Bitácora TADEGa.net

[D-312]

O congreso abre as súas portas

Como xa temos insistido noutras ocasións, TADEGa súmase cargada de ilusión ao lanzamento do V Congreso Nacional de Tecnoloxía Educativa e Atención á Diversidade (TecnoNEEt) e que este ano conflúe coas III Xornadas Nacionais de Logopedia Dixital para conformar así o Congreso Tecnoneet-Logopedia Dixital 2008 que, baixo o lema A igualdade de oportunidades no mundo dixital terá lugar no Campus da Muralla do Mar da Universidade Politécnica de Cartaxena (Cartaxena, Murcia, España), os días 18, 19 e 20 de setembro de 2008.

[D-344]

Aberto o prazo de inscrición de comunicacións, pósteres e obradoiros

A día de hoxe comunícannos dende a organización que quedan abertos os formularios por Internet para os envíos de traballos (comunicacións, pósteres e obradoiros) para este congreso. Así pois, vos animamos encarecidamente a participar no mellor evento internacional de fala hispana sobre tecnoloxías e atención á diversidade. Moi probablemente, TADEGa estará presente de diversos xeitos:

• 3 dos nosos compañeiros de TADEGa forman parte do comité organizador (Belén, Antonio e Juan).
• Nun obradoiro, TADEGa propón obradoiros sobre as plataformas galegas EduLim e Ardora.
• Noutro obradoiro, a edición dixital de contidos accesibles.
• Presentación oficial da plataforma Aumentativa.net traducida xa totalmente ao galego grazas a unha equipa de TADEGa (Grazas Belén).
• Presentación oficial do acordo de colaboración entre Divertic.org e TADEGa.net para o libre intercambio de experiencias e acceso a servizos de ambas asociacións.

Vos invitamos a participar

Dende a nosa experiencia de convocatorias previas, sabemos que a calidade está garantida. Así pois vos invitamos a que participedes neste excepcional encontro. A maiores, TADEGa está a buscar fórmulas organizativas e económicas para facilitar o acceso a este congreso aos seus asociados. Esperemos poder darvos noticias moi pronto.

E, por suposto, tedes toda a información necesaria na súa web: http://congreso.tecnoneet.org/

[D-331]

Quen o diría…

O da imaxe do xiz, mira ti por onde, foi o noso primeiro artigo na bitácora. Pero, ao que íamos:

Remexendo e remexendo no ordenador atopo isto:

De Abraham a Juan:

—– Original Message —–
From: Abraham Dominguez
To: juan@TADEGa.net
Sent: Sunday, February 11, 2007 8:39 PM
Subject: Colaboración Tadega

Estimado compañeiro:

Antes de nada darvos a noraboa polo proxecto, a iniciativa pareceme moi interesante; é por iso que estou interesado en formar parte da vosa comunidade se é posible, así como cales serían os pasos.

Abraham Domínguez Cuña: CEIP de LAREDO (Pontevedra)

Un saúdo.

De Juan a Abraham:

—– Original Message —–
From: Juan José Fernández García
To: Abraham Dominguez
Sent: Sunday, February 11, 2007 9:16 PM
Subject: Re: Colaboración Tadega

Estimado Abraham:

Grazas pola túa aportación, no tocante a formar parte do grupo, non creo que haxa problema algún, de todos modos dame un día para confirmalo. Vexo que ademáis deixache unha proposta no foro sobre a creación dun blog. Algo no que xa matinamos algunha que outra vez, someterémolo a sondeo entre foreros e membros de TADEGa aínda que será preciso contar con alguén que se ocupe ou coordine as subidas de datos ao servidor e telo ao día (a min xa me vai chegando coa web e co foro)… pois como ben sabes, un blog que non se actualice a cada pouco perde o seu encanto ¿Preséntaste voluntario? je, je.

Sexa como sexa, benvido e grazas pola túa participación.
Juan.

De Abraham a Juan:

—– Original Message —–
From: Abraham Dominguez
To: Juan José Fernández García
Sent: Monday, February 12, 2007 4:06 PM
Subject: Re: Colaboración Tadega

Ola Juan,

Grazas pola benvida, …sobre o asunto do BLOG, sería un pracer instalar, administrar e coordinar o mesmo, pois sería unha ferramenta moi interesante para colgar as experiencias que estamos a realizar na aula, propostas…onde dun xeito moi sinxelo todos poden colaborar.

