Experiencias

Relatos de experiencias levadas a cabo nas aulas en todo o relativo ao uso das TIC na Atención á Diversidade.

Logotipos do CPEIG (Colexio Profesional de Enxeñaría en Informática de Galicia) e de TADEGa (Tecnoloxías de Atención á Diversidade na Educación Galega).

TADEGa premio e-Inclusión do CPEIG

0
Logotipos do CPEIG (Colexio Profesional de Enxeñaría en Informática de Galicia) e de TADEGa (Tecnoloxías de Atención á Diversidade na Educación Galega).

Logotipos do CPEIG (Colexio Profesional de Enxeñaría en Informática de Galicia) e de TADEGa (Tecnoloxías de Atención á Diversidade na Educación Galega).

Premio e-Inclusión

Estamos de noraboa, a revista Código Cero, o Cluster TIC Galicia, La Voz de Galicia… fanse eco dunha novidade de alto interese para todas e todos nós: o CPEIG (Colexio Profesional de Enxeñaría en Informática de Galicia), vén de facer público o recoñecemento a nosa asociación TADEGa (Tecnoloxías de Atención á Diversidade na Educación Galega) coa concesión do premio e-Inclusión.

No seu comunicado do luns 5 de maio indícanos ademáis:

A Xunta de Goberno valorou o traballo realizado para eliminar a fenda dixital e a prol do desenvolvemento das persoas con diversidade funcional.

O Colexio Profesional de Enxeñaría en Informática de Galicia (CPEIG) vén de facer público o recoñecemento a TADEGa (Tecnoloxías de Atención á Diversidade na Educación Galega) coa concesión do premio e-Inclusión.

(…)

Este galardón representa unha novidade dentro dos premios anuais que o CPEIG entrega na Noite da Enxeñaría en Informática, que este ano se celebrará o día 13 do mes de xuño. O CPEIG recoñece mediante o premio o traballo desenvolvido por TADEGa a prol da eliminación da fenda dixital que frea o desenvolvemento das persoas con diversidade funcional.

O colexio comparte coa asociación premiada o seu ideario, no sentido de que considera a accesibilidade das TIC vital e base para que os sectores máis febles da sociedade poidan acceder a todos os contidos, servizos e oportunidades coma o resto da cidadanía. Asemade, o CPEIG valora que a asociación promova a inserción e o aproveitamento das TIC no ensino galego e alí onde se prestan servizos de atención á diversidade, ademais da investigación, fomento e deseño das ferramentas e os métodos para obter o mellor proveito da tecnoloxía dixital e a súa inmersión nas aulas.

Satisfacción e responsabilidade

Para esta asociación é unha emoción contida de alegría e satisfacción recibir un galardón de tal calado e significación. Implica un recoñecemento que a sociedade fai a un número enorme de persoas implicadas nunha educación máis auténtica e acorde cos principios fundamentais dos dereitos das persoas á vez que tamén co novo milenio dixital que entre todas e todos nos estamos outorgando. A transición dunha escola afastada destas realidades a unha escola dixital e inclusiva non é doada nin sinxela, menos aínda desde dentro dela, e neso estamos e por iso apostamos.

Agora ben, un premio non debe ser nunca nun balsámico recoñecemento a un traballo ben feito; é ante todo, un estímulo e un compromiso máis firme para que os obxectivos marcados, por utópicos que podan xulgarse, se acaden nunha liña de horizonte realista á vez que temperá. Nelo estamos.

E como adoitamos dicir na propia asociación: Graciñas por ser e por estar.

Enlaces ás entidades mencionadas

Logotipo do CPEIG (Colexio Profesional de Enxeñaría en Informática de Galicia).

Logotipo do CPEIG (Colexio Profesional de Enxeñaría en Informática de Galicia).

 

 

 

 

 

 

Logotipo da revista dixital Código Cero.

Logotipo da revista dixital Código Cero.

 

 

 

 

Logotipo do Cluster TIC Galicia (Asociación de entidades e axentes do macrosector TIC galego).

