¿Qué é isto?
[D]
Os cadernos de bitácora (tamén chamados blogs
polos que gostan da tecnoloxía e o inglés e de revestirse con eles) son sitios web onde autoras e autores editan noticias e contidos salientables e persoais de xeito cotiá coa idea de compartilos coa comunidade e para ser comentados entre todos… É un xeito de manifestar o que un é ao longo do acontecer diario.
Esta bitácora adícase a reflectir a vida de TADEGa.net e, polo tanto, da comunidade de profesionais da educación que a integran especialmente preocupados pola atencións á diversidade no seu máis amplo senso; isto é: as necesidades educativas especiais, o mundo do maior, o mundo rural, a multiculturalidade, a sobredotación, a marxinalidade social, e todo un longo etcétera que abrangue a todas as persoas que, os que se cren normais chaman diferentes, (aínda que na realidade tal distinción é absurda e discriminatoria).
As nosas opinións son, iso, opinións persoais dos membros de TADEGa máis todos os comentarios e opinións que os visitantes queirades deixarnos. Polo tanto nunca nunca han ser sentencias inapelables. Aquí todos estamos a medrar e aprender ¿Non si?
Preferiblemente —non exclusivamente— en galego porque somos un grupo galego preocupado pola Educación e o Ensino en Galicia.
No teu peto
Xa non tes excusa. Se queres, podes levarnos a todas partes, no teu móbil, na túa PDA. Para iso podes ir a este enderezo e adaptar e descargar o noso widget
no seguinte enlace: www.widgetbox.com
Aquí todos somos benvidos; sen exclusións.