Co gallo do uso das PDI fixemos un BLOG que coido que cun toqueteo de deseño podería encaixar coa proposta de BLOG TADEGA: http://www.ediga.net

Un saúdo
Abraham.

Oh, meu deus! Que ben queda isto por estas datas!

Grandes cosas en dous días e tres clics… só fai falla dar o paso.

O demais xa o coñecedes.

[D-326-1]

A bitácora de TADEGa cumpre 1 ano

12 de febreiro de 2008, no día de hoxe esta bitácora está de cumpranos, o noso primeiro ano. E a verdade é que é para estar contentos. Este artigo é o número 326 o que di moito desta andadura xa que son moitos para ser o primeiro ano.

Dende aquí vaia un especial agradecemento a Abraham, o noso incansable das bitácoras que empurrando, empurrando, advertiunos do moito que íamos gañar se iniciabamos ista andadura, e vaia que tiña razón. Grazas Abraham. A él lle toca soprar as velas.

E vaia tamén un agradecemento a todos os editores dos artigos que traballan arreo para que isto funcione: Rosa, Abraham, Belén, Felo, Susana, Antonio…

Pero témosvos unha sorpresa, un regalo de cumpreanos, porque levamos un ano querendo acordarnos de todos, e traemos aquí un recordo especial polos que ninguén se acorda deles:

[D-326-2]

TADEGa naceu para que nos lembremos de todos, para que as tecnoloxías que se nos achegan, sexan para todos e sen favoritismos, mellor dito, rectifiquemos, que sexa con favoritismos de tal xeito que os máis esquecidos cheguen a ser os nosos favoritos. O rapaz desta foto é un neno do colexio ‘Gokul’ en Bhugaon, a 130 kilómetros de Mumbai, na India. El e os seus 52 compañeiros teñen en común: que son orfos, que están nesta escola, que teñen o VIH e que xa saben o que é ser rexeitado por case todos.

Pero nesta escola coas súas TIC tan ‘clásicas’ (aquí lle vemos lapis e regra) estanche moi contentos, ilusionados porque lles da o que os demais lles negan. Non coñezo a quen fixo esta foto, pero seguro que leva un bule bule no peito. Ben, déixome de liortas; se queredes saber a historia toda, tedes no Diario El Mundo a historia completa e outras fotografías. Vaia desde aquí o noso máis profundo respecto por todos eles, pola escola, polo proxecto, precisamente no noso primeiro aniversario.

Enlace que se cita: www.elmundo.es/albumes/2008/02/06/colegiopositivo

[D-314]

Porqué e para que

¿Obradoiros de accesibilidade básica de contidos web?

Nestes tempos asistimos —afortunadamente é moito máis que unha moda— a que moitas asociacións, docentes, pais e alumnos, teñan os seus propios cadernos de bitácora nos que publican case a diario os seus debates, opinións e descubrimentos. É a explosión da parte máis visible da web 2.0 da que tanto se fala. O caso é que a accesibilidade web destes espazos deixa moito que desexar dende o momento en que os temas ou esqueletos destas bitácoras non siguen totalmente os estándares da accesibilidade da W3C-WAI (www.w3.org) (moitos deles nin de lonxe) e, ademais, a maior parte dos seus autores descoñecen estes estándares e, polo tanto, non os trasladan aos contidos que publican (artigos e comentarios).

Conscientes desta carencia, TADEGa ven de organizar unha serie de obradoiros de accesibilidade básica de contidos web pensados (non para re-deseñar os temas, que é asunto moito máis complexo que xa abordaremos máis adiante dende outra perspectiva), senón algo máis básico e sinxelo, para que quen suba e redacte contidos para as súas bitácoras, que estes contidos sexan plenamente accesibles. Nesta preparación dos obradoiros, atopámonos coa sorpresa de que en poucos días moita xente nos pediu poder participar neles e houbo que desdobrar convocatorias, lugares e datas. Así que, por se alguén quedou atrás, aquí vai o programa provisional.