Logotipo do Cluster TIC Galicia (Asociación de entidades e axentes do macrosector TIC galego).

 

 

 

 

 

 

Logotipo do xornal galego La Voz de Galicia.es

Logotipo do xornal galego La Voz de Galicia.es

 

 

 

 

TADEGa, universo dixital para a inclusión.

TADEga, tecnoloxías para todos e todas. É de seu.

Altofalante por vibración de Amazon. Modelo azul.

Altofalantes de vibración

1
Altofalante por vibración de Amazon. Modelo azul.

Altofalante por vibración de Amazon. Modelo azul.

Características

Os altofalantes convencionais funcionan de maneira tradicional, é dicir, contan cunha superficie que move o aire e crea diferenzas de presión ao ritmo do son que lle transmite un transductor ao transformar o sinal eléctrico en movemento físico.

Os altofalantes de vibración, en cambio, converten calquera superficie nun resonador. Deste xeito obtemos diferentes calidades tímbricas en función do elemento (unha mesa, unha caixa, un cristal…) que utilicemos para obter resonancia.

Ademais de conseguir boa calidade e potencia de son nun altofalante moi pequeno, os altofalantes de vibración, tamén chamados altofalantes sónicos, permiten experimentar coa percepción vibrotactil e a audición por vía ósea.

Son excelentes tanto para o traballo en estimulación multisensorial como para facer re-educación de audición e linguaxe.

Aínda que non son algo que un se atope habitualmente nas tendas, non son difíciles de conseguir, particularmente por Internet.

Os modelos actuais inclúen avances como Bluetooth, batería interna, lector de cartóns microSD incorporado, radio, etc.

Os prezos son moi variables e, en xeral, elevados se nos imos a marcas moi coñecidas.

No entanto é posible conseguilos a prezos reducidos similares, senón idénticos, a outros de prezo superior.

O altofalante de Amazon

A modo de exemplo podemos mencionar este modelo, cun resultado máis que favorable na relación calidade-prezo: Enlace a www.amazon.es…

O prezo, como vedes, é moi competitivo para un aparello que ten radio FM incorporada, admite tarxetas MicroSD (que le directamente) ten batería interna que se recarga (por tanto pode funcionar sen ningún cable ou, tamén, conectado de modo convencional).

O altofalante do Colacao e dos 40 principais

Pero se non necesitades tanta sofisticación, e esta é a estupenda noticia, tedes unha alternativa doada, cómoda e moi barata.

Os envases de Cola-cao Turbo de 2,5 kg traen de agasallo un altofalante dos 40 principais de vibración. Funciona con dúas pilas AAA non incluídas. Recóllese nunha caixiña moi cómoda e funciona conectado ao computador. A súa calidade de son é razoable. Ten boa potencia de saída e, sobre todo, para facer estimulación vibrotactil vai xenial. E falamos de entre 13,00 € e 15,00 € dun paquete xigante de Colacao (e por riba quedádesvos co Colacao). Así que se queredes probar a ver se lle sacades partido eu non o dubidaría. Ten marxe de caducidade de máis de un ano.

Fátima Mª García Doval.

Altofalantes do Colacao e os 40 principais. Vista do conxunto empaquetado.

Fotografía dos altofalantes do Colacao e os 40 principais. Vista do conxunto empaquetado.

Fotografía dos altofalantes do Colacao e os 40 principais. Vista xeral.

Fotografía dos altofalantes do Colacao e os 40 principais. Vista xeral.

Fotografía dos altofalantes do Colacao e os 40 principais. Vista do conxunto despregado.

Fotografía dos altofalantes do Colacao e os 40 principais. Vista do conxunto despregado.

Anagrama das actividades para o curso 2013/14

III Congreso de Tecnoloxías de Atención á Diversidade na Educación Galega 2013

1
Anagrama das actividades para o curso 2013/14

Descrición alternativa: Anagrama das actividades para o curso 2013/14. Entre elas e como anticipo o obradoiro que aquí se anuncia.

