Obradoiros

Cartaz anunciador do IV Congreso TADEGa.

IV Congreso TADEGa. Vigo 2015. Actualizado 7/12/15

2

Avisos importantes

Documentación que deberás traer ao congreso

Acabamos de emitir ás persoas inscritas no congreso un correo no que se vos solicita un ou dous documentos segundo sexa o teu caso. Por favor léedeo con calma e seguide o que alí se indica para facilitar o trámite da homologación por parte do MECD. Graciñas.

Marca os teus obradoiros favoritos

Accede ao formulario no que seleccionar os teus obradoiros favoritos. O enlace ao formulario o tes no teu correo electrónico que enviamos a todos os participantes. Se non o atopas, mira na carpeta do SPAM non vaia a ser que o teñas alí.

Listaxe das persoas inscritas

Lembrade que nesta web tedes o enlace a relación de persoas inscritas (opcións de menú tanto na barra superior como na lateral dereita), de todos modos aquí tedes o enlace:

Cartaz anunciador do IV Congreso TADEGa.

Presentación do congreso

Cumprindo co compromiso de celebrar o noso congreso bianual, queremos compartir os contidos e as sorpresas que nos agardan neste novo Congreso, por certo, máis práctico aínda (tal e como solicitabades nas enquisas) e con máis espazos para os obradoiros.

Inscrición

Tedes ao voso dispor o formulario de inscrición. https://goo.gl/N6MXYS

Concurso

Entre outras novidades, lanzamos este concurso. Chámase Faino ti na que os centros se poden presentar a un suculento premio con gala final no propio congreso. Precisamos espallar esta nova polos centros e as vosas veciñanzas:

I Concurso de Ideas de creación 3D Faino ti

  • Trátase de levar á aula proxectos educativos que impulsen a innovación e que, para implantalos, sexa necesaria a utilización da Impresión 3D.
  • http://tadega.net/wp-content/uploads/2015/07/convocatoria_3d_tadega_galego.pdf
  • Os Centros interesados recibirán un material de apoio para o profesorado para introducir a impresión 3D na aula e os seus procesos.
  • Agardamos os vosos comentarios e… animádevos a participar!

Programa

IV Congreso TADEGa. Vigo 2015 Diversidade, Universo dixital e Inclusión

Etiqueta #tdgvigo15

Lugar
Datas e datos
  • 11 e 12 de Decembro de 2015.
  • Certificación do MECD (Ministerio de Educación, Cultura e Deporte).
  • Certificación da Consellería de Cultura, Educación e OU (en trámite).
  • Certificado adicional de publicacion dixital ISSN por comunicacións libres e obradoiros.
  • Inscrición: https://goo.gl/N6MXYS
Programa
VENRES 11 DECEMBRO
  • 16.30 a 17.00: Recollida de documentación.
  • 17.00 a 17.15: Benvida e inauguración.
  • 17.15 a 18.30: Mesa redonda: Conflitos de inclusión: óptica lexislativa e solucións.
    1. Mª Cruz da Silva Rubio.
    2. Venancio Graña Martínez.
    3. Mª Luz López Díaz.
    4. Mª Esther Núñez Pintos.
    5. Ánxeles Rivela Machado.
  • 18.30 a 18.45: Descanso.
  • 18.45 a 19.30: Relatorio: Tecnoloxía incluínte e inclusiva Miguel Ángel Valero Duboy, Director do  CEAPAT – IMSERSO, Ministerio de Saúde, Servizos Sociais e Igualdade.
  • 19.30 a 21.00: Obradoiros I.
SÁBADO 12 DECEMBRO
  • 09.30 a 11.30: Obradoiros II.
  • 11.30 a 12.00: Café na zona de Expositores.
  • 12.00 a 14.00: Obradoiros III.
  • 14.00 a 16.00: Descanso.
  • 16.00 a 17.30: Obradoiros IV.
  • 17.30 a 18.00: Comunicacións libres.
  • 18.00 a 19.30: Obradoiros V.
  • 19:45 a 20:15: Área educativa //Afundación. Diversionarte e Pintafontes.
  • 20:15 h: Actuación estelar de Igualarte.
OBRADOIROS DO IV CONGRESO

