se os nosos esforzos van por bo camiño, de se realmente somos libres ou alguén nos está a vender a moto. Por iso sempre se agradece que alguén faga estas reflexións e nos dé un tirón de orellas cando compre facelo. Nesta liña, saudamos ao caderno de bitácora do noso compañeiro José Vidal (http://www.espacioblog.com/jvidal) moi centrado nestas lides e cun bo grao de perspicacia. Auga fresca pola mañá coa que, de cando en vez, debémonos refrescar, e discutir claro está, porque afortunadamente aquí ninguén é perfecto ¿Onde tería eu sitio senón? Noraboa José!

1503, 2007

Un pueblo entero

Dice un proverbio africano que para educar a un niño se necesita un pueblo entero… Pues bien, la escuela, según esto, solo es un parche en la gigantesca rueda de la Educación… Cuando veníamos hacia aquí, tarde, a toda velocidad, sin encontrar aparcamiento… con las prisas yo me bajé a cuidar de una plaza que quedaba libre porque mi compañera, que conducía, no quiso interrumpir el tráfico y prefirió dar una vuelta a la plaza de Cuatro Caminos. Pues sucedió que llegó un gran señor con un gran coche y por más que le expliqué que esa plaza la estaba reservando, que inmediatamente la íbamos a ocupar, pues el gran señor empezó su maniobra de aparcamiento con su gran coche, ninguneando lo que yo le decía, y con una agresividad casi física, poniendo en riesgo mi integridad personal… Su hijo, un adolescente, aprendió, con los ojos muy abiertos y gran atención la magistral lección paterna…

1503, 2007

Encontros entre o ensino medio e a Uvigo

[D] As VIII Xornadas de comunicación entre o Ensino Medio e a Universidade de Vigo, celebradas os pasados días 8 e 9 de marzo no campus de Ourense, foron realmente moi interesantes xa que puxeron en coñecementos os cambios que van a producirse cando entre totalmente en funcionamento o Espazo Europeo de Educación Superior (EEES). Unha das ideas trasladadas a todos os asistentes foi o de que aínda hai moita improvisación neste tema, xa que o Real Decreto polo que se regula a creación dos novos títulos de Grao e Posgrao nas diferentes titulacións esta todavía sen definir e, que este retraso na súa publicación, vai supoñer moita rapidez na posta en funcionamento deste novos plans de estudos, xa que o calendario establecido para o seu inicio comenzaría para o próximo curso académico. Por outra banda, comentar que estiveron, coma sempre, favulosamente organizados e, que o trato dado a todos os asistentes foi moi afable e todos os relatores amosáronse moi cercanos e accesibles para calquera tipo de consulta ou para ampliar a información dada, ben de xeito directo como por medios tecnolóxicos.

1503, 2007

NEE e software libre

[D] Ola! Son o orientador do CEIP de Camariñas. Estou a facer un curso denominado “Entrans” no que se intenta colaborar na elaboración e traducción do software galego a través da plataforma Mancomun.org Penso que hai moito material que se pode traducir e adaptar ao galego. A plataforma acaba de nacer pero xa temos polos centros software libre como o Open Office, o Firefox… Espero que co tempo tamén haxa programas e material para traballar co alumnado con NEE.

1403, 2007

Novo libro de Pilar Irimia

[D] SUPERANDO LA SOLEDAD, La educación de la persona con discapacidad intelectual” de Pilar Irimia. Este libro afronta unha avaliación crítica das posibilidades da integración das persoas con discapacidade intelectual, a partir dos diferentes proxectos desenvoltos nos derradeiros anos, en vez de dar por suposta a validez de certos ideais apriorísticos. O esforzo realizado por distintas institucións e polo estado, para lograr unha educación satisfactoria e unhas mellores posibilidades laborais, converteuse nunha apaixonante aventura. Se o conxunto de experiencias é sen dúbida positivo, pola maior toma de conciencia da sociedade; os resultados en cambio, non foron moitas veces os esperados. Esta investigación analiza en detalle casos concretos seguidos en longos procesos temporais. Constitúe ademais un diálogo intenso cun elevado número de persoas, representantes dos diferentes grupos sociais implicados directamente neste empeño colectivo. O traballo recibiu o III Premio Nacional de Investigación Educativa do ano 2003. O rigor dunha investigación científica conxúgase cunha presentación entrañablemente humana de realidades cotiás e de experiencias vividas polos diferentes protagonistas. Humanismo e solidez argumental brindan suxestións para a reflexión e discusión. M.ª Alicerce Irimia Fernández é doutora en Antropología Social, é na actualidade orientadora nun centro de Educación Secundaria e ao longo da súa carreira profesional desempeñou postos técnicos e de responsabilidade directamente relacionados coa educación e integración de alumnos con discapacidad intelectual. Entre as súas publicacións relacionadas co tema figuran: “Linguistic Correction and Semantic Skills in the Spanish Children”, “Identités et culture dans I´experience “Foyer” pour élèves espagnols”, “Vivir las categorías étnicas: “Hispanic” en una escuela de Chicago”, “Estrategias ambiguas e identidades dinámicas en las escuelas plurales”.

0903, 2007

Pizarra Dixital Interactiva e NEE

O uso das PDI (Pizarra Dixital Interactiva) ou Tablet PCs na aula de apoio teñen repercursións altamente positivas, as primeiras debido aos seus compoñentes (PC-Canón-PDI) teñen máis handicaps técnicos, pero aínda así os beneficios suplen como moito os seus inconvintes; particularmente useina con discapacitados motrices para traballar a preescritura con resultados “motivantes”. A plásticidade das aplicacións/xogos desenvolvidos na rede, favorecen esa “manipulación” con soportes tipo PDI. Para exemplo esta aplicación (vía pictaps) con múltiples aplicacións pedagóxicas: [D] ¿Alguén se atreve a valorar a figura co Test de Goodenough?

0603, 2007

As TIC no CEE Ntra. Sra. de Lourdes

O CEE Ntra. Sra. de Lourdes (A Coruña) xa ven demostrando fai anos que saben integrar as TIC na aula, e non dun xeito pechado e delimitado, senón sempre abertos á mellora. O uso das PDI, bitácoras para interactuar cos pais, smartboard, pizarras dixitais, vídeos na web… non paran. Felicidades Felo! e felicidades a todo o centro. [D] [kml_flashembed movie=”http://www.youtube.com/v/PIXl2E_wzOg” width=”425″ height=”350″ wmode=”transparent” /] Posdata: podedes dar unha volta polo seu caderno de bitácora en http://www.claseblanca.tk/