Iago Corral

Iago Corral

(0 comentarios, 5 entradas)

Este usuario no ha compartido ninguna información de perfil

Entradas de Iago Corral
Logotipo e imaxe da asociación Bule Bule

Actividades asociacion Bule Bule

0

Logotipo e imaxe da asociación Bule BuleA asociación Bule-Bule é unha asociación sen ánimo de lucro, de pais de nenos e nenas afectados por un déficit de atención con ou sen hiperactividade. Buscan o coñecemento destas características nos nenos por parte das institucións públicas, pais, mais, mestres, profesores e demais educadores; así como unha sabedora no eido do social para con eles. É dicir, colaborar cos traballos, estudos e integracións que favorezan o coñecemento da problemática do TDAH (Acrónimo de Trastornos por Déficit de Atención e Hiperactividade).

Ofrécennos para as seguintes datas unha parella de actividades, inda que similares, moi complementarias.

En primeiro lugar o 16 de abril, celebrarán en Lugo unha conferencia das 16:00 as 19:00 horas no centro cultura Caixa Galicia na Praza de Santa María co relator Don José Ramón Gamo Rodríguez, mestre especialista en audición e linguaxe, director técnico da fundación Educativa e director psicopedagóxico do Proxecto Lumen. Entrada libre

Aquí tedes o cartaz informativo. (en formato PDF).

En segundo lugar e non menos interesante temos un programa formativo para pais e educadores con catro talleres nas seguintes datas: 6 de marzo, 10 de abril, 8 de maio e 5 de xuño, e serán en sesión intensiva polas mañas dos sábados antes mencionados. O acceso será gratuíto para socios/as e para non socios/as será de 10 euros por persoa ou 15 por parella. Si queredes ampliar información sempre poderedes consultar a súa páxina web, tanto por estas actividades como por buscar información da sociedade, máis actividades, talleres, ligazóns, información sobre o trastorno… non perderedes o tempo.

De tódolos xeitos déixovos a información de contacto:

  • Asociación Lucense de Afectados polo Déficit de Atención, Hiperactividade e Trastornos da Conducta.
  • Teléfonos: 617 355 442 / 617 355 826 / 982 20 33 16
  • Correo electrónico: bulebuletdah@gmail.com

O móbil, agora mais.

0

O -zapatofono- ou antigo teléfono de ficción metido nun zapato.O teléfono móbil, cada vez máis, parece que vai perdendo o substantivo de teléfono e gañando o adxectivo móbil. Vai pasando de ser un aparato para poder comunicarnos a distancia con quen nos queiramos a un trebello que nos pode axudar a facer máis cousas das que previamente foi deseñado.

Co móbil poderemos acceder ao noso correo electrónico, as nosas redes sociais, consultar un mapa e buscar o que queiramos nel, acceder a servizos de noticias, xogos, control remoto da computadora da casa, entrenadores físicos persoais… Un pouco o que queiramos.

Os móbiles van mudando de tecnoloxías tamén e vanse cargando de máis e máis dispositivos internos que facilitan o seu uso e acceso. Acelerómetros para poder rexistrar o movemento, pantallas táctiles ou servizos de xeo-localización.

Poderíamos usar estas cousas todas para facer máis accesible o noso entorno? Penso, e non son o único, que si. A tecnoloxía está, agora falta adaptala as nosas necesidades.

Dependendo dos modelos de teléfono que posuamos accederemos a un grupo de programas ou outro. Actualmente temos varios sistemas como o Windows Mobile -en breves sairá a súa versión 6.5-, Symbian OS -moi usada por dispositivos Nokia-, Android -desenvolvida por un consorcio de empresas amalgamadas por Google-, iPhone Os -do famoso iPhone-… Os máis coñecidos.

Un exemplo, moi gráfico e xenial, é o programa Blind para Android. A páxina -en castelán- da aplicación a poderedes atopar no enlace: www.blindapp.com

Blind pode mandar correos electrónicos coa nosa voz, ler a nosa axenda de contactos, ler os mensaxes do móbil… bastantes cousas para o manexo das comunicacións. Pero ten un punto máis ao seu favor, as utilidades para o cotío. Coa cámara pódenos dicir a cor da roupa -por agora seis cores primarios-, utilizar o GPS para dicirche onde te encontras… Moi interesante. Dicir tamén que está en fase beta, isto quere dicir que aínda non está rematado, que aínda pode ser mellor. E non me lembraba, é gratis.

Penso que isto é unha mostra do que nos pode deparar o futuro en materia de trebellos de levar encima. Un paso máis, para todos e todas.

Imaxe do tipo de letra "Sarakanda".

Sarakanda

4

Exemplo de letra tipo sarakanda. [D-678-1]

A dislexia é unha dificultade que non sempre sabemos como atallala nos educandos, e como sempre todo recurso e benvido neste eido.

Tras o nome de Sarakanda temos unha tipografía -ou tipo de letra- que parece que vai a facilitar o aprendizaxe dentro do mundo da dislexia.

O seu plantexamento ven dado por diferentes características:

  • Suave inclinación marcando o sentido da lectura.
  • Facer máis significativos os rasgos propios e característicos de cada unha das letras.

Por exemplo, ollade as confusións típicas das letras:
confusions [D-678-2]

Como di o propio autor, a súa aplicación e desenvolvemento están a nacer. Invítovos a visitalo, ler a súa presentación, e na medida do posible aplicar a tipografía.

Ligazóns

O teclado Dvorak

0

dvorak. [D-556]

Se temos un periférico que temos que usar habitualmente é o teclado. A nosa vida dixital vai ligada o seu uso e acomodación, aínda que a súa distribución non sexa a máis axeitada.

A distribución máis extendida actualmente é a chamada “Qwerty” que ten ese nome herdado da distribución das seis primeiras letras dispostas. Pode cambiar de un idioma a outro os simbolos ou caracteres especiais, pero a distribución xeral é a misma. Outra distribución xa en desuso agás en paises francófonos e a “Azerty”; o Q substituese polo A, o W substituese polo Z ademáis de para escribir os números compre premer a tecla Shift entre outros cambios máis pequenos.

Se tentamos atopar a orixe da distribución “Qwerty” o primeiro no que imos caer e que foi herdada das maquinas de mecanografiar, patentada por Christopher Sholes en 1868 e vendido a Remington en 1873 e que foi feito non accesible de xeito premeditado. Falase moito de que os dígrafos máis convencionais da fala británica fanse dificiles de escribir co fin de que as patillas das máquinas de mecanografía non chocasen e producisen avarias. Esto non é concluinte dado que algun autor -Stan Liebowitz da University of Texas en Dallas y Stephen Margolis da University of California, Los Angeles; “The Fable of the Keys” (“A Fábula Das Teclas”)- sinalan que isto é unha lenda e referenciase que moitas palabras en inglés podense escribir con so unha mao, acelerando esto o proceso de escritura.

Se vos dades conta, no Dvorak as letras mais comunes na escrita galega ou española están no centro, para acceder a elas con mais facilidade, e as letras menos comuns están na parte inferior e as que non se usan nin moito nin pouco están na parte superior; esto fai que a velocidade de escritura sexa mais rápida. Pero a xente resístese ao cambio pola mediocre razón do costume, xa que non me negaredes que vos daría cousa aprender a usar un teclado tan raro como ese.

Feed RSS de Iago Corral
Ir arriba