Presentación

Dende diferentes ámbitos como a Cultura con CampUSCulturae, ou a Educación coa asociación TADEGa, síntese con apremio a necesidade de que Educación, Cultura e Sociedade fagan unha aproximación moito máis atinada e intensa ao mundo da diversidade co ánimo de facer efectiva unha inclusión que non acaba de saír dos libros para chegar aos fogares e ás escolas; que nos está tardando moito porque moitos dos seus esforzos non camiñan dende os enfoques axeitados ou non acadan unha conexión plena coa sociedade actual. A tecnoloxía dixital vén ademais a influenciar todo esta estrutura: dende ás oportunidades ata o acceso á cultura, dende a mellora comunicativa ata a interculturalidade que promove. Chega pois o momento deste congreso cunha converxencia nunca antes vista nesta procura que nos ocupa.

Estilo

Con tal motivo e nun traballo simbiótico e conxunto con CampUSCulturae, traemos esta oferta de congreso, pero non un congreso calquera.

  • O protagonista non é a ferramenta (dixital ou non), é a persoa.
  • A inclusión como obxectivo: o que non é para todos, non serve.
  • A accesibilidade e usabilidade como condicións imprescindibles. O que non é accesible, impide a inclusión.
  • A atención á diversidade é un reto, precisa axuda, e o obxectivo é brindala.

Obxectivos

Parten das 4 necesidades básicas detectadas:

  • Formación no aproveitamento do dixital e na atención á diversidade.
  • Encontros para o intercambio de experiencias e recursos.
  • Promoción dos valores da inclusión, da accesibilidade e da usabilidade.
  • Investigar no desenvolvemento de ferramentas e servizos de utilidade.

III Congreso de Tecnoloxías de Atención á Diversidade na Educación Galega 2013. Inclusión e Cultura Dixital

Cando

  • 8 e 9 de novembro de 2013.

Onde

  • Facultade de CC da Comunicación. Santiago de Compostela.

Organizan

  • Asociación TADEGa
  • CampUSCulturae

Colaboran

  • Universidade de Santiago (USC).
  • Revista Educación 3.0
  • BJ-Adaptaciones.com
  • Pictoaplicaciones.com

Como

  • Na xornada do venres, abrimos o apetito con reflexión e controversia:
    • A irrupción das redes sociais, vantaxes e perigos (Mónica Arenas Ramiro).
    • Mesa redonda: Fracasa a Atención á Diversidade?
      • Mª Cruz Da Silva Rubio. Presidenta da asociación Por Dereitopordereito.blogspot.com.es
      • Irene García García. Coordinadora de CampUSCulturae – campusculturae.usc.es
      • Francisco Javier Soto Pérez. Asociación Divertic – divertic.org
      • Manolo Rey Fernández. Mestre e orientador e asesor na Consellería de Educación.
      • Yolanda Barallobre Ferreño. Xefa do departamento de Organización escolar e Diversidade do CAFI (Centro Autonómico de Formación e Innovación) – www.edu.xunta.es/web/cafi
      • Ana Franco Vázquez. Profesora de FOL (Formación e Orientación Laboral), no IES Sanxillao, Lugo.
      • Juan José Fernández García. Presidente de TADEGa. – tadega.net
    • Actividades de inclusión a través da danza INTEGRA2 – campusculturae.usc.es (Miguel Gendre)
  • Na xornada do sábado teremos 3 sesións de obradoiros simultáneos para que as persoas asistentes elixan libremente 3 títulos do seu interese de entre múltiples posibilidades:
    1. Obradoiro ACCEGAL – www.accegal.org (Fátima Mª García Doval).
    2. Plataformas escolares Edmodo – www.edmodo.com (Antonio Garrido de la Guía – www.antoniogarrido.es)
    3. Tablets e dispositivos móbiles Android. (Iago José Corral López).
    4. Dispositivos móbiles Android e automatización de tarefas mediante NFC. (Iago José Corral López)
    5. Experiencias de traballo con ANEAE na aula. (Yolanda Fontán Fernández).
    6. Comunicación total. Proyecto Habla Signada. Asociación Divertic – divertic.org (Emilio Ivars Ferrer).
    7. Proxecto Sígueme – www.proyectosigueme.com (María José Rodríguez Fórtiz).
    8. Proxecto PictoAplicaciones.com – www.pictoaplicaciones.com (Gonzalo García Figueroa).
    9. Obradoiro de solucións personalizadas con Arduíno – www.arduino.cc/es Bricolabs TEAM – bricolabs.cc (Tucho Méndez – sites.google.com/site/sitiotuchomendez, Andrés Diz e Rubén Fernández).
    10. Construción de pulsadores. CEAPAT – www.ceapat.es (Roberto Gaitán Cazorla).
    11. Adaptación de xoguetes. CEAPAT – www.ceapat.es (Roberto Gaitán Cazorla).
    12. BJ Adaptacioneswww.bj-adaptaciones.com (Gil Barrero Llano).
  • Na clausura actuación de María Fumaça – http://youtu.be/KnA4Pc0ofAs.