Obradoiros con varias sesións

  1. Creación de contidos nas tablets: Antonio Escudero Feijoo.
  2. Escritura creativa con tablets: Susana Lamela e Ana Mariño
  3. As tablets e as intelixencias múltiples: Iago José Corral López.
  4. Sistemas Alternativos e/ou Aumentativos para a Comunicación nas tablets: Jaime Vidal.
  5. ‘Tablets Android na aula e aspectos técnicos’: Felo Couto
  6. Estratexias na aula para o cambio educativo liderado polo profesoradoRaquel Pedrouso.
  7. Gamificación no proceso da aprendizaxe: Raquel Pedrouso
  8. Impresion 3D no entorno da diversidade funcional e a autonomía persoalGil Barrero. BJ Adaptaciones
  9. ‘O Sistema de comunicación Total Fala Signada na práctica Docente. Materiales para o profesorado, alumnado e familias’: Alejandro Fernández, Santiago Herrera, Manuel Gómez e Javier Soto. Asociación DIVERTIC.www.divertic.org
  10. Monta o teu Robot de Aula. Montaxe e posta en marcha do Escornabot como ferramenta metodolóxica: Xabier Rosas do equipo www.escornabot.com
  11. Adaptación de Xoguetes, ratos e fabricación de pulsadores: Roberto Gaitán Cazorla. CEAPAT

Obradoiros de sesión única

  1. Apps para a comunicación e a accesibilidade en dispositivos móbiles. Jonathan Juncal. ACCEGAL.
  2. Como implementar un proxecto de robótica na aula. DISMEDIA.
  3. Makey-Makey e Scratch na aula. Tech-Academy. Alejandra Alonso.
  4. Recursos na web: Persoas Dobremente Importantes. Pilar Ónega.

Condicións

Ata o 30 de Novembro

  • Persoas socias de TADEGa: 30 €.
  • Persoas de asociacións afíns: Por Dereito, Agpetal, Eganet e Divertic: 40 €.
  • Persoas non socias: 50 €.

Descontos por grupos (de 5 ou máis persoas)

  • Prezo: desconto de 5 € por participante.
  • Remitir a contactar@tadega.net a solicitude de grupo coa relación dos seus integrantes.
  • Cumprimentar de xeito ordinario o formulario de inscrición.
  • Efectuar un único pago polo importe correspondente.

Observacións

  • Despois do 30 de novembro: as cotas increméntatnse en 15 €, non se aplican descontos a grupos.
  • Cea de gala (opcional): prezo por persoa (matriculada ou acompañante): 35 €.

Dereitos de matrícula

Unha vez confirmada a matrícula, esta dá dereito a:

  • Asistencia ao IV Congreso TADEGa
  • Carpeta e documentación de traballo.
  • Certificación homologada de asistencia e, no seu caso, da publicación dos traballos expostos.
  • Asistencia (opcional) á cea de gala o venres 11 ás 21:30 h. xunto coas persoas inscritas como acompañantes no caso de ter abonado as cotas correspondentes.
Cartaz anunciador do IV Congreso TADEGa.

Inscrición bonificada ata o 22 de novembro

0

Non esquezas a túa cita!!

22 Novembro 2015

  • Queres coñecer como empregar os procesos de Gamificacion na aula?
  • Aplicas as novedades da Impresion 3D no entorno da diversidade funcional e a autonomía?
  • No obradoiro de tablets, descubrirás as metodoloxías mais axeitadas
  • Queres unha impresora 3D para a túa aula? Participa niste sinxelo concurso
  • Apetéceche montar na práctica un robot para a aula?
  • E MOITAS MÁIS SORPRESAS…

Lembra que a partir deste día a inscrición no IV CONGRESO TADEGA, increméntase en 15 € https://goo.gl/N6MXYS

Fotografía de Susana Lamela... un tempo atrás.