Cando e onde

Talleres de accesibilidade básica de contidos web

Nota: os enderezos electrónicos que se amosan nesta listaxe están descompostos engadindo espazos en branco a fin de evitar o correo lixo.

Taller Nº 1

• Lugar: Santiago de Compostela (CRA de Teo).
• Coordina: Susana Viqueira Cobas (SuViCo @ edu.xunta.es).
• Datas: sábado, 16 de febreiro (9 a 14 horas).
• Asistentes:
  • Susana Viqueira Cobas.
  • Belén Gómez Flores.
  • Uxía Acuña Abalde.
  • Ramón Xosé Rodríguez Orol.
  • Rosa María Garrido Feijoo.
  • María Begoña Salgado Bispo.
  • Manuel Ángel Masaguer Rodríguez.

Taller Nº 2

• MATRÍCULA PECHADA POR SOBREPASAR OS LÍMITES DO AFORO.
• Lugar: Pontevedra (CFR de Pontevedra) - Centro de Formación e Recursos de Pontevedra (Rúa Celso Emilio Ferreiro).
• Coordina: María Belén Junquera Méndez (BelenJunquera @ gmail.com).
• Datas: sábado, 23 de febreiro (9 a 14 horas).
• Asistentes:
  • Ana Belén Domínguez Besada.
  • María Belén Junquera Méndez.
  • Abraham Ignacio Domínguez Cuña.
  • Ánxeles Rivela Machado.
  • María Luz Besada Pérez.
  • Nuria Fernández Fariñas.
  • Inés Casal Barreiro.
  • Cristina Campos Pérez.
  • Xose Antón Vicente.
  • Silvia Iglesias Lago.
  • José Antonio Otero Piñeiro.
  • Alexandre Cortés Ayaso.
  • Begoña Otero.
  • Mª Carmen Rodríguez Montegrifo.
  • Natividad Bouzas Carneiro.
  • Francisco César Díaz.
  • Iago José Corral López.
  • María Areán Fernández
  • David Romero Queiruga.
  • Silvia Fernández Kraemer.
  • Laura Montenegro Fernández.
  • Carmen Paz López.
  • Vicente Sánchez Martín.
  • Elda Álvarez Rivera.
  • Raquel Padín Sampedro.
  • José Manuel Portela Paredes.

Taller Nº 3

• Lugar: A Coruña (CEE de Xordos ‘Nosa Sra. do Rosario’).
• Coordina: María Mercedes Varea Cascallar (Mercedes.Varea @ edu.xunta.es).
• Datas: sábado 1 de marzo (pendente de confirmar). (9 a 14 horas).
• Asistentes:
  • Feliciano José Couto Escanciano.
  • José Leonardo Fariña García.
  • Ánxeles Rozas Méndez.
  • Mar Vaamonde García.
  • María Mercedes Varea Cascallar.
  • Antonio Ovidio Carreira Montes.
  • Julio César Labandeira Sanchéz.
  • María Dans Sampedro.
  • Daniel Emilio García Sánchez.
  • María Isabel Regueiro Fuentes.
  • Susana Marina Blanco Baluja.
  • Xulia Balseiro Rodríguez.
  • Eva Rosa Uceira Rey.

Taller Nº 4

• Lugar: A Coruña (’CEIP Ponte dos Brozos’).
• Coordina: Fernando Moreno González (FMoreno @ edu.xunta.es).
• Datas: 5 e 7 de marzo (mércores e venres) dende as 16:30h. ata as 19:30h.
• Asistentes:
  • José Carlos Casales Regueiro.
  • Ana Álvarez Fontenla.
  • Ramón Segade Vilela.
  • Fernando Moreno González.
  • Carmen Fernández Rodríguez.
  • Aurora Jove Maceiras.
  • Mónica Rodríguez Martínez.
  • María Coronado Santiago.
  • Silvia María López Roibal.
  • Raquel María Julián Molina.
  • Elena Natividad Gómez Álvarez.
  • José Luis González Fernández.
  • Javier Díaz López.
  • Laura Rosato Carballido.
  • Rosa María García Suárez.
  • María Amelia Seoane Rey.
  • Agapito Muñiz Llanos.
  • Ana Esperanza Villar Romarís.
  • Eladio Ramón Suarez Debén.
  • María Isabel Pardo Regueiro.
  • Luis Javier Ramos Asensio.
  • María José García Pita.