Horarios

Venres
  • 16.30 – 17.00: Recollida de documentación.
  • 17.00 – 17.30: Benvida e inauguración.
  • 17.30 – 18.30: Relatorio: A irrupción das redes sociais, vantaxes e perigos (Mónica Arenas Ramiro).
  • 18.30 – 20.00: Mesa redonda: Fracasa a Atención á Diversidade?
  • 20.00 – 21.00: Actividades de inclusión a través da danza INTEGRA2 (Miguel Gendre)
Sábado
  • 09.30 – 11.30: Obradoiros simultáneos I.
  • 11.30 – 12.00: Descanso.
  • 12.00 – 14.00: Obradoiros simultáneos II.
  • 14.00 – 16.00: Descanso.
  • 16.00 – 18.00: Obradoiros simultáneos III.
  • 18.00 – 18.30: Descanso.
  • 18.30 – 19.30: Reflexións dos obradoiros e conclusións finais.
  • Actuación de María Fumaça.

Prezos

Como actividade sen ánimo de lucro o que se cobra é máis simbólico que real para sufragar (só en parte) os gastos de relatores e organización (ver formulario de inscrición).

Comité científico

  • Blanco Corral, Maria. Mestra de educación infantil, dirección de TADEGa.
  • Couto Escanciano, Feliciano José. Mestre de educación especial, dirección de TADEGa.
  • Domínguez Besada, Ana Belén. Mestra de audición e Linguaxe, dirección de TADEGa.
  • Fernández Carreira, Susana. Mestra de audición e linguaxe, dirección de TADEGa.
  • Fernandez Gacia, Juan José. Mestre de primaria. Presidente de TADEGa.
  • García García, Irene. Coordinación de CampUSCulturae.
  • Junquera Méndez, Mª Belén. Mestra de inglés, dirección de TADEGa.
  • Mayo Pais, Mª Emma. Profesora asociada da Universidade Internacional de la Rioja, doutora en psicoloxía pola USC, dirección de TADEGa.
  • Neira Cruz, Xosé A. Escritor, coordinación de CampUSCulturae.

Comité organizador

  • Acuña Abalde, Uxía. Mestra de educación infantil.
  • Blanco Baluja, Susana Marina. Orientadora na ESO.
  • Couto Escanciano, Feliciano José. Mestre de educación especial, dirección de TADEGa.
  • Da Silva Rubio, Mª Cruz. Mestra de educación primaria, presidenta de PorDereito.
  • Fernández Carreira, Esteban. Mestre de educación infantil.
  • Fernández Fariñas, Nuria. Mestra de educación infantil.
  • Fernández Fernández, Alejandro. Mestre de audición e linguaxe.
  • Franco Vázquez, Ana. Profesora de FOL (Formación e Orientación Laboral).
  • Herrera López, Santiago. Mestre de educación primaria.
  • Ivars Ferrer, Emilio. Dirección de Divertic e TecnoNEEt.
  • López Díaz, Mª Luz. Mestra de pedagoxía terapéutica.
  • Míguez Mato, Francisco Javier. Mestre de pedagoxía terapéutica.
  • Moura Barros, Carolina. Mestra de audición e linguaxe.
  • Nicolás Giménez, Patricia. Mestra de educación infantil.
  • Nieto Castro, María Belén. Profesora de atención a personas dependentes, traballadora social.
  • Orol Méndez, Ermitas. Mestra de audición e linguaxe.
  • Pena Barbeito, Patricia. Mestra de educación primaria.
  • Roo Mayo, Elena Vanesa. Mestra de pedagoxía terapéutica.
  • Soto Pérez, Francisco Javier. Dirección de Divertic e TecnoNEEt.