Obradoiro “Os sentimentos e a aprendizaxe da lectoescritura con dispositivos móbiles”

0
Texto alternativo: imaxe fotográfica dunha nena sorprendida para expresar sorpresa.

Texto alternativo: imaxe fotográfica dunha nena sorprendida para expresar sorpresa.

Non hai entradas!

Con Susana Lamela e Ana Mariño

A verdade é que non contabamos cun éxito así; en apenas 3 días tivemos que pechar o formulario de solicitudes por encher o aforo deste centro que nos acolle.

Sentimos as molestias que lle podamos causar as persoas interesadas en participar e que non se anotaran antes.

Comprometémonos a deseñar estratexias operativas para repetir este obradoiro noutra ocasión antes de rematar o ano, previsiblemente para o vindeiro congreso TADEGa a se celebrar no derradeiro trimestre de 2015 e do que non tardaremos en darvos magníficas novas.

Algúns traballos compartidos

Queremos agradecer especialmente a Susana Lamela e a Ana Mariño, a súa xentileza por tan magnífico obradoiro e tamén por compartir o seu traballo. Deixamos aquí tamén a magnífica presentación que nos serviu de guía para o traballo do obradoiro.

 


From Obradoiro “Os sentimentos e a aprendizaxe da lectoescritura con d. Posted by Tadega Net on 4/14/2015 (10 items)

Generated by Facebook Photo Fetcher 2


Susana Lamela @sonhosdeandel http://sonmago.blogspot.com.es/

Ana Mariño @MestraPrimaria http://mestraprimariablog.blogspot.com.es/

Libro: "Andeis baleiros" de Susana Lamela.

Portada do libro: “Andeis baleiros” de Susana Lamela.

Susana Lamela

Fai agora un ano, no mes de marzo de 2014, nas xornadas Escol@tic.2014, tivemos a ocasión de coñecela. Presentaba unha experiencia coñecida como O mago unha experiencia de traballo colaborativo con tablets. Naquela ocasión gustounos e moito. Unha compañeira de infantil desenvolvendo experiencias creativas, innovadoras, de calidade. Agora quixemos que nos viñese a contar as súas experiencias, que son numerosas, plurais e enriquecedoras.

Temos con nós, unha profe de a pé que traballa a cotío cos cativos de infantil, unha incansable entusiasta da tecnoloxía dixital como ferramenta a usar no seu desempeño diario, unha bloguera incasable que non cesa no seu empeño, e unha autora de libros recoñecidos por todos e todas. E ademais aquí, na súa terra natal de Pontevedra. E nós que andamos na procura de ferramentais dixitais que nos axuden no noso día a día educativo, ben que haberemos de atopar auga para esta sede.

Só por abrir boca, vaian aquí unhas palabras que a crítica fai sobre un dos seus libros:

Andeis baleiros aliméntase do mesmo territorio imaxinativo no que enraizara a súa anterior entrega: protagonismo infantil e marabilloso didáctico nunha trama na que os propios libros, as bibliotecas e o exercicio da lectura fían unha rede de relacións sorprendentes e moi entretidas.

O obradoiro

  • Temática: “Obradoiro para traballar os sentimentos e a aprendizaxe da lectoescritura con dispositivos móbiles”
  • Cando: 11 de abril (sábado) en horario de 10:00 a 14:00 horas.
  • Onde: CEIP de Vilaverde – Mourente en Vilaverde, 9 – Mourente – (36164) Pontevedra.  Google Maps
  • Inscrición: Cumprimentar o formulario que se xunta neste artigo.
  • Prezos: 5 € agás para o profesorado deste centro que xentilmente nos cede as súas instalacións.
  • Importante: Por favor, cada asistente que traia o seu tablet da casa para facer as prácticas. A organización tentará levar algúns para repartir pero non chegaría para repartir a todas as persoas asistentes. Por outra banda, non sabemos como vai tolerar o sistema wifi unha conexión simultánea a tantas tablets, agardemos que nos funcione.
  • Notas: ao rematar, comida sinxela de confraternización a escote para quen queira participar.
  • Características: Susana lamela, bloguera de As nosas letras, O mago, Remedios TIC, Olla polo buratiño, Andel, Senticolor, e autora de libros como Andeis baleiros ou Soños de andel.
Fotografía a modo de logotipo de "Di-versión-arte".

