Edición: 8 de Setembro de 2008 por Ana.
[D-520-1]
TADEGA estivo presente nesta IX edición das xornadas INFORENSINO, que se celebrou iste ano na Facultade de Veterinaria de Lugo. A cita foi do 12 ao 14 e tedes mais informacion sobre o programa na web de INFORENSINO.
[D-520-2]
Edición: 1 de Setembro de 2008 por Ana.
[D-513]
A Xunta de Galicia, en colaboración coa Vicepresidencia da Igualdade e do Benestar e a Secretaría Xeral do Benestar, editaron en xuño do 2008 a Guía de vantaxes e medidas de apoio para persoas con discapacidade (1), elaborada por Bieita Losada Rodríguez e Concepción Freire Castro, traballadoras sociais da Vicepresidencia.
A guía, concibida como un material práctico ao alcance de todas as persoas, é un compendio de servizos e prestacións no ámbito estatal e autonómico, orientadas ás persoas con discapacidade. A guía foi deseñada de xeito que en todos os seus apartados o contido aparece de forma clara e concisa a través de táboas esquemáticas que facilitan ao usuario ou usuaria a busca e o acceso á información. Desenvólvese ao longo de oito apartados que abranguen, entre outros, o procedemento que se ha de seguir para o recoñecemento, a declaración e cualificación do grao de minusvalía; a educación; a formación e o emprego; os beneficios fiscais, as prestacións económicas, sociais e sanitarias; e a vivenda e a accesibilidade á mesma.
Deste xeito, a guía convértese nun espazo útil que facilita o coñecemento a aqueles e aquelas que o precisan para que poidan participar dos servizos existentes e exercer os seus dereitos e responsabilidades cidadáns en condicións de igualdade.
Edición: 16 de Xullo de 2008 por Felo.
[D-501]
Se en Abril dabamos conta do Congreso Nacional de Dislexia (1) a celebrares en Palma de Mallorca entre o 7 e o 9 novembro, eiquí na nosa terriña, ten moi moi boa pinta o Curso de Verán da USC “Dislexia: Novos retos na súa intervención interdisciplinar”.
Desenvolverase en Vilagarcía do 15 ao 19 de setembro coas ultimas innovacións en materia de intervención sobre a dislexia. Darémosvos conta do acontecido no curso e un resumo para os compañeiros que van ao TECNONEET. Setembro formativo!!
Edición: 10 de Xullo de 2008 por belenjunquera.
Segunda entrega dos videos do Congreso, hoxe a Mesa I:
(17:15 horas) Mesa I. Referentes TIC na Atención á Diversidade
Coordina: Mª Belén Junquera Méndez.
Relatores:
Manuel Gómez Villa: DIVERTIC e AUMENTATIVA.net, proxectos, logros e perspectivas de futuro.
Fco. Javier Soto Pérez: Foro TecnoNEEt, proxectos, logros e perspectivas de futuro.
Juan J. Fernández García: TADEGa, proxectos, logros e perspectivas de futuro.
[D-489]
Edición: 8 de Xullo de 2008 por Felo.
Fomos invitados por esta nova asociación para presentar unha comunicación sobre accesibilidade web que resume moi ben o espíritu de todo o que levamos dito nos artigos dos venres sobre a accesibilidade web. Por elo vos deixamos aquí o enlace á presentación que fixemos nestas xornadas celebradas na Universidade de Santiago de Compostela (Facultade de Pedagoxía) os días 3, 4 e 5 de xullo de 2008.
[D-496]
Adicionalmente, fixemos unha publicación especial para esta comunicación na que se explica os contidos básicos de accesibilidade web máis polo miudo e que podedes atopar no seguinte enlace: issuu.com/tadega
Anunciamos que o vindeiro artigo sobre accesibilidade web (o que fai o número 10) será o derradeiro deste curso pechando un ciclo que entendemos foi vivo e rico para todas e todos. Grazas pola vosa paciencia.
Edición: 7 de Xullo de 2008 por Ana.
O compañeiro Rubén Velasco, ten un vídeo moi moi sinxelo dalgunhas funcionalidades que lle podemos sacar ao Windows XP. Algo tan sinxelo como o teclado virtual emerxente pode ser de gran utilidade.
[D-490]
Edición: 5 de Xullo de 2008 por Avespa con mantelo.
[D-482]
Pilar Sánchez dende Pontevedra está a recompilar recursos que emprega en Audición e Linguaxe, ahí van unhos arquivos adxuntos con programas de estimulación que atopou na rede!
Para rematar…deixovos unha paxinas web con recursos-varios. Seguro que moitos as coñecedes… Xa contaredes…
A ver se facemos algo en galego, eh?.