Co noso estilo característico

  • Preténdese un aire festivo cun formato áxil e novidoso.
  • Contidos prácticos que poder levar e usar nas aulas.
  • Non haberá certificación homologada. Como moito un non título lúdico tipo Eu estiven aquí en lembranza do evento e con selo europeo.
  • Centros de interese:
    • A idea: festexar a inclusión: natural, enriquecedora e única opción lexítima.
    • Ferramentas dixitais, experiencias de aula, proxectos innovadores, etc.
    • Achegas das TIC facilitadoras da inclusión.
    • Achegas: das familias, dos usuarios, das asociacións e do empresariado.

Onde me inscribo?

As persoas interesadas en participar, dispoñen de toda a información necesaria nesta web: (menú superior, opción encontros, apartado Congresos TADEGa, subapartado III Congreso. Santiago 2013 e alí poden escoller entre o programa, o formulario de inscrición e as listaxes de persoas admitidas.

Inscricións: http://tadega.net/?page_id=3650

Esfera do logotipo de TADEGa.

Logotipos de CampUSCulturae, da Unión Europea e da Universidade de Santiago de Compostela.

Logotipos de CampUSCulturae, da Unión Europea e da Universidade de Santiago de Compostela.

Logotipo de Educación 3.0

Logotipo de Educación 3.0

Logotipo de Pictoaplicaciones.

Logotipo de Pictoaplicaciones.

Logotipo de BJ Adaptaciones

Logotipo de BJ Adaptaciones

Anagrama das actividades para o curso 2013/14

Obradoiro TADEGa: Tablets e dispositivos Android

0

Esfera do logotipo de TADEGa.

Ao fin unha débeda agardada

Dende fai tempo que viñamos anunciando obradoiros en congresos, sempre estabamos cerca e sempre retrasando o anuncio. Agora xa non, toca ir amosando o que será o vindeiro curso 2013/14 que arranca este venres (si, venres 5 de xullo) con este estupendo obradoiro dun tema sumamente demandado: o uso das tablets nas aulas, sobre todo dentro do ámbito da atención á diversidade. Aquí vos deixamos os datos de interese para vos apuntar. Bulide que se agotan as entradas.

Título

Obradoiro TADEGa. tablets e dispositivos portatiles con sistemas Android nas aulas.

Autor

Iago Corral, Lugo.

Cando

Venres 5 ás 16:30 horas para rematar sobre as 21 horas.

Onde

CEIP San Francisco Javier, (ao carón do Corte Inglés) na cidade da Coruña.

Como

Obradoiro aberto a todas as persoas interesadas socias ou non de TADEGa.

Prezo

  • 5 euros para persoas socias.
  • 10 euros para as non socias.
  • O prezo será cobrados alí mesmo na entrada.

Condicións especiais

  • Onde apuntarse: enviando un correo á asociación TADEGa: contactar@tadega.net indicando Nº de persoas que se anotan.
  • Clausura: nun restaurante da zona, cea animosa opcional de vonvivencia a escote (TADEGa paga cafés e chupiños).
  • Ao día seguinte: para os supervivintes que o desexen: chocolate con churros a escote e confraternización.

Agardámosvos

Para amenizar como música de fondo Alborada de noite e luz, de Juan Durán.

Anagrama das actividades para o curso 2013/14

Descrición alternativa: Anagrama das actividades para o curso 2013/14. Entre elas, e como anticipo, o obradoiro que aquí se anuncia.

Ir arriba