Fotografía e danza de xeito inclusivo

0
Fotografía creativa dunha ensalada nun prato colocada.

Descrición alternativa: fotografía creativa dunha ensalada nun prato colocada habilmente para que pareza o retrato dunha persoa (a leituga como pelo, o tomate como cara, un trozo de cenoria como nariz grans de pimenta como ollos, etc).

Unha axenda inclusiva para Vigo e máis cidades galegas

Toma nota dos seguintes datos:

Laboratorio de fotografía Di-versión-arte

  • Sábados 11, 18, 25 de abril e 9 de maio.
  • Horario de 10 a 14 horas.
  • Sede Afundación Vigo (Rúa Policarpo Sanz, 24-26.
  • Un obradoiro pouco convencional, poderás retratar a túa persoal visión do mundo, co foco na realidade que máis che interesa, libre de prexuizos e apriorismos.
  • Persoas con diversidade funcional ou calquera persoa con interese na fotografía, ou no uso das artes como ferramenta de inclusión social.
  • Cada participante deberá traer cámara de fotos dixital (compacta ou réflex).
  • Máximo 15 asistentes.

Exposición fotográfica + Performance de danza Igualarte

  • Do 11 ao 27 de xuño.
  • Entre as 17:30 e as 20:30 horas.
  • Sede Afundación Vigo. Rúa Velázquez Moreno 18 (Sala de Exposicións II)

Por que?

Fotografía a modo de logotipo de "Di-versión-arte".

Descrición alternativa: fotografía a modo de logotipo de “Di-versión-arte” co cartel en letras de cor turquesa claro e unha persoa pasando por diante levando na cabeza un sinal de tráfico posto a modo de cucurucho.

Boa pregunta: lendo na información que se nos achega, e á vista dos resultados desta mesma actividade desenvolta noutros lugares galegos, atopámonos con singularidades que moito nos gustaría foxen xeralidades: unha actividade dirixida a todo tipo de poboación e con especial sensibilidade ás persoas con diversidade funcional sen entrar a valorar se tal o cual discapacidade. Unha escolma ben feita de actividades aptas para todos e todas sen exclusións, accesibles, sen máis. O dito, unha actividade singular que moito nos gustaría que deixase de selo para converterse en xeralizada, tan inclusiva que nin se anuncia como tal.

//Afundación

Así é o nome da entidade que promove as iniciativas que aquí se amosan, a se celebrar en Vigo nos vindeiros meses e que poderían ser de interese. Esta institución defínese así mesma na súa web como:

A Fundación Galicia Obra Social (Afundación) (…) A nosa misión é a realización dunha acción educativa, social e cultural que, de xeito sostido, eficiente e relevante, contribúa a mellorar a sociedade galega, dentro e fóra de Galicia, e posibilite así o desenvolvemento integral das persoas que forman parte dela.
(…) O noso máximo órgano de decisión é o Padroado no que están representados ABANCA, o noso único mecenas, as sete principais cidades galegas, o Parlamento de Galicia, as deputacións provinciais, a Xunta de Galicia e os traballadores…

Información adicional

Nestes anexos que xuntamos en formato PDF poderedes ter información adicional incluíndo o xeito de vos inscribir se vos interesa:

  • Díptico informativo achegado por Afundación [Enlace 1].
  • Formulario de inscrición con información adicional [Enlace 2].
Ir arriba