Taller Nº 5

• Lugar: Lugo (Centro por determinar).
• Coordina: María Luz López Díaz (Luluxa @ biof.es).
• Datas: (Pendente de confirmar).
• Asistentes:
  • María Luz López Díaz.
  • (Outros pendentes de confirmar).

Datos xerais para os obradoiros

• Entregarase certificación de asistencia pero sen acreditación oficial de horas.
• Inscrición libre e gratuíta condicionada á solicitude previa e ao aforo limitado de prazas do local.
• Quen estando anotado a un taller queira reforzar asistindo a outro, deberá notificalo ao coordinador.
• Relator: Juan José Fernández García (jufega @ edu.xunta.es), co-deseñador da web de TADEGa.net
• Por favor sede puntuais. Tede en conta que son poucas horas para moita materia e lle queremos dar un enfoque principalmente práctico.

Gustaríanos saber cal é a vosa opinión sobre a opción de convocar máis adiante uns obradoiros prácticos sobre accesibilidade web e iniciación á usabilidade, pero máis a fondo e completos (posiblemente de varios días de duración). Xa que, de haber suficientes persoas interesadas, poderíamos preparalo. Se alguén máis quere apuntarse, aínda quedan prazas.

[D-312]

Unha magnífica noticia

Como xa recollen nos seus respectivos cadernos de bitácora de Javier Soto, Domingo Méndez ou Celestino Arteta, TADEGa súmase cargada de ilusión ao lanzamento do V Congreso Nacional de Tecnoloxía Educativa e Atención á Diversidade (TecnoNEEt) e que este ano conflúe coas III Xornadas Nacionais de Logopedia Dixital.

Baixo o lema A igualdade de oportunidades no mundo dixital, o Congreso celebrarase no Campus da Muralla do Mar da Universidade Politécnica de Cartaxena (Cartaxena, Murcia, España), os días 18, 19 e 20 de setembro de 2008.

Trátase, sen ningunha dúbida, dunha cita imprescindible para todos aqueles que traballan no ámbito das TIC e a diversidade, do obradoiro de encontro e discusión para profesionais, usuarios e familias e que, xa na súa anterior edición (2006), congregou a máis de 600 profesionais de España e América Latina. E permitídenos un apunte final algo doce: foi precisamente o congreso que facilitou as vimbias para o nacemento de TADEGa, pois os galegos que alí estabamos, sentimos que xa era hora de que a nosa terra tamén tivese o seu referente no mundo das TIC para a Atención á Diversidade.

É unha cita obrigada como ben din estes compañeiros. Alí estaremos e alí esperámosvos.

Áreas temáticas

Vede aquí unha escolma das súas áreas temáticas para facervos unha idea das calidades postas en marcha desde este magnífico congreso:

• Contorna educativa
  • Tecnoloxías para o desenvolvemento das competencias básicas.
  • Tecnoloxías para a estimulación multisensorial.
  • Tecnoloxías para a rehabilitación/habilitación da linguaxe.
  • Tecnoloxías para a Comunicación Aumentativa.
  • Tecnoloxías para as necesidades educativas especiais.
  • Tecnoloxías para o alumnado con altas capacidades intelectuais.
• Contorna asistencial, laboral e de lecer
  • Tecnoloxías para a vida independente: domótica, robótica e teleasistencia.
  • Tecnoloxías para a inserción laboral.
  • Tecnoloxías para o lecer e o tempo libre.
• Contorna profesional
  • Interacción da persoa coa tecnoloxía.
  • Tecnoloxías e protocolos para a avaliación funcional da persoa.
  • Integración curricular das TIC.
  • Investigación, innovación e formación en tecnoloxías de apoio.
  • Contornas virtuais de ensino e aprendizaxe.
  • Redes sociais en internet sobre tecnoloxías de apoio.
• Marco teórico e institucional
  • Accesibilidade universal, deseño para todos, e igualdade de oportunidades.
  • Políticas educativas sobre tecnoloxía e atención á diversidade.
  • Novos paradigmas e tecnoloxías emerxentes.

Non vos esquezades; é unha cita imprescindible:
http://congreso.tecnoneet.org/